.jpg?$p=09e9aed&f=16x10&w=852&q=0.8)
പ്രതീകാത്മക ചിത്രം | Photo: canva.com/
ശരീരഭാരം കുറയ്ക്കുകയെന്നത് ഏറെ ശ്രമകരമായ ഒന്നാണ്. ജിമ്മില്‍ പോയും വീട്ടില്‍ തന്നെ വര്‍ക്കൗട്ടുകള്‍ നടത്തിയുമൊക്കെ പലരും ശരീരഭാരം കുറയ്ക്കാന്‍ ശ്രമിക്കാറുണ്ട്. വ്യായാമത്തിനൊപ്പം ആരോഗ്യപ്രദമായ ആഹാരക്രമം കൂടി ഒത്തുചേര്‍ന്നാലേ ശരീരഭാരത്തില്‍ കാര്യമായ കുറവ് വരുത്താന്‍ കഴിയൂവെന്ന് വിവിധ പഠനങ്ങള്‍ സൂചിപ്പിക്കുന്നു. എന്നാല്‍, ചില ഭക്ഷണസാധനങ്ങള്‍ ആഹാരക്രമത്തില്‍ ഉള്‍പ്പെടുത്തുന്നത് അമിതമായ ശരീരഭാരം നിയന്ത്രിക്കാന്‍ സഹായിക്കുമെന്ന് ആരോഗ്യവിദഗ്ധര്‍ ചൂണ്ടിക്കാട്ടുന്നു. ചില ഔഷധസസ്യങ്ങള്‍ കഴിക്കുന്നത് വയറിലെ കൊഴുപ്പ് കുറയ്ക്കാന്‍ സഹായിക്കുമെന്ന് ആരോഗ്യ വിദഗ്ധയായ ഡോ. ഡിംപിള്‍ പങ്കുവെച്ച ഇന്‍സ്റ്റഗ്രാം പോസ്റ്റില്‍ പറയുന്നു.
ശതാവരി
അതിരാവിലെ ചെറുചൂടുള്ള പാലിനൊപ്പമോ ചൂട് വെള്ളത്തിലോ ശതാവരി ഉണക്കിപ്പൊടിച്ചത് കഴിക്കുന്നത് ശരീരഭാരം നിയന്ത്രിക്കുന്നതിനും വയറ്റില്‍ അടഞ്ഞുകൂടിയ കൊഴുപ്പ് കുറയ്ക്കുന്നതിനും സഹായിക്കും
ഉലുവ
അമിതമായ ശരീരഭാരം കുറയ്ക്കുന്നതിനുള്ള മികച്ച മാര്‍ഗമാണിത്. ഒരു സ്പൂണ്‍ ഉലുവ വെള്ളത്തില്‍ ഇട്ട് കുതിര്‍ത്തശേഷം മിക്‌സിയിലിട്ട് അരച്ചെടുക്കുക. ശേഷം തേനില്‍ ചാലിച്ച് കഴിക്കാം.
ഗ്രീന്‍ ടീ
ഒരു പാത്രത്തില്‍ ഒരു ഗ്ലാസ് വെള്ളമെടുത്ത് അതില്‍ സ്വല്‍പം ഗ്രീന്‍ ടീയും രാമതുളസി(ബേസില്‍ ലീഫ്) ഇട്ട് തിളപ്പിക്കുക. ശേഷം സ്വല്‍പം ഏലക്ക പൊടിച്ചതു കൂടി ചേര്‍ത്ത് തിളപ്പിക്കാം. ഇത് നന്നായി തിളപ്പിച്ചശേഷം അരിച്ചെടുത്ത് കുടിക്കാം. ഗ്രീന്‍ ടീയിലെ സംയുക്തമായ ഇ.ജി.സി.ജി. ശരീരത്തിലടിഞ്ഞു കൂടിയിരിക്കുന്ന കൊഴുപ്പ് നീക്കം ചെയ്യാന്‍ സഹായിക്കും.
ഇഞ്ചി
ദഹനപ്രക്രിയ വേഗത്തിലാക്കി കൊഴുപ്പ് നീക്കം ചെയ്യാന്‍ ഇഞ്ചി സഹായിക്കുന്നു. ഒരു പാത്രത്തില്‍ വെള്ളമെടുത്ത് ചെറുതായി അരിഞ്ഞുവെച്ചിരിക്കുന്ന ഇഞ്ചി ചേര്‍ത്ത് 10-15 മിനിറ്റ് തിളപ്പിക്കുക. ഇത് തണുത്തശേഷം കുടിക്കാം.
(ശ്രദ്ധിക്കുക: ആഹാരക്രമത്തിൽ മാറ്റം വരുത്തുമ്പോൾ ന്യൂട്രീഷനിസ്റ്റിന്റയോ ആരോഗ്യവിദഗ്ധന്റെയോ ഉപദേശം തേടുക)
Content Highlights: herbs to reduce belly fat, food, healthy food, healthy diet
Also Watch
RELATED STORIES
.jpg?$p=f7e15be&f=1x1&w=100&q=0.8)
.jpg?$p=c2197a1&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
IN CASE YOU MISSED IT
.jpg?$p=60d9f40&f=1x1&w=100&q=0.8)
.jpg?$p=c2197a1&q=0.8&f=16x11&w=104)
.jpg?$p=48405e6&q=0.8&f=16x11&w=104)
.jpg?$p=48405e6&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..