ശരീരഭാരം കുറയ്ക്കാം ഒപ്പം കലോറിയും; ചോറിനു പകരക്കാരായി ഇവര്‍


തവിടുകളയാത്ത അരിയില്‍ ധാരാളം പോഷകങ്ങളുണ്ടെങ്കിലും നമുക്കു ലഭിക്കുന്ന രൂപത്തിലെത്തുമ്പോഴേക്കും കാര്‍ബോഹൈഡ്രേറ്റിന്റെ മാത്രം സ്രോതസ്സായി അരി മാറുന്നു.

പ്രതീകാത്മക ചിത്രം | Photo: Getty Images

അരിയും അരി ആഹാരവും ഒഴിവാക്കുന്ന കാര്യം നമ്മള്‍ ഇന്ത്യക്കാര്‍ക്ക് ആലോചിക്കാനേ കഴിയില്ല. ദിവസം ഒരു നേരമെങ്കിലും അരി കൊണ്ടുണ്ടാക്കിയ വിഭവങ്ങള്‍ ശീലമാക്കിയവരാണ് നമ്മളില്‍ ഭൂരിഭാഗവും. പക്ഷേ, അരി ആഹാരം കൊഴിക്കുന്നത് കൊണ്ടുള്ള ഏറ്റവും വലിയ പ്രശ്‌നം അതിലെ കലോറിയുടെ അളവാണ്. കലോറിയുടെ അളവ് കൂടുന്നത് ശരീരഭാഗം വര്‍ധിക്കുന്നതിനും ഇടയാക്കും. തവിടുകളയാത്ത അരിയില്‍ ധാരാളം പോഷകങ്ങളുണ്ടെങ്കിലും നമുക്കു ലഭിക്കുന്ന രൂപത്തിലെത്തുമ്പോഴേക്കും കാര്‍ബോഹൈഡ്രേറ്റിന്റെ മാത്രം സ്രോതസ്സായി അരി മാറുന്നു. അതിനാല്‍, നമ്മള്‍ ദിവസം കഴിക്കുന്ന ചോറിന്റെയോ അല്ലെങ്കില്‍ അരി വിഭവങ്ങളുടെയോ അളവ് കൂടുതലാണെങ്കില്‍ അതിന്റെ അളവ് കുറച്ച് ആരോഗ്യപ്രദമായ പകരം സ്രോതസ്സുകള്‍ കണ്ടെത്തണമെന്ന് ആരോഗ്യവിദഗ്ധര്‍ പറയുന്നു. അരിയ്ക്കു പകരം ഉപയോഗിക്കാവുന്ന എന്നാല്‍, ആരോഗ്യപ്രദമായ ഏതാനും ഉത്പന്നങ്ങള്‍ പരിചയപ്പെടാം.

ദാലിയ

അരിയ്ക്ക് പകരമായി ഉപയോഗിക്കാവുന്ന മികച്ച മാര്‍ഗങ്ങളിലൊന്നാണ് ദാലിയ. ഗോതമ്പ് നുറുക്ക്, ബള്‍ഗര്‍ എന്നും പേരുണ്ട്. വെന്ത് കഴിയുമ്പോള്‍ അരിയുടെ രുചിയും മണവുമൊക്കെയാണ് ദാലിയയ്ക്കും ഉള്ളത്. രുചിയില്‍ അരിയ്ക്കു സമാനമാണെങ്കിലും 91 ഗ്രാം ദാലിയയില്‍ 76 ശതമാനമാണ് കലോറിയുടെ അളവ്. അരിയുമായി താരതമ്യം ചെയ്യുമ്പോള്‍ ഇത് 25 ശതമാനം കുറവാണ്.

ക്വിനോസ

ഖീര്‍, ഉപ്പുമാവ്, ചിക്കന്‍ബിരിയാണി എന്നിവ ഉണ്ടാക്കുന്നതിന് സാധാരണയായി ഉപയോഗിച്ചുവരുന്നതാണ് ക്വിനോസ. പ്രോട്ടീന്‍, ഫൈബര്‍, വിറ്റാമിന്‍ ബി ഒമേഗ 3 ഫാറ്റി ആസിഡും ക്വിനോസയില്‍ ധാരാളമായി അടങ്ങിയിട്ടുണ്ട്.

ബാര്‍ലി

അരിയിലുള്ളതിനേക്കാള്‍ പ്രോട്ടീനും ഫൈബറും ധാരാളമായി അടങ്ങിയിട്ടുള്ള ബാര്‍ലി ലോകത്ത് കൃഷി ചെയ്തുവരുന്ന ഏറ്റവും പഴക്കമുള്ള ധാന്യങ്ങളിലൊന്നുമാണ്. വിറ്റാമിന്‍ ബി, സിങ്ക്, സെലേനിയം, എയണ്‍, മഗ്നീഷ്യം എന്നീ അവശ്യ പോഷകങ്ങളും ബാര്‍ലിയില്‍ അടങ്ങിയിട്ടുണ്ട്.

മില്ലെറ്റ്‌സ്

ഗ്ലൂട്ടന്‍ തീരെ അടങ്ങിയിട്ടില്ലാത്തതും ആവശ്യപോഷകങ്ങള്‍ ധാരാളമായും അടങ്ങിയുള്ള ധാന്യമാണ് മില്ലെറ്റ്. അധികം വളക്കൂറില്ലാത്ത മണ്ണിലും നന്നായി വളയുന്ന മില്ലെറ്റുകള്‍ ഭക്ഷ്യസുരക്ഷ ഉറപ്പുവരുത്താന്‍ സഹായിക്കുന്നു. ജോവര്‍, ബജ്, റാഗി എന്നിവയെല്ലാം ഇന്ത്യയില്‍ ലഭ്യമായ മില്ലെറ്റുകളാണ്.

കോളിഫ്‌ളവര്‍

കീറ്റോ ഡയറ്റ് പിന്തുടരുന്നവര്‍ക്ക് ചോറിനു പകരം കഴിക്കാവുന്ന മികച്ചമാര്‍ഗങ്ങളിലൊന്നാണ് കോളിഫ്‌ളവര്‍. കലോറി തീരെ കുറഞ്ഞ പച്ചക്കറിയായതിനാലും ധാരാളം പോഷകമുള്ളതിനാലും കോളിഫ്‌ളവര്‍ മികച്ച തിരഞ്ഞെടുപ്പാണ്.

മുളയരി

അരിയുടെ പകരക്കാരനായി ഉപയോഗിക്കാവുന്ന ധാന്യം. മുളയരി പായസം നമ്മുടെ നാട്ടില്‍ ലഭ്യമാണ്. വിറ്റാമിന്‍ ബിയും പ്രോട്ടീനും മുളയരിയില്‍ നല്ല അളവില്‍ അടങ്ങിയിരിക്കുന്നു. എന്നാല്‍, മുള പൂവിട്ട് അരിയാകുന്നതിലെ കാലതാമസം മുളയരിയുടെ ലഭ്യതയെ ബാധിക്കുന്നുണ്ട്.

Content highlights: weight loss 6 healthy rice alternatives you may add to your diet


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


06:03

16-ാം വയസ്സില്‍ പാര്‍ട്ടി അംഗത്വം; എതിരാളികള്‍ക്ക് പോലും സ്വീകാര്യന്‍... കോടിയേരി ഓർമയാകുമ്പോൾ

Oct 1, 2022

Most Commented