അങ്കമാലി: പ്രളയദുരിതബാധിതർക്ക് കൈത്താങ്ങേകാൻ സി.പി.എമ്മിന്റെ നേതൃത്വത്തിൽ അങ്കമാലി പട്ടണത്തിൽ ഫണ്ട് ശേഖരണം നടത്തി. സൗത്ത്-നോർത്ത് ലോക്കൽ കമ്മിറ്റികളുടെ നേതൃത്വത്തിൽ രണ്ട് സ്ക്വാഡായി തിരിഞ്ഞ് നടത്തിയ ഫണ്ട് ശേഖരണം ജില്ലാ സെക്രട്ടേറിയറ്റ് അംഗം എം.പി. പത്രോസ് ഉദ്ഘാടനം ചെയ്തു.
ജില്ലാ കമ്മിറ്റി അംഗം പി.ജെ. വർഗീസ്, ഏരിയ സെക്രട്ടറി കെ.കെ. ഷിബു, നഗരസഭാ ചെയർപേഴ്‌സൺ എം.എ. ഗ്രേസി, ലോക്കൽ സെക്രട്ടറി എം.കെ. റോയി, കൗൺസിലർമാരായ ടി.വൈ. ഏല്യാസ്, എം.ജെ. ബേബി, ബിനു ബി. അയ്യമ്പിള്ളി തുടങ്ങിയവർ നേതൃത്വം നൽകി. 34,850 രൂപയാണ് ടൗണിൽനിന്ന് ലഭിച്ചത്.
