ഏറെ ആരോഗ്യപ്രദം; ചുവന്ന മുളകിന് പകരം പച്ചമുളക് കഴിക്കാനുള്ള കാരണം പങ്കുവെച്ച് നടി


പച്ചമുളകില്‍ വിറ്റാമിന്‍ സിയും ആന്റിഓക്‌സിഡന്റുകളും ധാരാളമായി അടങ്ങിയിരിക്കുന്നു. 

പച്ചമുളക്

ഫിറ്റ്‌നസിന്റെ കാര്യത്തിലും ഭക്ഷണകാര്യത്തിലും ഏറെ ശ്രദ്ധ പുലര്‍ത്തുന്ന ബോളിവുഡ് നടിയാണ് ഭാഗ്യശ്രീ. മിക്കപ്പോഴും ഹെല്‍ത്ത് ടിപ്‌സുമായി സോഷ്യല്‍ മീഡിയയില്‍ അവര്‍ വരാറുണ്ട്. തനിക്കുള്ള അറിവുകള്‍ ആരാധകരുമായി പങ്കുവയ്ക്കാന്‍ അവര്‍ മടികാണിക്കാറില്ല.

വിവിധതരം മുളകുകള്‍ ഇന്ന് ലഭ്യമാണെങ്കിലും ആരോഗ്യഗുണത്തില്‍ ഒരുപടി മുന്നിലാണ് പച്ചമുളക്. വിറ്റാമിന്‍ സി, പൊട്ടാസ്യം, ആന്റീ ബാക്ടീരിയല്‍ ഘടകങ്ങള്‍ എന്നിവയെല്ലാം പച്ചമുളകില്‍ അടങ്ങിയിരിക്കുന്നു.

കറികളിലും വിഭവങ്ങളിലും എരിവ് നല്‍കുന്നതിന് സാധാരണ ചേര്‍ക്കുന്നത് വറ്റല്‍ മുളക് ഉണക്കിപ്പൊടിച്ചതാണ്. എന്നാല്‍, ഇതിന് പകരം താന്‍ എപ്പോഴും പച്ചമുളകാണ് തിരഞ്ഞെടുക്കാറ് എന്ന് അവര്‍ പറയുന്നു. അതിനുള്ള കാരണങ്ങളും അവര്‍ തന്റെ ഇന്‍സ്റ്റഗ്രാം പോസ്റ്റില്‍ വ്യക്തമാക്കുന്നു.

പച്ചമുളകില്‍ വിറ്റാമിന്‍ സിയും ആന്റിഓക്‌സിഡന്റുകളും ധാരാളമായി അടങ്ങിയിരിക്കുന്നു. പച്ചമുളകിലെ ബീറ്റാകരോട്ടിന്‍ എന്ന ഘടകം കണ്ണുകള്‍ക്കും ചര്‍മത്തിന്റെ ആരോഗ്യത്തിനും മികച്ചതാണ്.

പച്ചമുളകിലെ കാപ്‌സെയ്‌സിന്‍, ഡൈഹൈഡ്രോകാപ്‌സെയ്‌സിന്‍ എന്നിവ രക്തത്തിലെ പഞ്ചസാര നിയന്ത്രിക്കുകയും ഹൃദയത്തിലെ രക്തക്കുഴലുകളില്‍ കൊഴുപ്പ് അടിയുന്നത് തടയുകയും ചെയ്യുന്നു. വിറ്റാമിന്‍ കെ രക്തക്കട്ടകള്‍ രൂപപ്പെടുന്നത് തടയുന്നു. അര്‍ബുദ സാധ്യത കുറയ്ക്കുന്നു.

വറ്റല്‍മുളകില്‍ ഇതിന് സമാനമായ ഗുണങ്ങളുണ്ടെങ്കിലും കടയില്‍ നിന്ന് വാങ്ങുന്ന മുളക്‌പൊടിയില്‍ മായം കലര്‍ത്തിയിട്ടുണ്ടാകും. കൂടാതെ, ചുവന്ന മുളക് കഴിക്കുന്നത് വയറ്റില്‍ ഗ്യാസ്ട്രിക്, നെഞ്ചെരിച്ചില്‍ പോലുള്ള പ്രശ്‌നങ്ങളുണ്ടാക്കുകയും ചെയ്യും-ഭാഗ്യശ്രീ വ്യക്തമാക്കി.

(ശ്രദ്ധിക്കുക: ആഹാരക്രമത്തില്‍ മാറ്റം വരുത്തുമ്പോള്‍ ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടുക)

Content Highlights: health benefit of green chillies, red chillies, actress bagyasree on green chilles, food


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


12:13

സിജുവിന് ഇനി കുടവയറുള്ള വേഷം കിട്ടട്ടെ- അജു വർഗീസ് | Saturday Night Team Talkies

Sep 29, 2022

Most Commented