.jpg?$p=2a2b9d2&f=16x10&w=852&q=0.8)
പ്രതീകാത്മക ചിത്രം | Photo: canva.com/
വിവിധതരം പൊടികള്‍, ധാന്യങ്ങള്‍, ഉപ്പ്, പഞ്ചസാര തുടങ്ങി അടുക്കളയിലെ പാചകത്തിന് ഉപയോഗിക്കുന്ന വസ്തുക്കള്‍ ദിവസവും ഉപയോഗിക്കുന്നതും ആഴ്ചകളോളം കേടുകൂടാതെ സൂക്ഷിക്കേണ്ടതുണ്ട്. ഇവ ജലാംശം ഏല്‍ക്കാതെ സൂക്ഷിക്കുന്നതിനുള്ള മാര്‍ഗങ്ങള്‍ പരിചയപ്പെടാം.
ഫ്രിഡ്ജില്‍ സൂക്ഷിക്കാം
മിക്ക പൊടികള്‍ക്കും ജലാംശം ആഗിരണം ചെയ്യാനുള്ള പ്രവണത കൂടുതലാണ്. കുറച്ച് സമയത്തേക്കെങ്കിലും ഇവ പുറത്ത് വെച്ചാല്‍ അതില്‍ ഫംഗസ് വളരാനുള്ള സാധ്യതയുണ്ട്. ഇത് ഒഴിവാക്കാന്‍ ഉണങ്ങിയ പാത്രത്തില്‍ പൊടികള്‍ അടച്ച് വെച്ച് ഫ്രിഡ്ജില്‍ വയ്ക്കാം. താപനില കുറഞ്ഞ അന്തരീക്ഷത്തില്‍ ഫംഗസിന് വളരാനുള്ള സാധ്യതയില്ല. അതിനാല്‍ പൊടികളുടെ ആയുസ്സ് വര്‍ധിക്കുകയും കേടുകൂടാതെ ദീര്‍ഘകാലം ഉപയോഗിക്കുകയും ചെയ്യാം.
വായുകടക്കാത്ത പാത്രത്തില്‍ സൂക്ഷിക്കാം
തണുപ്പ് കാലത്ത് പഞ്ചസാരയും ഉപ്പും വേഗത്തില്‍ അലിഞ്ഞ് പോകാനുള്ള സാധ്യതയുണ്ട്. ചൂടും ജലാംശവും നേരിട്ട് ഏല്‍ക്കാത്ത വിധം അവ ടിന്നില്‍ അടച്ച് സൂക്ഷിക്കാം. ഗ്ലാസ് അല്ലെങ്കില്‍ സ്‌റ്റെയ്ന്‍ലെസ് സ്റ്റീല്‍ പാത്രത്തില്‍ അവ സൂക്ഷിക്കാന്‍ ശ്രദ്ധിക്കണം. ബിസ്‌കറ്റ് പോലുള്ള ഭക്ഷ്യസാധനങ്ങള്‍ ബ്രൗണ്‍ പേപ്പറില്‍ പൊതിഞ്ഞ് വായുകടക്കാത്ത പാത്രത്തില്‍ സൂക്ഷിക്കുന്നത് അവയുടെ ആയുസ്സ് വര്‍ധിപ്പിക്കും.
ഈര്‍പ്പമുള്ളിടത്ത് സൂക്ഷിക്കരുതേ
മസാലപ്പൊടികള്‍, അരിപ്പൊടി, ഗോതമ്പ് പൊടി, ധാന്യങ്ങള്‍ എന്നിവയില്‍ വേഗത്തില്‍ ഫംഗസ് ബാധിക്കാന്‍ സാധ്യതയുണ്ട്. ചെറിയതോതിലെങ്കിലും ജലാംശം എത്തിയാല്‍ പോലും ഇവയുടെ ഗുണവും രുചിയും നഷ്ടപ്പെടാം. അതിനാല്‍ ജലാംശമില്ലാത്ത സ്ഥലത്ത് അവ സൂക്ഷിക്കാന്‍ ശ്രമിക്കണം.
വറുത്തെടുക്കാം
മസാലക്കൂട്ടുകളും പൊടികളും കേടുകൂടാതെ സൂക്ഷിക്കുന്നതിനുള്ള മികച്ചമാര്‍ഗമാണിത്. അരിപ്പൊടി വറുത്തെടുത്ത് വയ്ക്കുന്നത് അത് കേടുകൂടാതെ ദിവസങ്ങളോളം സൂക്ഷിക്കുന്നതിന് സഹായിക്കും. ഇത് കൂടാതെ സൂര്യപ്രകാശത്തില്‍വെച്ച് നന്നായി ഉണക്കിയെടുത്ത് സൂക്ഷിക്കുന്നതും മറ്റൊരുമാര്‍ഗമാണ്. മസാലപ്പൊടികള്‍ വറുത്ത് വയ്ക്കുന്നത് അവയുടെ രുചിയിലോ ഗുണത്തിലോ മാറ്റം വരുത്തുന്നില്ല.
ആര്യവേപ്പില
ധാന്യങ്ങള്‍ സൂക്ഷിക്കുന്നത് പാത്രങ്ങളിലാണെങ്കില്‍ അവയ്‌ക്കൊപ്പം ഉണങ്ങിയ ആര്യവേപ്പില ഇട്ടുവയ്ക്കുന്നത് ദീര്‍ഘകാലം അവ കേടുകൂടാതെ ഇരിക്കാന്‍ സഹായിക്കും. തങ്ങളുടെ വിളവുകളെ കീടങ്ങളില്‍ നിന്ന് സംരക്ഷിക്കുന്നതിന് പണ്ടുകാലം തൊട്ടേ കര്‍ഷകര്‍ ഈ വിദ്യപ്രയോഗിച്ചിരുന്നു.
Content Highlights: kitchen tips, how to protect food from moisture, food
Also Watch
RELATED STORIES
.jpg?$p=d83648f&f=1x1&w=100&q=0.8)
.jpg?$p=48405e6&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
.jpg?$p=cc29bd4&f=1x1&w=100&q=0.8)
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=d83648f&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
.jpg?$p=3ca10ba&q=0.8&f=16x11&w=104)
.jpg?$p=85b4690&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..