ഇന്ത്യൻ അടുക്കളകളിലെ പ്രധാന ചേരുവകളിലൊന്നാണ് മഞ്ഞൾ. ഭക്ഷണങ്ങളിൽ ഏറെയും മഞ്ഞൾ ചേർത്താണ് തയ്യാറാക്കുന്നത്. ആന്റിഓക്സിഡന്റുകളുടെ കലവറയായ മഞ്ഞൾ പാലിൽ ചേർത്ത് കുടിക്കുന്നവരുമുണ്ട്. ഇപ്പോൾ സമൂഹമാധ്യമത്തിൽ വൈറലാകുന്നതും ഒരു മഞ്ഞൾ വിശേഷമാണ്. സംഗതി അധികം കണ്ടിട്ടില്ലാത്ത ഒരു മഞ്ഞളാണ്. ഇരുണ്ട നീല നിറത്തിലുള്ള ഈ മഞ്ഞളിന്റെ ചിത്രങ്ങൾ വൈറലാവുകയാണ്.
ഐഎഫ്എസ് ഓഫീസറായ ശ്വേത ബൊഡ്ഡുവാണ് വ്യത്യസ്തമായ ഈ മഞ്ഞളിന്റെ ചിത്രം സമൂഹമാധ്യമത്തിൽ പങ്കുവച്ചിരിക്കുന്നത്. തന്റെ ഫീൽഡ് സന്ദർശനത്തിനിടെയാണ് ശ്വേത ഈ മഞ്ഞൾ കാണുന്നത്. കണ്ടമാത്രയിൽ തന്നെ കൗതുകം തോന്നിയ അത് സമൂഹമാധ്യമത്തിൽ പോസ്റ്റ് ചെയ്യാൻ തീരുമാനിക്കുകയായിരുന്നു. ബ്ലാക് ടർമെറിക് എന്ന പേരിലുള്ള ഈ മഞ്ഞളിനെക്കുറിച്ച് കേട്ടിട്ടുണ്ടോ എന്നു ചോദിച്ചാണ് ശ്വേത ചിത്രം പങ്കുവെച്ചിരിക്കുന്നത്. കാൻസർ ഉൾപ്പെടെയുള്ള രോഗങ്ങൾ ചികിത്സിക്കാൻ ഉപയോഗിക്കുന്ന അപൂർവമായ ആയുർവേദ ഔഷധമാണ് ഇതെന്നും പോസ്റ്റിൽ പറയുന്നു.
Ever heard of Black Turmeric? Has lovely blue colour! Found on field inspection
— Swetha Boddu, IFS (@swethaboddu) January 12, 2021
It's rare, Ayurvedic. A powerful antioxidant, used in some cancers. Tons of other benefits. Costly too
Our #biodiversity is wonderful.
Choose local over hybrid pic.twitter.com/JnbGLBDhmF
കാഴ്ചയിൽ സാധാരണ മഞ്ഞൾ പോലെ തോന്നുമെങ്കിലും മുറിച്ചു നോക്കുമ്പോഴാണ് അകം ഇരുണ്ട നീലനിറത്തിലാണ് എന്നു കാണുക. കുർകുമ സീസിയ എന്ന പേരിലറിയപ്പെടുന്ന ഈ മഞ്ഞൾ മധ്യപ്രദേശിലും വടക്കുകിഴക്കൻ സംസ്ഥാനങ്ങളിലും പ്രധാനമായും കാണപ്പെടുന്നത്. ഗ്യാസ്ട്രിക് പ്രശ്നങ്ങൾ പരിഹരിക്കാനും മുറിവുണക്കാനുമൊക്കെ കഴിവുള്ളവയാണ് ഇവ.
Content Highlights: Ever Heard Of Black Turmeric
