ദേശീയ പോഷകാഹാര വാരം; രോഗപ്രതിരോധശേഷി വര്‍ധിപ്പിക്കാനുള്ള അഞ്ചു‌ ഭക്ഷണശീലങ്ങൾ


കോവിഡ്-19 മൂന്നാം തരംഗം വൈകാതെ ഇന്ത്യയിലെത്തുമെന്നാണ് ആരോഗ്യരംഗത്തുനിന്നുള്ള വിദഗ്ധരുടെ മുന്നറിയിപ്പ്. കോവിഡ് മഹാമാരി പൊട്ടിപ്പുറപ്പെട്ട നാള്‍ മുതല്‍ ശരീരത്തിന്റെ പ്രതിരോധശേഷി വര്‍ധിപ്പിക്കേണ്ട ആവശ്യകതയെക്കുറിച്ച് വിദഗ്ധര്‍ മാര്‍ഗനിര്‍ദേശങ്ങള്‍ നല്‍കി വരുന്നുണ്ട്.

പ്രതീകാത്മക ചിത്രം | ഫോട്ടോ: ശ്രീജിത് പി. രാജ്മാതൃഭൂമി

കോഴിക്കോട്: സെപ്റ്റംബര്‍ ഒന്നു മുതല്‍ ഏഴുവരെയുള്ള ഒരാഴ്ചക്കാലമാണ് ഇന്ത്യയില്‍ ദേശീയ പോഷകാഹാര വാരമായി ആചരിക്കുന്നത്. പോഷകാഹാരത്തെക്കുറിച്ചും ആരോഗ്യപ്രദമായ ഭക്ഷണശീലത്തെക്കുറിച്ചും പൊതുജനങ്ങളെ ബോധവാന്മാരാക്കുകയെന്നാണ് ഈ വാരം കൊണ്ട് ലക്ഷ്യമിടുന്നത്. ആരോഗ്യപ്രദമായ ജീവിതശൈലി പിന്തുടരേണ്ടതിന്റെ ആവശ്യകത ആളുകളിലേക്ക് എത്തിക്കുകയെന്നതും ഈ വാരാചരണത്തിന്റെ ലക്ഷ്യങ്ങളിലൊന്നാണ്.

കോവിഡ്-19 മൂന്നാം തരംഗം വൈകാതെ ഇന്ത്യയിലെത്തുമെന്നാണ് ആരോഗ്യരംഗത്തുനിന്നുള്ള വിദഗ്ധരുടെ മുന്നറിയിപ്പ്. കോവിഡ് മഹാമാരി പൊട്ടിപ്പുറപ്പെട്ട നാള്‍ മുതല്‍ ശരീരത്തിന്റെ പ്രതിരോധശേഷി വര്‍ധിപ്പിക്കേണ്ട ആവശ്യകതയെക്കുറിച്ച് വിദഗ്ധര്‍ മാര്‍ഗനിര്‍ദേശങ്ങള്‍ നല്‍കി വരുന്നുണ്ട്. ഈ പോഷകാഹാര വാരത്തില്‍ പ്രതിരോധശേഷി വര്‍ധിപ്പിക്കാനുള്ള ഏതാനും മാര്‍ഗങ്ങള്‍ പരിചയപ്പെടാം.

1. വെള്ളം കുടിക്കുക

ദിവസവും ധാരാളം വെള്ളം കുടിക്കുന്നത് മികച്ച ആരോഗ്യശീലത്തിന് ഏറ്റവും പ്രധാനപ്പെട്ട കാര്യമാണ്. ശാരീരികപ്രവര്‍ത്തനങ്ങള്‍ ക്രമീകരിക്കുന്നതിനും ചയാപചയപ്രവര്‍ത്തനങ്ങള്‍ക്കും ശരീരത്തിന് ഹാനികരമായ പദാര്‍ഥങ്ങളെ ഒരു പരിധിവരെ പുറന്തള്ളുന്നതിനും ഇതു സഹായിക്കും. ഇത് നമ്മുടെ ശരീരത്തിന്റെ പ്രതിരോധശേഷി മെച്ചപ്പെടുത്തും.

