ഹോസ്റ്റൽ ഭക്ഷണം വണ്ണത്തെ ബാധിച്ചതോടെ പാചകം തുടങ്ങി; വീഡിയോയുമായി മാനുഷി ഛില്ലർ


ദേശീയ പോഷക വാരാചരണത്തോട് അനുബന്ധിച്ച് ഇൻസ്റ്റ​ഗ്രാമിലൂടെയാണ് ആരോ​ഗ്യകരമായി ഭക്ഷണം കഴിക്കേണ്ടതിനെക്കുറിച്ച് മാനുഷി വീഡിയോ പങ്കുവച്ചിരിക്കുന്നത്.

Photo: Instagram| Manushi Chhillar

ഡോക്ടർ കുടുംബത്തിൽ നിന്ന് മോഡലിങ്ങിലേക്കും സൗന്ദര്യമത്സരവേദികളിലേക്കും ചുവടുവച്ച താരം. ഡോക്ടറായപ്പോഴും തന്റെ സ്വപ്നങ്ങൾ കൈവിടാതിരുന്ന ആ പെൺകുട്ടിയാണ് 2017ൽ മിസ് ഇന്ത്യ കിരീടം കരസ്ഥമാക്കിയ മാനുഷി ഛില്ലർ. ഡയറ്റിങ്ങിന്റെ കാര്യത്തിലും ഫിറ്റ്നസിലും വിട്ടുവീഴ്ച്ച ചെയ്യാത്ത മാനുഷി ഇപ്പോൾ പങ്കുവച്ച വീഡിയോ ശ്രദ്ധേയമാവുകയാണ്. ആരോ​ഗ്യകരമായ ഭക്ഷണരീതിയെക്കുറിച്ച് പങ്കുവെക്കുകയാണ് താരം.

ദേശീയ പോഷക വാരാചരണത്തോട് അനുബന്ധിച്ച് ഇൻസ്റ്റ​ഗ്രാമിലൂടെയാണ് ആരോ​ഗ്യകരമായി ഭക്ഷണം കഴിക്കേണ്ടതിനെക്കുറിച്ച് മാനുഷി വീഡിയോ പങ്കുവച്ചിരിക്കുന്നത്. ആരോ​ഗ്യവും പോഷകവും താൻ എന്നും ശ്രദ്ധ കൊടുത്തിരുന്ന കാര്യങ്ങളാണെന്ന് മാനുഷി പറയുന്നു. ശരിയായ പോഷകം ലഭിക്കുന്നതിലൂടെ ആരോ​ഗ്യത്തിന് ധാരാളം മെച്ചങ്ങളും ലഭിക്കുന്നുവെന്നും താരം.

കോളേജ് കാലത്ത് പോഷകം ലഭിക്കാൻ താൻ പാചകം ചെയ്യാൻ തീരുമാനിച്ചതിനെക്കുറിച്ചും മാനുഷി പങ്കുവെക്കുന്നു. ഹോസ്റ്റൽ ഭക്ഷണം തന്റെ വണ്ണത്തെയും ആരോ​ഗ്യത്തെയും ബാധിക്കാൻ തുടങ്ങിയതോടെ സ്വന്തമായി പാചകം ചെയ്യാമെന്ന് തീരുമാനിക്കുകയായിരുന്നു. മിസ് ഇന്ത്യക്കു വേണ്ടി തയ്യാറെടുക്കുന്നതിനൊപ്പം പഠനവും നടക്കുന്ന സമയമായിരുന്നു അത്. അതുകൊണ്ട് വിട്ടുവീഴ്ച്ച ചെയ്യാൻ കഴിയില്ലായിരുന്നു.

കുട്ടിക്കാലം തൊട്ടേ അമ്മയും അച്ഛനും ആരോ​ഗ്യപ്രദമായ ഭക്ഷണരീതിയെ പ്രോത്സാഹിപ്പിച്ചിരുന്നു എന്നും മാനുഷി. നമ്മൾ കഴിക്കുന്ന ഭക്ഷണമാണ് നമ്മുടെ ആരോ​ഗ്യത്തെ നിർണയിക്കുന്നതെന്ന് ഡോക്ടർമാരായ അച്ഛനും അമ്മയും എപ്പോഴും പറയുമായിരുന്നു. ഇത് പോഷകസമൃദ്ധമായ ഭക്ഷണരീതി തിരഞ്ഞെടുക്കാൻ തന്നെ ഏറെ സഹായിച്ചിട്ടുണ്ടെന്നും മാനുഷി പറയുന്നു.

എല്ലാവർഷവും സെപ്തംബർ ഒന്നു മുതൽ ഏഴുവരെയുള്ള ഒരാഴ്ച്ചയാണ് ദേശീയ പോഷക വാരമായി ആചരിക്കുന്നത്. ആരോ​ഗ്യപ്രദവും പോഷകസമ്പന്നവുമായ ഭക്ഷണം കഴിക്കേണ്ടതിന്റെ പ്രാധാന്യത്തെക്കുറിച്ച് അവബോധമുണ്ടാക്കാനാണിത്.

Content Highlights: Manushi Chhillar on Eating Right National Nutrition Week


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


06:03

16-ാം വയസ്സില്‍ പാര്‍ട്ടി അംഗത്വം; എതിരാളികള്‍ക്ക് പോലും സ്വീകാര്യന്‍... കോടിയേരി ഓർമയാകുമ്പോൾ

Oct 1, 2022

Most Commented