ഓണസദ്യക്കൊപ്പം തയ്യാറാക്കാം, മധുരക്കറികളിലെ പ്രധാനി; മാമ്പഴം-പൈനാപ്പിൽ സാസ്സം


പ്രിയ ആർ. ഷേണായ്



അതുകൊണ്ട് തന്നെ വിളമ്പുന്നതിന്റെ അല്‍പ നേരം മുന്‍പ് മാത്രമാണ് ഈ സാസം പൊതുവെ ഉണ്ടാക്കുക. 

സാസ്സം

സദ്യകളില്‍ എരിവും പുളിയും നിറഞ്ഞ കറികള്‍ മത്സരിക്കുമ്പോള്‍ ഒരിത്തിരി എങ്കിലും മധുരം തൊട്ടുകൂട്ടാന്‍ വേണം. അത് സദ്യയുടെ രുചിഭേദവും നിറവും പൊലിപ്പിക്കും. അല്ലേ? അത്തരത്തിലുള്ള മധുരക്കറികളിലെ പ്രധാനിയാണ് കൊങ്കണികളുണ്ടാക്കുന്ന പൈനാപ്പിള്‍ 'സാസ്സം '. പച്ചടിയോട് സാമ്യം നില്‍ക്കും രുചി. സാസ്സം, എന്നാല്‍ കടുക് എന്നാണ് കൊങ്കണിയില്‍ അര്‍ത്ഥം. കടുക് അരച്ച് ചേര്‍ക്കുന്ന കറികളെ പൊതുവില്‍ വിളിക്കുന്ന പേരാണ് സാസ്സം.

പഴവര്‍ഗങ്ങളാണ് 'സാസം' ത്തിലെ താരങ്ങള്‍. പൈനാപ്പിളും മാമ്പഴവും ആണ് എടുത്തു പറയേണ്ടവ. മാമ്പഴക്കാലത്ത് മാമ്പഴം മാത്രം ചേര്‍ത്തും സാസ്സം ഉണ്ടാക്കും. എങ്കിലും പൈനാപ്പിള്‍ കൂടെ ചേര്‍ക്കുമ്പോഴാണ് അതിന്റെ രുചിയും മണവും അതിന്റെ പാരമ്യത്തിലേത്തുക എന്നത് തര്‍ക്കമില്ലാത്ത വിഷയം.

വിവാഹസദ്യകളില്‍ നിര്‍ബന്ധമായും സാസ്സം വിളമ്പാറുണ്ട്. എന്നാല്‍ ഇതിന്റെ മറ്റൊരു ദോഷവശം എന്തെന്നാല്‍ കറി അധിക നേരം കേടാവാതെ നില്‍ക്കില്ല എന്നതാണ്. കഷ്ണങ്ങള്‍ വേവിയ്ക്കുകയോ അരപ്പ് ചൂടാക്കുകയോ ചെയ്യാറില്ല. അതുകൊണ്ട് തന്നെ വിളമ്പുന്നതിന്റെ അല്‍പ നേരം മുന്‍പ് മാത്രമാണ് ഈ സാസ്സം പൊതുവെ ഉണ്ടാക്കുക.

പാചകരീതിയിലേക്ക്

ആവശ്യമുള്ള സാധനങ്ങൾ

  • പൈനാപ്പിള്‍ - 1 കപ്പ്
  • മാമ്പഴം -1 വലുത്
  • മുന്തിരി - 1/2 കപ്പ്
  • തേങ്ങാ - 1 കപ്പ്
  • വറ്റല്‍മുളക് - 5-6 എണ്ണം
  • ശര്‍ക്കര - 1/2 കപ്പ്
  • കടുക് - 1 ടീസ്പൂണ്‍
  • ഉപ്പ് - അല്പം
തയ്യാറാക്കുന്ന വിധം

പഴങ്ങള്‍ തൊലി ചെത്തി ചെറു കഷ്ണങ്ങളാക്കുക. ഇതിലേക്ക് ശര്‍ക്കര ചീകിയതും ഉപ്പും ചേര്‍ത്ത് പത്ത് മിനിറ്റ് വെയ്ക്കുക. വറ്റല്‍മുളക് അല്പം എണ്ണയില്‍ ചെറുതീയില്‍ ചുവക്കെ വറുത്തെടുക്കുക.തേങ്ങാ,വറ്റല്‍മുളക് എന്നിവ ഒരല്പം തരുതരുപ്പായി അരയ്ക്കുക.നന്നായി അരയേണ്ടതില്ല.
ഏറ്റവും അവസാനം കടുക് ചേര്‍ത്ത് ഏതാനും സെക്കന്റുകള്‍ അരയ്ക്കുക.

ഈ അരപ്പ് പൈനാപ്പിള്‍ലോട്ട് ചേര്‍ത്ത് നന്നായി ഇളക്കുക. മധുരം കുറവാണെങ്കില്‍, ശര്‍ക്കര അല്പം കൂടെ കൂട്ടി ചേര്‍ക്കാം. പൈനാപ്പിള്‍ സാസ്സം തയ്യാര്‍.

(ശ്രദ്ധിക്കുക)

1.താല്പര്യമുള്ളവര്‍ക്ക് കടുകും കറിവേപ്പിലയും താളിച്ചും ചേര്‍ക്കാം.

2.ഇത് പൈനാപ്പിള്‍ മാത്രമായും മാമ്പഴം മാത്രമായും ഉണ്ടാക്കാം.

Content Highlights: konkani vasari, konkani food recipe, food, redcipe


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


12:13

സിജുവിന് ഇനി കുടവയറുള്ള വേഷം കിട്ടട്ടെ- അജു വർഗീസ് | Saturday Night Team Talkies

Sep 29, 2022


ksrtc

1 min

5.20 കോടി PFI കെട്ടിവെച്ചാല്‍ മാത്രം ജാമ്യം, അബ്ദുള്‍ സത്താറിനെ എല്ലാ കേസിലും പ്രതിയാക്കണം-ഹൈക്കോടതി

Sep 29, 2022

Most Commented