ബിസ്‌കറ്റില്‍ തീര്‍ത്ത തെയ്യക്കോലം; വേറിട്ട കലാവൈഭവത്തിന് കൈയടി നേടി ഡാവിഞ്ചി സുരേഷ്


വിവിധ നിറങ്ങളിലും വലുപ്പത്തിലുമുള്ള 25,000 ബിസ്‌കറ്റുകളാണ് ചിത്രപ്പണി തയ്യാറാക്കാന്‍ ഉപയോഗിച്ചത്.

ഡാവിഞ്ചി സുരേഷ് ഇൻസ്റ്റഗ്രാമിൽ പങ്കുവെച്ച ചിത്രം | Photo: instagram.com|davinchisuresh1|

കോവിഡ് 19-ന്റെ വ്യാപനം മൂലം കഴിഞ്ഞ ഒന്നരവര്‍ഷത്തോളമായി ഉത്സാവാഘോഷങ്ങള്‍ പരിമിതമായാണ് നമ്മള്‍ ആഘോഷിക്കുന്നത്. മലബാറിന്റെ സ്വന്തം കലാരൂപമാണ് തെയ്യം. കണ്ണൂരുകാരനായ ഡാവിഞ്ചി സുരേഷ് ബിസ്‌കറ്റില്‍ തീര്‍ത്ത തെയ്യക്കോലമാണ് സാമൂഹികമാധ്യമങ്ങളുടെ ഇഷ്ടം പിടിച്ചുപറ്റിയിരിക്കുന്നത്.

ബിസ്‌കറ്റും ബേക്കറി പലഹാരങ്ങളുമുപയോഗിച്ചാണ് സുരേഷ് 24 അടി വലുപ്പമുള്ള തെയ്യത്തിന്റെ രൂപം ഉണ്ടാക്കിയത്. സുരേഷ് തന്റെ ഇന്‍സ്റ്റഗ്രാം പേജില്‍ കലാവിരുതിന്റെ ചിത്രം പങ്കുവെച്ചിട്ടുണ്ട്. നേരത്തെയും വ്യത്യസ്തമായ വസ്തുക്കളുപയോഗിച്ച് പല രൂപങ്ങളും സുരേഷ് സൃഷ്ടിച്ചത് വാര്‍ത്തകളില്‍ ഇടം നേടിയിരുന്നു.

കണ്ണൂരിലുള്ള ബേക്ക് സ്റ്റോറി ലൈവ് ബേക്കറിയിലെ ഷെഫ് റാഷിദ് മുഹമ്മദിന്റെ നിര്‍ദേശപ്രകാരമാണ് സുരേഷ് ഈ രൂപമുണ്ടാക്കിയത്. ഏകദേശം 15 മണിക്കൂറെടുത്താണ് ഇത് പൂര്‍ത്തിയാക്കിയത്.

ഹാളിനുള്ളില്‍ ടേബിളുകള്‍ നിരത്തി അതിനു മുകളില്‍ തുണി വിരിച്ച് ബിസ്‌കറ്റുകള്‍ നിരത്തുകയായിരുന്നു. വിവിധ നിറങ്ങളിലും വലുപ്പത്തിലുമുള്ള 25,000 ബിസ്‌കറ്റുകളാണ് ചിത്രപ്പണി തയ്യാറാക്കാന്‍ ഉപയോഗിച്ചതെന്ന് സുരേഷ് വ്യക്തമാക്കി. നിര്‍മാണ ശേഷം ഈ ഉത്പന്നങ്ങളെല്ലാം ബയോ ഡീ ഗ്രേഡ് ചെയ്യാന്‍ കണ്ണൂരിലെ വെറ്റിനറി ഫാമിലേക്ക് കൈമാറിയതായി സുരേഷ് കൂട്ടിച്ചേര്‍ത്തു.

മുന്‍ രാഷ്ട്രപതി എ.പി.ജെ. അബ്ദുള്‍ കലാമിന്റെ രൂപം സ്വര്‍ണത്തിലും ശ്രീനാരായണഗുരുവിന്റെ രൂപം പൂക്കളുപയോഗിച്ചും സുരേഷ് തീര്‍ത്തത് നേരത്തെ ശ്രദ്ധ നേടിയിരുന്നു. തുണിയുടെ മാസ്‌ക് ഉപയോഗിച്ച് ബോളിവുഡ് നടന്‍ അമിതാബ് ബച്ചന്റെ രൂപവും സുരേഷ് തീര്‍ത്തിരുന്നു.

Content highlights: kerala artist creates 24 foot theyyam mascot with 25000 biscuits


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented