13-ാം വയസ്സിൽ സൈക്കിളിൽ തുടങ്ങിയ സോഡവിൽപ്പന ഇന്ന് ഓട്ടോറിക്ഷയിൽ; ചാലിയാറിന്റെ 'സോഡാ കുഞ്ഞാപ്പ'


നിലവില്‍ സോഡയ്ക്ക് ഏഴു രൂപയാണ് വില. ജീരക സോഡയ്ക്ക് 10 രൂപയും.

പുതിയ സംവിധാനമുപയോഗിച്ച് സോഡ നിർമിക്കുന്ന ഷൗക്കത്തലി

ഒരു സോഡ കുടിച്ച് ക്ഷീണമാറ്റിയിരുന്ന തലമുറയുണ്ടായിരുന്നു മുന്‍പ്. പിന്നീട് ശീതളപാനീയങ്ങളേറെ വന്നു. പക്ഷേ, തിരുനെല്ലി ഷൗക്കത്തലി സോഡാ നിര്‍മാണം തുടരുകയാണ്.

അരനൂറ്റാണ്ടായി തുടരുന്ന ജോലി ആവുന്നിടത്തോളം തുടരാനാണ് അദ്ദേഹത്തിന്റെ തീരുമാനം. മറ്റെന്തൊക്കെ വിപണിയില്‍ വന്നാലും നാട്ടുകാര്‍ക്ക് ഇദ്ദേഹം പ്രിയപ്പെട്ട സോഡാ കുഞ്ഞാപ്പയാണ്.



ചാലിയാര്‍ പഞ്ചായത്തിലെ വേട്ടേക്കോട് സ്വദേശിയായ ഷൗക്കത്തലി, പതിമൂന്നാമത്തെ വയസ്സില്‍ സൈക്കിളില്‍ ഡോഡാക്കുപ്പികള്‍ നിറച്ച് വില്‍പ്പനയ്ക്കിറങ്ങിയതാണ്.

നിലമ്പൂര്‍ ചെട്ടിയങ്ങാടിയില്‍ പിതാവ് മുഹമ്മദിന് സോഡാ കമ്പനിയുണ്ടായിരുന്നു. അവിടെനിന്നാണ് തുടക്കം.

ചാലിയാര്‍ പഞ്ചായത്ത് മേഖലയിലെ വിതരണച്ചുമതലയായിരുന്നു ഷൗക്കത്തലിക്ക്. ചെട്ടിയങ്ങാടിയില്‍നിന്ന് സൈക്കിളിലേറ്റി ചാലിയാര്‍ പുഴകടന്ന് സോഡയുമായി അകമ്പാടത്ത് എത്തും. ഷൗക്കത്തലിയുടെ നാല് സഹോദരന്മാരും ഈ മേഖലയില്‍ത്തന്നെയാണ് ഇപ്പോഴും.

ചെട്ടിയങ്ങാടിയിലെ വീട്ടിലായിരുന്നു പിതാവ് മുഹമ്മദിന്റെ സോഡാ കമ്പനി. ഷൗക്കത്തലി സോഡാവിതരണം ആരംഭിക്കുന്ന കാലത്ത് ഗോലി സോഡയ്ക്ക് 10 പൈസയായിരുന്നു വില. കടക്കാരന് മൂന്നുപൈസ കമ്മിഷന്‍. ബാക്കി ഏഴു പൈസ ഉടമയ്ക്ക് ലഭിക്കും. ചാലിയാര്‍ പഞ്ചായത്തിലെ സോഡാവിതരണം ഏറ്റെടുത്ത ഷൗക്കത്തലി 40 വര്‍ഷം മുന്‍പ് വേട്ടേക്കോട് സ്ഥലം വാങ്ങി വീടുവെച്ച് ചാലിയാറിന്റെ സ്വന്തം കുഞ്ഞാപ്പയായി.

നിലവില്‍ സോഡയ്ക്ക് ഏഴു രൂപയാണ് വില. ജീരക സോഡയ്ക്ക് 10 രൂപയും.

പുറമേനിന്ന് പല സോഡാ കമ്പനിക്കാരും ചാലിയാര്‍ പഞ്ചായത്തിലെത്തുന്നുണ്ടെങ്കിലും നാട്ടുകാര്‍ക്ക് കുഞ്ഞാപ്പയുടെ സോഡയാണ് ഇപ്പോഴും ഇഷ്ടം. ഇപ്പോള്‍ വേട്ടേക്കോട് സ്ഥലം വാങ്ങി അതില്‍ സോഡാ കമ്പനി നടത്തുകയാണ്.

സൈക്കിളില്‍ തുടങ്ങിയ കച്ചവടം എം-80യിലൂടെ വളര്‍ന്ന് ഇപ്പോള്‍ ഓട്ടോറിക്ഷയിലെത്തി. ഷൗക്കത്തലിയെ സഹായിക്കാന്‍ മക്കളായ ഫൈസല്‍, നിഷാദ് എന്നിവരുമുണ്ട്. പിതാവിന്റെ ഓര്‍മയ്ക്കായി വേട്ടേക്കോട്ടെ സോഡാ കമ്പനിയില്‍ പിതാവ് ആദ്യമായി നല്‍കിയ 10 പൈസ ഗോലി സോഡയുടെ കുപ്പിയും ആദ്യകാലത്ത് സോഡാ ഉണ്ടാക്കിയ മെഷീനും സൂക്ഷിച്ചിട്ടുണ്ട്.

Content Highlights: soda kunjappa from chaliyar, Food, soda selling in cheap rate


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented