പച്ചമാങ്ങ മെഴുക്കുപുരട്ടി
ചേരുവകള്‍
- പച്ചമാങ്ങ(അധികം പുളിയില്ലാത്തത്) - 2 എണ്ണം
- ചുവന്നുള്ളി അരിഞ്ഞത് - 1 കപ്പ്
- പച്ചമുളക് - 2 എണ്ണം
- ഉപ്പ് - ആവശ്യത്തിന്
- കറിവേപ്പില - 1 തണ്ട്
- കടുക് - 1 ടീസ്പൂണ്‍
- വെളിച്ചെണ്ണ - 1 ടേബിള്‍സ്പൂണ്‍
തയ്യാറാക്കുന്ന വിധം
എണ്ണ ചൂടാക്കി കടുക് പൊട്ടിച്ചു അതിലേക്ക് തൊലി കളഞ്ഞ് നീളത്തില്‍ അരിഞ്ഞ പച്ചമാങ്ങ, ചുവന്നുള്ളി, പച്ചമുളക്, കറിവേപ്പില ആവശ്യത്തിന് ഉപ്പ് എന്നിവ ചേര്‍ത്ത് യോജിപ്പിച്ചു ചെറുതീയില്‍ അടച്ചുവച്ചു വേവിച്ചെടുക്കുക.
ഉരുളക്കിഴങ്ങ് കാരറ്റ് മസാലക്കറി
ചേരുവകള്‍
- ഉരുളക്കിഴങ്ങ് (വലുത്) - 1
- കാരറ്റ് - 1
- സവാള - 2 എണ്ണം
- ഇഞ്ചി വെളുത്തുള്ളി ചതച്ചത് - 1 ടേബിള്‍സ്പൂണ്‍
- പച്ചമുളക് - 1
- തക്കാളി - 1
- തേങ്ങാപ്പാല്‍ - 1 കപ്പ്
- മുളകുപൊടി -1 ടേബിള്‍സ്പൂണ്‍
- മല്ലിപ്പൊടി - 1/2 ടേബിള്‍സ്പൂണ്‍
- മഞ്ഞള്‍പ്പൊടി - 1/2 ടീസ്പൂണ്‍
- ഗരംമസാല - 1/2 ടീസ്പൂണ്‍
- കറിവേപ്പില - 2 തണ്ട്
- ഉപ്പ് - ആവശ്യത്തിന്
- എണ്ണ - 2 ടേബിള്‍സ്പൂണ്‍
തയ്യാറാക്കുന്ന വിധം
- കുക്കറില്‍ എണ്ണ ചൂടാക്കി സവാള അരിഞ്ഞത്, പച്ചമുളക്, ഇഞ്ചി വെളുത്തുള്ളി ചതച്ചത്, കറിവേപ്പില എന്നിവ ചേര്‍ത്ത് വഴറ്റുക.
- ചുവന്നു വരുമ്പോള്‍ അതിലേക്ക് മസാല പൊടികള്‍ ഓരോന്നായി ചേര്‍ത്ത് മൂപ്പിച്ച ശേഷം തക്കാളി, ഉരുളക്കിഴങ്ങ്, കാരറ്റ് എന്നിവ മുറിച്ചതും ആവശ്യത്തിന് വെള്ളവും ചേര്‍ത്ത് വേവിക്കുക.
- പാകത്തിന് ഉപ്പ് ചേര്‍ക്കുക.
- വെന്ത് വരുമ്പോള്‍ തേങ്ങാപ്പാല്‍ കൂടി ചേര്‍ത്ത ശേഷം അടുപ്പില്‍ നിന്നും മാറ്റുക.
Content Highlights: Lunch box recipes
