പ്രതീകാത്മക ചിത്രം | Photo-Canva
ലക്‌നൗ: ഭൂമിയെ പച്ചപ്പാല്‍ മൂടാന്‍ ഒരു പരിധി വരെ മരങ്ങള്‍ നടുന്നത് സഹായകരമായിട്ടുണ്ട്. ഇന്ത്യയിലെ തന്നെ നിരവധി സംസ്ഥാനങ്ങള്‍ ഇത്തരത്തിലുള്ള വനവത്കരണ പ്രവര്‍ത്തനങ്ങള്‍ക്ക് പ്രോത്സാഹനം നല്‍കുന്നുണ്ട്. ആറു വര്‍ഷമായി തുടര്‍ച്ചയായി വനവത്കരണ പ്രവര്‍ത്തനങ്ങള്‍ നടത്തുന്ന സംസ്ഥാനമാണ് ഉത്തര്പ്രദേശ്. ഇതിന്റെ ഭാഗമായി സംസ്ഥാനത്ത് ഈ വര്‍ഷം 35 കോടി മരങ്ങള്‍ നടുമെന്ന് ഇതിനോടകം ഉത്തര്പ്രദേശ് സര്‍ക്കാര്‍ പ്രഖ്യാപിച്ചു കഴിഞ്ഞു. മാര്‍ച്ച് മാസം തൈകള്‍ നടാനുള്ള പ്രവര്‍ത്തനങ്ങള്‍ക്ക് തുടക്കമാകുമെന്ന് വനം-പരിസ്ഥിതി- കാലാവസ്ഥ വ്യതിയാന മന്ത്രി അരുണ്‍ കുമാര്‍ സക്‌സേന പ്രതികരിച്ചു.
കഴിഞ്ഞ വര്‍ഷവും സമാനമായ പ്രവര്‍ത്തനങ്ങള്‍ സംസ്ഥാനത്ത് നടന്നിരുന്നു. ഇതിന്റെ ഭാഗമെന്നോണം 35 കോടി മരത്തൈകളാണ് സംസ്ഥാനത്ത് നട്ടത്. 2017-ലാണ് ഇത്തരത്തിലുള്ള പ്രവര്‍ത്തനങ്ങള്‍ക്ക് സംസ്ഥാനത്ത് ആദ്യമായി തുടക്കമാകുന്നത്. 2030 -ഓടെ സംസ്ഥാനത്തെ ഹരിത വിസ്തൃതിയില്‍ 15 ശതമാനത്തിന്റെ വര്‍ധനവാണ് സര്‍ക്കാര്‍ ലക്ഷ്യമിടുന്നത്.
2021-ലെ സ്റ്റേറ്റ് ഓഫ് ഫോറസ്റ്റ് റിപ്പോര്‍ട്ട് പ്രകാരം സംസ്ഥാനത്തെ 9.2 ശതമാനം വരുന്ന ഭൂപ്രദേശവും പച്ച വിരിച്ചു കിടക്കുകയാണ്. 2013-ല്‍ ഇത് 8.8 ശതമാനമായിരുന്നു. 2021-ലെ റിപ്പോര്‍ട്ടുകള്‍ പ്രകാരം 2019-ല്‍ സംസ്ഥാനത്ത് ഹരിത വിസ്തൃതിയില്‍ 91 സ്‌ക്വയര്‍ കിലോമീറ്ററിന്റെ വര്‍ധനവാണ് രേഖപ്പെടുത്തിയത്.
Content Highlights: up government to plant 35 crore trees this year
Also Watch
RELATED STORIES
.jpg?$p=8384990&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=f1b1304&f=1x1&w=100&q=0.8)
IN CASE YOU MISSED IT
.jpg?$p=fd986a9&f=1x1&w=100&q=0.8)
.jpg?$p=6e22375&f=1x1&w=100&q=0.8)
%20(2).jpg?$p=bb3719e&f=1x1&w=100&q=0.8)
.jpg?$p=050fd0f&q=0.8&f=16x11&w=104)
.jpg?$p=4d0a69f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..