.jpg?$p=24d41f7&f=16x10&w=852&q=0.8)
പ്രതീകാത്മക ചിത്രം | Photo: canva.com/
കൊളസ്‌ട്രോളിനെയും അനുബന്ധരോഗങ്ങളെയും പേടിച്ച് ഇന്ന് മിക്കവരും നെയ്യ് ആഹാരക്രമത്തില്‍ നിന്ന് ഒഴിവാക്കാറുണ്ട്. അതേസമയം, നമ്മെ ആരോഗ്യത്തോടെ കാക്കുന്നതിന് നെയ്യ് ഏറെ സഹായിക്കുന്നുണ്ടെന്നതാണ് വാസ്തവം. ആന്റിഓക്‌സിഡന്റുകള്‍, വിറ്റാമിനുകള്‍, ആരോഗ്യപ്രദമായ കൊഴുപ്പുകള്‍ എന്നിവയാല്‍ സമ്പന്നമാണ് നെയ്യ്. മിതമായ അളവില്‍ നെയ്യ് കഴിക്കുന്നത് ശരീരത്തിന് ഏറെ ഗുണം ചെയ്യുമെന്ന് പഠനങ്ങളില്‍ വ്യക്തമാക്കുന്നു.
കുടലിന്റെ ആരോഗ്യം കാക്കുന്നു
നെയ്യ് കഴിച്ച് ദിവസം തുടങ്ങുന്നത് ഇന്‍സുലിന്‍ ഉത്പാദനം മെച്ചപ്പെടുത്തുമെന്ന് പഠനങ്ങളില്‍ കണ്ടെത്തിയിട്ടുണ്ട്. ഇത് കൂടാതെ കുടലിലെ ബാക്ടീരിയകളുടെ എണ്ണം വര്‍ധിപ്പിക്കുകയും ചെയ്യുന്നു. ഉറങ്ങുന്നതിന് മുമ്പായി നെയ്യ് കഴിക്കുന്നത് മലബന്ധം ഒഴിവാക്കാന്‍ സഹായിക്കുന്നു.
എല്ലുകളുടെ ബലത്തിന്
നെയ്യില്‍ അടങ്ങിയിരിക്കുന്ന വിറ്റാമിന്‍ കെ ഭക്ഷണത്തിലെ കാത്സ്യം ആഗിരണം ചെയ്യാന്‍ സഹായിക്കുന്നു. വിറ്റാമിന്‍ എയുടെ സാന്നിധ്യമാകട്ടെ വിറ്റാമിന്‍ ഡിയുടെ ആഗിരണത്തെയും സഹായിക്കുന്നു. പല്ലുകള്‍ കേടാകുന്നത് തടയുകയും എല്ലുകളെ ബലപ്പെടുത്തുകയും ചെയ്യുന്നു.
രോഗപ്രതിരോധശേഷി വര്‍ധിപ്പിക്കുന്നു
ശരീരത്തിന്റെ രോഗപ്രതിരോധശേഷി വര്‍ധിപ്പിക്കാന്‍ ഏറെ സഹായിക്കുന്ന ഒന്നാണ് നെയ്യ്. ഇതിലടങ്ങിയിരിക്കുന്ന ആന്റിഓക്‌സിഡന്റുകള്‍ ഭക്ഷണത്തിലൂടെ ലഭിക്കുന്ന അവശ്യപോഷകങ്ങളുടെ ആഗിരണം വേഗത്തിലാക്കുകയും രോഗങ്ങള്‍ പിടിപെടുന്നതില്‍ നിന്ന് സംരക്ഷിക്കുകയും ചെയ്യുന്നു.
മൊത്തത്തിലുള്ള ആരോഗ്യത്തിന്
നെയ്യ് കഴിക്കുന്നതിനെ വര്‍ഷങ്ങളായി ആയുര്‍വേദത്തില്‍ പ്രോത്സാഹിപ്പിച്ചു വരുന്നു. ചര്‍മാരോഗ്യം മെച്ചപ്പെടുത്തുന്നതിന്, ചീത്ത കൊളസ്‌ട്രോള്‍ കുറയ്ക്കുന്നതിന്, ദഹനവ്യവസ്ഥ മെച്ചപ്പെടുത്തുന്നതിന്, ഫംഗസ് ബാധയില്‍ നിന്ന് സംരക്ഷണം നല്‍കുന്നതിനെല്ലാം ആയുര്‍വേദത്തില്‍ നെയ്യ് ഉപയോഗിച്ച് വരുന്നു.
Content Highlights: healthy diet, healthy food, food, health benefit of ghee
Also Watch
RELATED STORIES
.jpg?$p=f7e15be&f=1x1&w=100&q=0.8)
.jpg?$p=c2197a1&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
IN CASE YOU MISSED IT
.jpg?$p=85b4690&f=1x1&w=100&q=0.8)
.jpg?$p=f1b1304&f=1x1&w=100&q=0.8)
.jpg?$p=c2197a1&q=0.8&f=16x11&w=104)
.jpg?$p=48405e6&q=0.8&f=16x11&w=104)
.jpg?$p=48405e6&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..