ലണ്ടന്‍: ഹോട്ടലില്‍ ചെന്ന് ഭക്ഷണത്തിന് ഓര്‍ഡര്‍ കൊടുക്കുന്നതിന് അത്ര പ്രയാസമുള്ള കാര്യമല്ല. എന്നാല്‍, നമ്മള്‍ ഓര്‍ഡര്‍ ചെയ്യുന്ന ഭക്ഷണം നമ്മുടെ വിശപ്പടക്കുമോയെന്നും മുടക്കിയ കാശിന് ഉണ്ടോയെന്നും നിര്‍ബന്ധമായും അറിഞ്ഞിരിക്കണം. 3500 രൂപയ്ക്ക് ചിക്കനും ഫ്രഞ്ച് ഫ്രൈസും ഓര്‍ഡര്‍ ചെയ്ത് കാത്തിരുന്ന ലണ്ടന്‍ യുവതി ഭക്ഷണം മേശയിലെത്തിയപ്പോള്‍ ഞെട്ടിപ്പോയി. കിട്ടിയ ഭക്ഷണത്തിന്റെ അളവ് അത്രയും കുറവായിരുന്നു. 3500 രൂപ മുടക്കി ഞാന്‍ വാങ്ങിയ ഭക്ഷണം നോക്കൂ എന്ന ക്യാപ്ഷനോടെ അവര്‍ പങ്കുവെച്ച ചിത്രം നിമിഷങ്ങള്‍ക്കുള്ളില്‍ ട്വിറ്റര്‍ ഏറ്റെടുത്തു. 

10000-ല്‍ പരം ലൈക്കുകളും നൂറുകണക്കിന് റീട്വീറ്റുകളും കമന്റുകളുമാണ് യുവതിയുടെ ട്വീറ്റിനു ലഭിച്ചത്.

ബേക്ക് ചെയ്ത ചെറിയ കഷ്ണം ചിക്കനും ഇറച്ചി നിറച്ച സ്‌കോണും സോസുമാണ് യുവതിക്ക് കിട്ടിയത്. ഫ്രഞ്ച് ഫ്രൈസ് ചിത്രത്തില്‍ കാണാന്‍ കഴിഞ്ഞെങ്കിലും അതിന് 3500 രൂപ കൂടാതെ  502 രൂപ വേറെയും നല്‍കേണ്ടി വന്നെന്ന് അവര്‍ പറഞ്ഞു.

'പകല്‍ക്കൊള്ള' എന്നാണ് യുവതിയുട ട്വീറ്റിന് ഒരാള്‍ കമന്റ് ചെയ്തത്. ഇത് അന്യായമാണെന്ന് മറ്റൊരാള്‍ കമന്റ് ചെയ്തു. ചിലര്‍ കുറഞ്ഞ വിലയ്ക്ക് ഭക്ഷണം ലഭിക്കുന്ന റെസ്‌റ്റൊറന്റുകളുടെ പേരും അവിടുന്നു കിട്ടുന്ന ഭക്ഷണത്തിന്റെ ചിത്രവും കമന്റായി ട്വീറ്റു ചെയ്തു.

Content Highlights: tiny meal costed a woman rs 3500 twitter calls it daylight robbery