.png?$p=5456a19&f=16x10&w=852&q=0.8)
പ്രതീകാത്മക ചിത്രം
കൊച്ചി: 'ഗുറിയൂറിയസ് മിനുവാനോ' എത്തിയതോടെ ലോക 'ചിലന്തിവല'യില്‍ അരലക്ഷം ചിലന്തിയിനങ്ങളായി. ഇതില്‍, കൊച്ചി കേന്ദ്രമായ ഇന്ത്യയിലെ പ്രധാന ചിലന്തി ഗവേഷണകേന്ദ്രത്തിന്റെ അമ്പതിലേറെ ഇനങ്ങളുമുണ്ട്.
ഇരപിടിക്കാനായി വല നെയ്യാത്ത ഇനത്തിലുള്ളതാണ് പുതുതായി കണ്ടെത്തിയ 'ഗുറിയൂറിയസ് മിനുവാനോ.' ഇരകള്‍ക്കുമേല്‍ ചാടിവീഴുകയാണ് രീതി. സ്വിറ്റ്സര്‍ലന്‍ഡിലെ ബേണ്‍, നാച്വറല്‍ ഹിസ്റ്ററി മ്യൂസിയം ആസ്ഥാനമായുള്ള ഗവേഷണകേന്ദ്രമാണ് ചിലന്തികളെ ഔദ്യോഗികമായി രേഖപ്പെടുത്തുന്ന വേള്‍ഡ് സ്‌പൈഡര്‍ കാറ്റലോഗിന്റെ (ഡബ്ല്യു.എസ്.സി.) പ്രസാധകര്‍.
.jpg?$p=298ab5c&&q=0.8)
ബ്രസീലിയന്‍ ചിലന്തി ഗവേഷകയായ കിംബര്‍ലി എസ്. മാര്‍ട്ടയുടെയും സഹപ്രവര്‍ത്തകരുടെയും കണ്ടെത്തലായാണ് ഗുറിയൂറിസിനെ പട്ടികയില്‍ ചേര്‍ത്തത്.
ഇന്ത്യയില്‍ ചിലന്തി ഗവേഷണരംഗത്ത് ഏറ്റവുമധികം സംഭാവനകള്‍ നല്‍കുന്നത് തേവര സേക്രഡ് ഹാര്‍ട്ട് കോളേജിലെ ചിലന്തി ഗവേഷണകേന്ദ്രമാണ്. അന്തരിച്ച പ്രമുഖ ചിലന്തി ഗവേഷകനായ ഡോ. പി. എ. സെബാസ്റ്റ്യന്റെ നേതൃത്വത്തില്‍ 1998-ല്‍ തുടങ്ങിയതാണ് ഈ കേന്ദ്രം. അരലക്ഷം ചിലന്തിയിനങ്ങളില്‍ അമ്പതിലേറെ ഇനങ്ങള്‍ ഈ കേന്ദ്രത്തിന്റെ കണ്ടെത്തലാണ്.
കേന്ദ്രത്തിന്റെ ഏറ്റവും പുതിയ കണ്ടെത്തല്‍ 'ക്രിപ്റ്റോതിലെ കോളിന' എന്ന അപൂര്‍വയിനം ചിലന്തിയാണെന്ന് ഗവേഷണങ്ങള്‍ക്കു നേതൃത്വം നല്‍കുന്ന കോളേജിലെ ജന്തുശാസ്ത്ര വിഭാഗം മേധാവി ഡോ. എം.ജെ. മാത്യു പറഞ്ഞു. ദേഹം മുഴുവന്‍ മണ്ണിന്റെ തരികള്‍ പറ്റിച്ചേര്‍ന്നിരിക്കുന്നതിനാല്‍ കണ്ടെത്തല്‍ ദുഷ്‌കരമാണ്. ഒരു നൂറ്റാണ്ടിനുശേഷമുള്ള ഈ കണ്ടുപിടിത്തം അന്താരാഷ്ട്ര ജേണലായ സൂട്ക്സയില്‍ പ്രസിദ്ധീകരിച്ചിട്ടുണ്ട്.
Content Highlights: Number of spider species creeps up to 50,000
Also Watch
RELATED STORIES
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=00b5557&q=0.8&f=16x11&w=104)
%20(1).jpg?$p=5a1e0c9&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..