പ്രായം 78, അറുപത് വർഷമായി വരുമാനം ചായക്കടയിൽ നിന്ന്; ചായക്കൊപ്പം സ്ട്രോങ്ങായി ശാന്തേടത്തിയും


ഇന്ന് ലോക വയോജനദിനം.

അഞ്ചേരി കുണ്ടോളി മുത്തപ്പൻ ക്ഷേത്രത്തിനു സമീപമുള്ള കടയിൽ ചായയടിക്കുന്ന ശാന്ത.

ഒല്ലൂര്‍: അവശതയുണ്ടെങ്കിലും ജീവിക്കാനുള്ള വഴി സ്വയം കണ്ടെത്തുന്നതിന്റെ ചാരിതാര്‍ഥ്യത്തിലാണ് 78-കാരിയായ ശാന്തേടത്തി. അഞ്ചേരി കുണ്ടോളി മുത്തപ്പന്‍ ക്ഷേത്രത്തിനു സമീപമാണ് ചായക്കട. ഭര്‍ത്താവ് കുണ്ടോളി വീട്ടില്‍ കെ.സി. രാമന്‍കുട്ടിയെ വിവാഹംകഴിച്ച് വന്ന കാലം മുതല്‍ക്കേ ചായക്കടയുണ്ട്. അറുപതുവര്‍ഷം കഴിഞ്ഞു ഈ തൊഴിലില്‍.

വലിയ ലാഭം പ്രതീക്ഷിച്ചല്ല ശാന്തേടത്തി ചായക്കട നടത്തുന്നത്. ശീലിച്ച തൊഴില്‍ പെട്ടെന്ന് നിര്‍ത്താനൊരു മടി. പുലര്‍ച്ചെ അഞ്ചിന് കടയിലെത്തും. രണ്ടുമൂന്നുതരം എണ്ണപ്പലഹാരങ്ങള്‍ പുറമേനിന്ന് കൊണ്ടുവരും. കടയില്‍ സഹായികളാരുമില്ല. ചായയും കാപ്പിയുമൊക്കെ സ്വയം ഉണ്ടാക്കും. തൊട്ടുപിന്നിലുള്ള വീട്ടിലേക്ക് ഉച്ചയൂണിന് പോകുന്ന നേരം മാത്രം അടുപ്പ് അണയ്ക്കും. അരമണിക്കൂര്‍ വിശ്രമം കഴിഞ്ഞ് ഉടന്‍ തിരികെയെത്തും. പിന്നെ വൈകീട്ട് അഞ്ചുവരെ വീണ്ടും കച്ചവടം.



പതിമൂന്ന് വര്‍ഷം മുമ്പ് രാമന്‍കുട്ടി മരിച്ചു. മൂന്ന് മക്കളുണ്ട്. രണ്ട് പെണ്‍മക്കളെ വിവാഹം കഴിച്ചയച്ചു.

മകന്‍ സുരേഷ് അഞ്ചുവര്‍ഷം മുമ്പ് ശ്വാസകോശരോഗത്താല്‍ മരിച്ചു. വീട്ടില്‍ മരുമകളും പേരക്കുട്ടികളുമുണ്ട്. അന്നൊക്കെ തരക്കേടില്ലാത്ത കുടുംബസാഹചര്യമായിരുന്നു.

പുറത്തിറങ്ങി നടക്കാന്‍ ഇപ്പോള്‍ വടിയോ പരസഹായമോ വേണം. രോഗാരിഷ്ടതകള്‍ ഏറെയുണ്ട്. ഒപ്പം ബാധ്യതകളും. കടയിലെത്തിയാല്‍ അതൊക്കെ മറക്കും. വടി ഒരു മൂലയില്‍ വെക്കും.

ചെറിയതെങ്കിലും ഈ തൊഴിലില്‍നിന്നുള്ള സംതൃപ്തിയാണ് ശാന്തേടത്തിയുടെ കരുത്ത്.

Content Highlights: international day of older persons, santha from thrissur, earn daily bread through tea shop, food


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


ksrtc

1 min

പുരുഷന്‍മാര്‍ ഇരിക്കരുത്, വനിതാ കണ്ടക്ടര്‍ക്കൊപ്പം വനിതകള്‍ മാത്രംമതി; ബസില്‍ നോട്ടീസ് പതിച്ച് KSRTC

Dec 4, 2022

Most Commented