പഠനത്തിന് പണം കണ്ടെത്താന്‍ പാനിപൂരി വിറ്റ് യുവതി-വൈറല്‍ വീഡിയോ, mohali girl runs a chaat stall, to support her education, viral video, food

03 August 2022, 03:45 PM IST

ഇതുവരെ 70 ലക്ഷത്തിലധികം പേരാണ് വീഡിയോ ഇതുവരെ കണ്ടിരിക്കുന്നത്.

വൈറൽ വീഡിയോയിൽ നിന്നും | Photo: Instagram

കഷ്ടപ്പാടുകള്‍ ഏറെയുണ്ടെങ്കിലും അധ്വാനിച്ച് ജീവിക്കാന്‍ ഇഷ്ടപ്പെടുന്നവര്‍ ഏറെയാണ്. ഇല്ലായ്മകളെക്കുറിച്ച് പരിതപിക്കുന്നതിന് പകരം തങ്ങള്‍ക്ക് ലഭിക്കുന്ന ഓരോ അവസരങ്ങളും അവര്‍ പ്രയോജനപ്പെടുത്തുന്നു. അത്തരമാളുകള്‍ സമൂഹത്തിന് നല്‍കുന്ന സന്ദേശങ്ങള്‍ വലിയ രീതിയിലാരിക്കും സ്വീകരിക്കപ്പെടുന്നത്. ഇത്തരമൊരു സ്ത്രീയുടെ കഥയാണ് ഇപ്പോള്‍ സോഷ്യല്‍ മീഡിയയുടെ ഹൃദയം കവരുന്നത്. മൊഹാലി സ്വദേശിയായ യുവതിയാണ് തന്റെ വിദ്യാഭ്യാസത്തിനുള്ള തുക കണ്ടെത്തുന്നതിന് ചാട്ട് സ്റ്റാള്‍ നടത്തുന്നത്.

ഹാരി ഉപാല്‍ എന്ന ഫുഡ് ബ്‌ളോഗറാണ് വീഡിയോ ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. പാനിപൂരി, പപ്പടി ചാട്ട്, ആലൂ ടിക്കീസ് എന്നിവയെല്ലാം ഇവരുടെ സ്റ്റാളില്‍ വില്‍പ്പനയ്ക്കുണ്ട്. മുമ്പ് താന്‍ ജോലി ചെയ്തിരുന്നുവെന്നും എന്നാല്‍ പഠനത്തിന് സമയം കണ്ടെത്താന്‍ കഴിയാത്തതിനാല്‍ അത് ഉപേക്ഷിക്കുകയായിരുന്നുവെന്നും യുവതി വീഡിയോയില്‍ പറയുന്നു. അതിനുശേഷമാണ് ചാട്ട് സ്റ്റാള്‍ തുടങ്ങിയത്.

ഇതുവരെ 70 ലക്ഷത്തിലധികം പേരാണ് വീഡിയോ ഇതുവരെ കണ്ടിരിക്കുന്നത്. 6.3 ലക്ഷം പേര്‍ വീഡിയോ ലൈക്ക് ചെയ്തിട്ടുണ്ട്. യുവതിയെ അഭിനന്ദിച്ച് നിരവധിപ്പേരാണ് കമന്റ് ചെയ്തിരിക്കുന്നത്. ദൈവം അനുഗ്രഹിക്കട്ടെയെന്നും പെണ്‍കുട്ടികള്‍ അവരുടെ ബിസിനസില്‍ കൂടുതല്‍ ശ്രദ്ധ കേന്ദ്രീകരിക്കുകയും വിജയിക്കുകയും ചെയ്യുന്നുവെന്ന് കാണുമ്പോള്‍ ഏറെ സന്തോഷമുണ്ടെന്ന് ഒരാള്‍ പറഞ്ഞു. മികച്ചൊരു ഭാവി ആശംസിക്കുന്നതായി മറ്റൊരാള്‍ പറഞ്ഞു.

Content Highlights: mohali girl runs a chaat stall, to support her education, viral video, food

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)