കല്യാണമല്ലേ... എന്തെങ്കിലും വയ്ക്കാന്‍ പഠിച്ചോ... ഈ ചോദ്യം നേരിടാത്ത പെണ്‍കുട്ടികള്‍ ഉണ്ടാവില്ല. ഭക്ഷണം ഉണ്ടാക്കല്‍ അങ്ങനെ അവരുടെ മാത്രം കുത്തകയല്ല എന്നു പറയുകയാണ് ഈ ട്വിറ്റര്‍ പോസ്റ്റ്. വേറൊന്നുമല്ല ഉടനേ വിവാഹിതനാകാന്‍ പോകുന്ന തന്റെ മകന് വേണ്ടി അമ്മ തയ്യാറാക്കിയ പലചരക്കു സാധനങ്ങളുടെ ലിസ്റ്റാണ് ഇത്. അതും വ്യത്യസ്തമായി.
കടയില്‍ സാധനങ്ങള്‍ വാങ്ങാന്‍ പോകുമ്പോള്‍ പലതരം പരിപ്പുകള്‍ എങ്ങനെ തിരിച്ചറിയും. അതിനുള്ള വഴിയാണ് ഈ അമ്മ കണ്ടെത്തിയിരിക്കുന്നത്. പരിപ്പുകളുടെ പലതരം സാമ്പിളുകള്‍ ചെറിയ കവറുകളിലാക്കി ഒരു ഡയറിയുടെ താളില്‍ ഒട്ടിച്ചിരിക്കുന്നു. മാത്രമല്ല ഓരോന്നിനും താഴെ അവയുടെ പേരും എഴുതിയിട്ടുണ്ട്.
A mother made this for his son 😍
— Dipanshu Kabra (@ipskabra) July 18, 2020
who is getting married Soon. 😜😜 pic.twitter.com/7ya9WF4W7k
ദിപന്‍ശു കബ്ര എന്ന ഐ.പി.എസ് ഓഫീസറാണ് ഈ ചിത്രം ട്വിറ്ററില്‍ പോസ്റ്റ് ചെയ്തിരിക്കുന്നത്. 'അടുത്ത് വിവാഹിതനാകാന്‍ പോകുന്ന മകന് വേണ്ടി ഒരു അമ്മ തയ്യാറാക്കിയത് ' എന്ന രസകരമായ ക്യാപ്ഷനും അദ്ദേഹം നല്‍കിയിട്ടുണ്ട്.
ധാരാളം പേര്‍ പോസ്റ്റിന് കമന്റുകളുമായി എത്തിയിട്ടുണ്ട്. നല്ല പരിശീലനമെന്നാണ് മിക്കവരുടെയും കമന്റ്. ലിംഗഭേദമില്ലാതെ എല്ലാവര്‍ക്കും പറ്റിയ പാഠമെന്നാണ് ചിലര്‍ പറയുന്നത്.
Content Highlights: Mom Makes ‘Daal’ Tutorial For Soon-To-Be Married Son
