09 September 2020, 12:34 PM IST

1 min read

Read later

ട്വിറ്റർ വീഡിയോയിൽ നിന്ന്|twitter.com|RTthehoodstar

തീരെ ചേർച്ചയില്ലെന്നു തോന്നുന്ന രണ്ടു ഭക്ഷണ വിഭവങ്ങൾ ഒന്നിച്ച് കഴിക്കുന്ന രീതി അടുത്തിടെ കൂടുതലായി കാണാറുണ്ട്. സ്ട്രോബെറി പിസയും ചായ് പാസ്തയുമൊക്കെ വൈറലായതിനു പിന്നാലെയിതാ മറ്റൊരു വിചിത്ര കോമ്പിനേഷൻ കൂടി തരംഗമാവുകയാണ്. ഇക്കുറി അത് വ്യത്യസ്തമായൊരു ഫ്രൈഡ് ചിക്കൻ റെസിപ്പിയാണ്.

ചിക്കൻ വിവിധ വിധത്തിൽ പൊരിക്കുന്നതു കണ്ടിട്ടുണ്ടാവും. എന്നാൽ ഇപ്പോൾ വൈറലായിരിക്കുന്നത് ചോക്ലേറ്റിൽ മുക്കിപ്പൊരിച്ച ഒരു ചിക്കനാണ്. കേൾക്കുമ്പോൾ ഇതെന്ത് ചിക്കൻ എന്നു തോന്നുമെങ്കിലും സംഗതിയുടെ വീഡിയോ സഹിതം സമൂഹമാധ്യമത്തിൽ വൈറലാവുന്നുണ്ട്.

ചിക്കൻ ഫ്രൈ ചെയ്യുന്നതിന്‌റെ തുടക്കംമുതൽ വീഡിയോയിൽ കാണിക്കുന്നുണ്ട്. കഷ്ണങ്ങളാക്കി വച്ചിരിക്കുന്ന ചിക്കൻ ഒരുപാത്രത്തിൽ വച്ചിരിക്കുന്ന ഉരുക്കിയ ചോക്ലേറ്റിൽ മുക്കിയെടുക്കുന്നതിൽ നിന്നാണ് വീഡിയോ ആരംഭിക്കുന്നത്. ശേഷം തിളച്ച എണ്ണയിലേക്കിട്ട് വറുത്തുകോരുന്നു. ചോക്ലേറ്റ് കോട്ടിങ്ങോടുകൂടിയ അരികിൽ വച്ച സോസ്മിശ്രിതത്തിൽ മുക്കിയെടുത്തു കഴിക്കാൻ പാകത്തിൽ വെക്കുന്നതും വീഡിയോയിൽ കാണാം.

പത്ത് ലക്ഷത്തിൽപ്പരം പേരാണ് ഇതിനകം വീഡിയോ കണ്ടിരിക്കുന്നത്. രസകരമായ കമന്റുകളും വീഡിയോക്ക് ലഭിച്ചിട്ടുണ്ട്. ചിക്കനോട് എങ്ങനെയാണ് ഇങ്ങനെ ചെയ്യാൻ തോന്നുന്നതെന്നും ഇത് ഭക്ഷണത്തോടുള്ള കുറ്റകൃത്യമാണെന്നും ചിക്കനോടുള്ള ക്രൂരതയാണെന്നുമൊക്കെ പോകുന്നു കമന്റുകൾ.

Content Highlights: Chocolate Coated Fried Chicken Viral Video