എട്ടു നിലയുള്ള തൂങ്ങിക്കിടക്കുന്ന കേക്ക്; തയ്യാറാക്കിയത് മൂന്നു വര്‍ഷം കൊണ്ട്!


സ്‌പെഷ്യല്‍ വെഡ്ഡിങ് കേക്ക് ഒരുക്കിയാണ് മലേഷ്യന്‍ സെലിബ്രിറ്റി ദമ്പതിമാര്‍ വിവാഹത്തിന് എത്തിയവര്‍ക്ക് സര്‍പ്രൈസ് നല്‍കിയത്

Image credit: Instagram

വിവാഹ ദിനത്തില്‍ പലതരം സര്‍പ്രൈസ് ഐഡിയകളുമായി വധൂവരന്‍മാര്‍ പ്രത്യക്ഷപ്പെടാറുണ്ട്. വസ്ത്രത്തിലും വാഹനത്തിലും ആഘോഷങ്ങളിലുമൊക്കെ പുതുമകള്‍ സൃഷ്ടിച്ചാണ് അവര്‍ കയ്യടി നേടാറുള്ളത്. എന്നാല്‍ മലേഷ്യയില്‍ ഈ സെലിബ്രിറ്റി ദമ്പതിമാര്‍ വെഡ്ഡിങ് കേക്കിലാണ് സര്‍പ്രൈസ് ഒരുക്കിയത്.

അയ്മാന്‍ ഹകിം റിഡ്‌സ, സാഹിറ മാക്‌വില്‍സന്‍ എന്നീ മലേഷ്യന്‍ സിനിമാ താരങ്ങളാണ് തങ്ങളുടെ വിവാഹത്തിന് സ്‌പെഷ്യല്‍ വെഡ്ഡിങ് കേക്ക് ഒരുക്കിയത്. എട്ടു നിലകളുള്ള ഷാന്‍ഡിലിയറിന്റെ രൂപത്തില്‍ മേല്‍ക്കൂരയില്‍ നിന്ന് വിവാഹ വേദിയിലേക്ക് തൂങ്ങിക്കിടക്കുന്ന വെഡ്ഡിങ് കേക്ക് വിവിഹ വിരുന്നിനെത്തിയവരുടെ ശ്രദ്ധാകേന്ദ്രമായി മാറി.

മൂന്നു വര്‍ഷമെടുത്താണ് ഈ കേക്ക് തയ്യാറാക്കിയത്. വിവാഹത്തിന് മണിക്കൂറുകള്‍ക്ക് മുന്‍പാണ് അവസാനവട്ട ജോലികള്‍ പൂര്‍ത്തിയായത്. വിവാഹ വേദിയില്‍ മുഴുവന്‍ സമയവും തൂങ്ങിക്കിടന്ന ഈ കേക്ക് വധുവിന് പോലും തിരിച്ചറിയാനായില്ല. മുറിക്കുന്ന സമയത്ത് കേക്ക് താഴേക്ക് തൂങ്ങിവന്നപ്പോഴാണ് ഇത് തിരിച്ചറിഞ്ഞത്.

കേക്ക് തയ്യാറാക്കല്‍ അത്ര വലിയ ബുദ്ധിമുട്ട് ആയിരുന്നില്ലെന്നും എന്നാല്‍ ഇത്ര വലിയ കേക്ക് വിവാഹവേദിയുടെ മേല്‍ക്കൂരയില്‍ നിന്നും താഴേക്ക് തൂങ്ങിക്കിടക്കുന്ന രീതിയില്‍ സെറ്റ് ചെയ്യുന്നതായിരുന്നു ഏറെ ബുദ്ധിമുട്ടേറിയ ദൗത്യമെന്നും കേക്ക് തയ്യാറാക്കിയ ലിലി& ലോല കേക്ക്‌സ് ബേക്കറിയുടെ സ്ഥാപകന്‍ ലിലി ഓസ്മാന്‍ പറഞ്ഞു.

ഈ കേക്കിന്റെ ചിത്രങ്ങളും വീഡിയോയും ഇന്റര്‍നെറ്റില്‍ തരംഗമാണിപ്പോള്‍.

നേരത്തെ ദുബായിലും ഇതു പോലൊരു വെഡ്ഡിങ് കേക്ക് വാര്‍ത്തയായിരുന്നു.
വധുവിന്റെ അതേ രൂപത്തിലും ഉയരത്തിലുമായിരുന്നു അന്ന് ആ കേക്ക് തയ്യാറാക്കിയത്. എട്ടു നിലകളിലായി വൈറ്റ് വെഡ്ഡിങ് ഗൗണ്‍ ധരിച്ച് കൈയില്‍ ബൊക്കെ പിടിച്ചു നില്‍ക്കുന്ന ശരിക്കും ഒരു ബ്രൈഡ് കേക്ക് തന്നെയായിരുന്നു അത്. വധുവിന്റെ ആഭരണം പോലെ തന്നെയുള്ള ഭക്ഷ്യയോഗ്യമായ ഡയമണ്ടുകളും ഈ ബ്രൈഡ് കേക്കിലുമുണ്ടായിരുന്നു. ഏകദേശം 7.15 കോടി രൂപയായിരുന്നു ആ കേക്കിന്റെ വില.

Content Highlights: 8 tier chandelier wedding cake trending


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented