ഹോം എലോണ്‍ സിനിമയുടെ ആരാധകരാണോ? എങ്കില്‍ കണ്ടോളൂ വൈറലായ മറ്റൊരു 'ഹോം എലോണ്‍'


സംഗതി ജിഞ്ചര്‍ ബ്രെഡ് (ഒരിനം കേക്ക്) കൊണ്ടുണ്ടാക്കിയ കിടിലന്‍ ഹോം എലോണ്‍ വീടാണ്.

വീഡിയോയിൽ നിന്ന്‌ | Photo: twitter.com|DisneyPlusUK

1990ല്‍ പുറത്തിറങ്ങിയ 'ഹോം എലോണ്‍' എന്ന ചിത്രത്തിന് ഈ കാലഘട്ടത്തിലും ആരാധകര്‍ ഏറെയാണ്. വീട്ടുകാര്‍ ക്രിസ്മസ് അവധിക്കാലം ആഘോഷിക്കാനായി ബന്ധുവീട്ടിലേക്ക് പോകവേ വീട്ടില്‍ അബദ്ധത്തില്‍ തനിച്ചാവുകയാണ് കവിന്‍ മകലിസ്റ്റര്‍ എന്ന ആണ്‍കുട്ടി. ഒടുവില്‍ തനിച്ചായ വീട്ടില്‍ രണ്ടു കള്ളന്മാര്‍ കയറുന്നത് തടയാന്‍ കവിന്‍ നടത്തുന്ന ബുദ്ധിപരമായ നീക്കങ്ങളായിരുന്നു സിനിമയുടെ ഇതിവൃത്തം. ഇപ്പോഴിതാ ചിത്രത്തിലെ വീടിനു സമാനമായൊരു വീടാണ് സമൂഹമാധ്യമത്തില്‍ വൈറലാകുന്നത്. സംഗതി ജിഞ്ചര്‍ ബ്രെഡ് (ഒരിനം കേക്ക്) കൊണ്ടുണ്ടാക്കിയ കിടിലന്‍ ഹോം എലോണ്‍ വീടാണ്.

ഹോം എലോണ്‍ സീരീസിലെ ആദ്യചിത്രം പുറത്തിറങ്ങിയതിന്റെ മുപ്പതാം വാര്‍ഷികം ആഘോഷിക്കുന്ന വേളയിലാണ് ജിഞ്ചര്‍ ബ്രെഡ് കൊണ്ട് ചിത്രത്തിലെ വീടിനു സമാനമായ രൂപം ഒരുക്കിയത്. കേക്ക് ഡിസൈനുകളുടെ പേരില്‍ നിരവധി പുരസ്‌കാരങ്ങള്‍ നേടിയിട്ടുള്ള മിഷേല്‍ വിബോവോ ആണ് വ്യത്യസ്തമായ ഈ കേക്ക് ഒരുക്കിയിരിക്കുന്നത്.

ജിഞ്ചര്‍ ബ്രെഡ് കൊണ്ട് ഹോം എലോണിലെ വീടിനെ അതേപടി പകര്‍ത്തി വച്ചിരിക്കുകയാണ് മിഷേല്‍. വീടിനു ചുറ്റുമുള്ള ക്രിസ്മസ് ഒരുക്കങ്ങള്‍ വരെ കേക്കില്‍ കാണാം. വീടിനു പുറത്തു നില്‍ക്കുന്ന കള്ളന്മാരെയും കെവിന്റെ ട്രീ ഹൗസുമൊക്കെ കേക്കിലും കൊണ്ടുവന്നിട്ടുണ്ട്. മഞ്ഞുപുതച്ചു കിടക്കുന്നതിന് സമാനമായാണ് ജിഞ്ചര്‍ ബ്രെഡ് ഹൗസ് തയ്യാറാക്കിയിരിക്കുന്നത്.

ഡിസ്‌നിയുടെ പേജിലൂടെ വ്യത്യസ്തമായ ഈ കേക്കിന്റെ വീഡിയോയും പങ്കുവച്ചിട്ടുണ്ട്. സംഗതി ഉഗ്രനാണെന്നും സിനിമയിലെ വീടു പോലെയുണ്ടെന്നും ഇത്ര മനോഹരമായി തയ്യാറാക്കിയ ഹോം എലോണ്‍ വീട് എങ്ങനെയാണ് കഴിക്കാന്‍ തോന്നുക എന്നുമൊക്കെ പോകുന്നു കമന്റുകള്‍.

Content Highlights: Artist recreates Home Alone house in gingerbread


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022

Most Commented