2. പച്ച നിറമുള്ള പച്ചക്കറി

നമ്മുടെ ശരീരത്തിന് ആവശ്യമായ പോഷകങ്ങള്‍ എളുപ്പത്തില്‍ സ്വന്തമാക്കുന്നതിന് പ്രകൃത്യായുള്ള മാര്‍ഗങ്ങളിലൊന്നാണിത്. പച്ചനിറമുള്ള പച്ചക്കറികളില്‍ വിറ്റാമിനുകള്‍, ധാതുക്കള്‍, നാരുകള്‍, പ്രോട്ടീനുകള്‍ എന്നിവ ധാരാളമടങ്ങിയിട്ടുണ്ട്. ഇത് നമ്മുടെ പ്രതിരോധശേഷി വര്‍ധിപ്പിക്കാന്‍ സഹായിക്കും.

3. പ്രൊബയോട്ടിക്കുകള്‍ കഴിക്കൂ

നമ്മുടെ ആരോഗ്യം മെച്ചപ്പെടുത്തുന്നതിനു സഹായിക്കുന്ന നല്ല ബാക്ടീരിയകള്‍ നമ്മുടെ കുടലുകളില്‍ ധാരാളമായുണ്ട്. ഇവ നമ്മുടെ രോഗപ്രതിരോധശേഷി കൂട്ടുന്നതിനുള്ള പ്രധാനപ്പെട്ട ഘടകങ്ങളിലൊന്നാണെന്ന് പല പഠനങ്ങളും വ്യക്തമാക്കുന്നു. ഈ ബാക്ടീരിയകളുടെ അളവ് വര്‍ധിപ്പിക്കുന്ന കട്ടത്തൈര്, മോര്, ലസ്സി എന്നിവ ദിവസം ഭക്ഷണത്തിലുള്‍പ്പെടുത്തണമെന്ന് പോഷകാഹാരവിദഗ്ധര്‍ നിര്‍ദേശിക്കുന്നത്.

4. പഴങ്ങളും പഴച്ചാറുകളും

പഴങ്ങള്‍ മികച്ചഭക്ഷണമാണെന്നതിന് തര്‍ക്കമൊന്നുമില്ല. ഏറ്റവും പ്രധാനപ്പെട്ട പോഷകങ്ങള്‍ ശരീരത്തിന് ലഭ്യമാക്കുന്നതിനുള്ള മികച്ച വഴികളിലൊന്നാണ് പഴങ്ങള്‍ ആഹാരശൈലിയുടെ ഭാഗമാക്കുകയെന്നത്. പഴങ്ങള്‍ ജ്യൂസ് അടിച്ചു കഴിക്കുന്നതും ആരോഗ്യത്തിന് ഉത്തമമാണ്. ഇത് നമ്മുടെ പ്രതിരോധശേഷി മെച്ചപ്പെടുത്തും.

5. സുഗന്ധദ്രവ്യങ്ങളും ഔഷധസസ്യങ്ങളും

അടുക്കളയില്‍ അധികമൊന്നും ഉപയോഗിക്കാതെ മാറ്റിവെച്ചിരിക്കുന്ന ഗ്രാംപൂ, ഏലക്ക, മഞ്ഞള്‍, മല്ലി എന്നിവയെല്ലാം നമ്മുടെ രോഗപ്രതിരോധ ശേഷി വര്‍ധിപ്പിക്കാനുള്ള കുറുക്കുവഴികളാണ്. ഇവ ഉപയോഗിച്ച് ഉണ്ടാക്കുന്ന ഭക്ഷണവും പാനീയങ്ങളും ദിവസവും ശീലമാക്കുന്നത് രോഗപ്രതിരോധശേഷി വീണ്ടെടുക്കുന്നതിനും മെച്ചപ്പെടുത്തുന്നതിനും സഹായിക്കുമെന്ന് വിദഗ്ധര്‍ ചൂണ്ടിക്കാട്ടുന്നു.

Content highlights: national nutrition week 2021 5 simple ways to boost immunity

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented