ഇന്ന് ആനദിനംകൊച്ചി : ലോകത്ത് ഏറ്റവുമധികം ഏഷ്യൻ ആനകളെ കാണുന്നത് കേരളമുൾപ്പെടുന്ന വനമേഖലയിൽ. ഏഷ്യൻ ആനകളുടെ ‘ഹോട്സ്പോട്ട്’ ആയി കേന്ദ്ര വനംമന്ത്രാലയം അടുത്തിടെ നടത്തിയ പഠനത്തിൽ കണ്ടെത്തിയത് നാഗർഹോളെ, ബന്ദിപ്പൂര്, വയനാട്, സത്യമംഗലം, മുതുമല വനമേഖലയാണ്. തമിഴ്‌നാട്, കേരളം, കർണാടക സംസ്ഥാനങ്ങളിലായാണ് കിടക്കുന്നുണ്ടെങ്കിലും തുടർവനങ്ങളാണ് ഈ മേഖല. 6000-7000 ആനകൾ ഇവിടെ വിഹരിക്കുന്നതായാണ് കണക്ക്.
പശ്ചിമഘട്ടത്തിൽ
പശ്ചിമഘട്ടത്തിന്റെ പടിഞ്ഞാറൻഭാഗത്താണ് 2010-ലെ പഠനത്തിൽ ഏറ്റവുമധികം കാട്ടാനകളെ കണ്ടെത്തിയത്. എന്നാൽ, 2018-19ലെ പഠനത്തിൽ വടക്കുഭാഗത്തും വലിയസാന്നിധ്യം കണ്ടെത്തി. കൃഷിയിടങ്ങൾക്ക് സമീപമുള്ള കാടുകളിൽ സ്ഥിരമായി വാസമുറപ്പിച്ച ആനക്കൂട്ടങ്ങളുമുണ്ട്. പശ്ചിമഘട്ടത്തിൽമാത്രം 14,000-16,000 ആനകളുണ്ട്. പശ്ചിമഘട്ടം കഴിഞ്ഞാൽ അസം, അരുണാചൽപ്രദേശ്, മേഘാലയ സംസ്ഥാനങ്ങളിലാണ് കൂടുതൽ ആനകൾ. 10,000 ആനകൾ.
