വരാഹരൂപം ഗാനത്തിനുള്ള സ്റ്റേ പിന്‍വലിച്ചെന്ന വാര്‍ത്ത വ്യാജം | Fact Check


മാതൃഭൂമി ഫാക്ട് ചെക്ക്

കാന്താരയുടെ പോസ്റ്റർ | ഫോട്ടോ: www.facebook.com/rishab.shetty.9465/photos

കര്‍പ്പവകാശവുമായി ബന്ധപ്പെട്ട കേസില്‍ 'കാന്താര' സിനിമയിലെ 'വരാഹരൂപം' എന്ന ഗാനത്തിന് കോടതി ഏര്‍പ്പെടുത്തിയിരുന്ന വിലക്ക് പിന്‍വലിച്ചു എന്നതരത്തില്‍ തെറ്റായ പ്രചാരണം. സമൂഹ മാധ്യമങ്ങള്‍ക്ക് പുറമെ ചില വാര്‍ത്താ മാധ്യമങ്ങളും ഇത്തരത്തില്‍ വാര്‍ത്ത നല്‍കിയിട്ടുണ്ട്. വരാഹരൂപം ഗാനത്തിന്റെ രചയിതാവായ ശശിരാജ് റാവു കാവൂറിന്റെ ട്വീറ്റില് പറയുന്നത് മ്യൂസിക് ബാന്‍ഡായ തൈക്കുടം ബ്രിഡ്ജിന്റെ ഹര്‍ജി കോടതി തള്ളി, ഗാനത്തിന്മേലുള്ള വിലക്ക് പിന്‍വലിച്ചു എന്നാണ്.

കോഴിക്കോട് ജില്ലാ ജഡ്ജി എസ്. കൃഷ്ണകുമാറാണ് ഇതുമായി ബന്ധപ്പെട്ട ഹര്‍ജി വെള്ളിയാഴ്ച പരിഗണിച്ചത്. വിഷയം കോടതിയുടെ അധികാര പരിധിയില്‍ അല്ലെന്നും 14 ദിവസത്തിനകം എറണാകുളത്തെ കൊമേഴ്‌സ്യല്‍ കോടതിയെ സമീപിക്കാനുമാണ് അദ്ദേഹം പറഞ്ഞത്. ശശിരാജ് അവകാശപ്പെടുന്നതുപോലെ തൈക്കൂടം ബ്രിഡ്ജിന്റെ ഹര്‍ജി കോടതി തള്ളിയിട്ടില്ല.

ഇക്കഴിഞ്ഞ ഒക്ടോബര്‍ 29 -നാണ് തൈക്കുടം ബ്രിഡ്ജ് നല്‍കിയ ഹര്‍ജിയില്‍ കോഴിക്കോട് ജില്ലാ കോടതി വരാഹരൂപം എന്ന ഗാനത്തിന് വിലക്ക് ഏര്‍പ്പെടുത്തിയത്. അധികാര പരിധി സംബന്ധിച്ച് കോടതി തന്നെ വ്യക്തമാക്കിയ സാഹചര്യത്തില്‍ വിലക്കിന്റെ ഭാവി ഇനി തീരുമാനിക്കേണ്ടത് കൊമേഴ്‌സ്യല്‍ കോടതിയാണ്.

ശശിരാജ് റാവുവിന്റെ ട്വീറ്റ്

അതേസമയം, വരാഹരൂപം എന്ന പാട്ട് കാന്താര സിനിമയില്‍ ഉപയോഗിക്കുന്നതിനെതിരെ പാലക്കാട് കോടതി നേരത്തെ നിരോധന ഉത്തരവ് പുറപ്പെടുവിച്ചിരുന്നു. മാതൃഭൂമി നല്‍കിയ ഹര്‍ജിയിലായിരുന്നു ഇത്. ഈ നിരോധനം ഇപ്പോഴും നിലനില്‍ക്കുന്നുണ്ട്. ഇക്കഴിഞ്ഞ നവംബര്‍ രണ്ടിനാണ് ഒടിടി പ്ലാറ്റ്‌ഫോമുകളില്‍ വരാഹരൂപം എന്ന പാട്ട് ഉപയോഗിക്കുന്നതിനെ പാലക്കാട് കോടതി വിലക്കിയത്. പ്രസ്തുത ഹർജി കോടതി ഡിസംബർ ഒന്നിന് വീണ്ടും പരിഗണിക്കും.

ട്വീറ്റുകളുടെ ആര്‍ക്കൈവ് ലിങ്ക്
https://perma.cc/JZ4X-GSUW

https://perma.cc/CNP2-Z75F

വിവിധ മാധ്യമ വാര്‍ത്തകളുടെ ആര്‍ക്കൈവ് ലിങ്കുകള്‍:
https://perma.cc/KLR8-PVXD

https://perma.cc/8V6B-QE93

https://perma.cc/L4WY-PPPF

പ്രചരിക്കുന്ന ട്വീറ്റുകളിലൊന്ന്

Content Highlights: news that stay on varaharoopam stay is withdarawn is false

 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
viral video

'വീട്ടിലെ സ്ത്രീകളോട് ഇങ്ങനെ പെരുമാറുമോ?';ക്ലാസിലെ പെണ്‍കുട്ടിയെ കളിയാക്കിയ ആണ്‍കുട്ടികളോട് അധ്യാപിക

Mar 30, 2023


amit shah

1 min

എം.പിയായി തുടരാന്‍ ആഗ്രഹം, എന്നിട്ടും അപ്പീല്‍ നല്‍കുന്നില്ല; രാഹുല്‍ അഹങ്കാരി- അമിത് ഷാ

Mar 30, 2023


modi

1 min

മോദിയുടെ ബിരുദം: വിവരം കൈമാറേണ്ട, ഹര്‍ജി നല്‍കിയ കെജ്‌രിവാളിന് പിഴ ചുമത്തി ഗുജറാത്ത് ഹൈക്കോടതി

Mar 31, 2023

Most Commented