ഡല്‍ഹിയിലെ വായുമലിനീകരണം: ശക്തമായ കാറ്റ് നിലവാരം മെച്ചപ്പെടുത്തി, സൂചികയില്‍ മാറ്റമില്ല


നവംബര്‍ ഒന്ന് മുതല്‍ 22 വരെയുള്ള കണക്കുകള്‍ പരിശോധിച്ചാല്‍ 3,000 മീറ്ററിന് മുകളില്‍ വ്യക്തമായ കാഴ്ചകള്‍ കാണാന്‍ സാധിച്ച ഒരേ ഒരു ദിവസം തിങ്കളാഴ്ച മാത്രമായിരുന്നു.

ഡൽഹി നഗരം വായുമലിനീകരണത്തിൽ മൂടിയപ്പോൾ | Photo-Reuters

ന്യൂഡല്‍ഹി: ശക്തമായ കാറ്റ് ഡല്‍ഹിയിലെ വായുഗുണനിലവാരം തിങ്കളാഴ്ച മെച്ചപ്പെടുത്തിയെങ്കിലും വായുഗുണനിലവാര സൂചികയില്‍ കാര്യമായ മാറ്റങ്ങളുണ്ടായില്ല. ശക്തമായ കാറ്റ് വായു മലിനീകരണം കുറയാന്‍ സഹായകരമാകുന്ന ഘടകമാണ്. ഡല്‍ഹിയില്‍ വായുഗുണനിലവാര തോത് (എ.ക്യു.ഐ) തിങ്കളാഴ്ച 311 ആയിരുന്നുവെങ്കില്‍ ഞായറാഴ്ചയത്‌ 349 ആയിരുന്നു. എന്നാല്‍ കാറ്റിന്റെ വേഗതയില്‍ കുറവുണ്ടായാല്‍ വായു ഗുണനിലവാരം വീണ്ടും പഴയപടിയാകാനുള്ള സാധ്യതയുണ്ട്.

ഡല്‍ഹിയിലെ വായു ഗുണനിലവാര തോത് കഴിഞ്ഞ ഒരാഴ്ചയായി ശോചനീയമായ അവസ്ഥയില്‍ തന്നെ തുടരുകയാണ്. എന്നാല്‍ തിങ്കളാഴ്ച ഉച്ചയോടെയുണ്ടായ അതിശക്തമായ കാറ്റ് ഗുണനിലവാരം മെച്ചപ്പെടുത്താന്‍ സഹായിച്ചുവെന്നും എന്‍വയോണ്‍മെന്റ് ആന്‍ഡ് വാട്ടര്‍ പ്രോഗ്രാം ലീഡായ തനുശ്രീ ഗാംഗുലി പറഞ്ഞു. ശക്തമായ കാറ്റ് ചൊവ്വാഴ്ചയും തുടരാന്‍ സാധ്യതയുണ്ടെന്ന് പ്രതീക്ഷയും സിസ്റ്റം ഓഫ് എയര്‍ ക്വാളിറ്റി ആന്‍ഡ് വെതര്‍ ഫോര്‍കാസ്റ്റിംഗ് ആന്‍ഡ് റിസര്‍ച്ച് (സഫര്‍) പങ്ക് വെച്ചു. ഇത് വായുഗുണനിലവാരം മെച്ചപ്പെടാന്‍ സഹായകരമാകും.

ബുധനാഴ്ചയോടെ കാറ്റിന്റെ വേഗത കുറയുകയും വായു ഗുണനിലവാര സൂചിക വീണ്ടും മോശം അവസ്ഥയിലേക്ക് പോകാനും സാധ്യതയുണ്ടെന്നും സഫര്‍ കൂട്ടിച്ചേര്‍ത്തു. എന്നാല്‍ ഇത് തീരെ മോശം നിലവാരത്തിനുള്ളില്‍ തന്നെ നിലനില്‍ക്കാനാണ് സാധ്യതയെന്നും കേന്ദ്ര കാലാവസ്ഥാ നിരീക്ഷണ സ്ഥാപനമായ സഫര്‍ അറിയിച്ചു.

Content Highlights: wind affects air pollution in delhi which helps pollutants disperse


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


murder

1 min

പാലക്കാട് യുവാവ് കുത്തേറ്റ് മരിച്ചു

Oct 5, 2022

Most Commented