പൂന്തോട്ടത്തില്‍ ആരും തിരിഞ്ഞുനോക്കാതെ കിടന്ന കല്ല് ജര്‍മനിയിലെ ഏറ്റവും വലിയ ഉല്‍ക്കാശില


@DLR_de

ര്‍മനിയിലെ ഒരു വീടിനു മുന്നിലെ പൂന്തോട്ടത്തില്‍ വര്‍ഷങ്ങളായി ആരും തിരിച്ചറിയാതെ കിടന്ന ഒരു കഷണം കല്ല് ഇപ്പോള്‍ ബഹിരാകാശ ഗവേഷകരുടെ വിലയേറിയ ഒരു കണ്ടെത്തലാണ്. ജര്‍മനിയില്‍ ഇതുവരെ കണ്ടെത്തിയതില്‍വെച്ച് ഏറ്റവും വലിയ ഉല്‍ക്കാശിലയാണ് ഇതെന്നാണ് ഗവേഷകര്‍ തിരിച്ചറിഞ്ഞിരിക്കുന്നത്.

തെക്കുപടിഞ്ഞാറന്‍ ജര്‍മനിയിലെ ബ്ലൂബേണിലാണ് ഉല്‍ക്കാശില കണ്ടെത്തിയത്. 30.26 കിലോഗ്രാം തൂക്കമുള്ളതാണ് ഈ വസ്തു. ജര്‍മന്‍ ബഹിരാകാശ കേന്ദ്രം (ഡി.എല്‍.ആര്‍.) ആണ് ഇതു സംബന്ധിച്ച വിവരങ്ങള്‍ പുറത്തുവിട്ടിരിക്കുന്നത്.

ബ്ലൂബേണിലെ ഒരു നഗരവാസി തന്റെ വീട്ടുമുറ്റത്ത് കിളയ്ക്കുന്നതിനിടയിലാണ് കാഴ്ചയില്‍ സാധാരണമായ ഒരു കല്ല് കണ്ടെത്തിയത്. 1989-ല്‍ ആയിരുന്നു ഇത്. കല്ലിന്റെ അസാധാരണമായ ഭാരം അന്നുതന്നെ അദ്ദേഹം ശ്രദ്ധിച്ചിരുന്നു. എന്നാല്‍ പിന്നീട് ആരാലും ശ്രദ്ധിക്കപ്പെടാതെ പതിറ്റാണ്ടുകളോളം അത് മുറ്റത്തെ പൂന്തോട്ടത്തില്‍ കിടന്നു.

2015-ല്‍ വീട്ടുടമ തന്റെ പൂന്തോട്ടം വൃത്തിയാക്കുകയും മറ്റ് അനാവശ്യവസ്തുക്കളോടൊപ്പം ഈ കല്ലും നീക്കം ചെയ്തു. എന്നാല്‍ കല്ലില്‍ എന്തോ അസാധാരണത്വം തോന്നിയ അദ്ദേഹം അതെടുത്ത് പണിശാലയില്‍ സൂക്ഷിച്ചു. വര്‍ഷങ്ങള്‍ കഴിഞ്ഞ് 2020 ജനുവരിയിലാണ് ഗവേഷകര്‍ ഈ കല്ലിനെക്കുറിച്ച് അറിയുന്നതും പരിശോധനകള്‍ക്ക് വിധേയമാക്കുന്നതും.

മൂന്ന് ലബോറട്ടറികളില്‍ നടത്തിയ പരിശോധനകള്‍ക്കൊടുവിലാണ് കല്ല് ഉല്‍ക്കാശിലയാണെന്ന് ഉറപ്പിച്ചത്. ഈ ഉല്‍ക്ക ഏതു കാലത്താണ് ഭൂമിയില്‍ പതിച്ചതെന്ന് കണ്ടെത്താനുള്ള ശ്രമത്തിലാണ് ഇപ്പോള്‍ ഗവേഷകര്‍. ഇത് ഉപകരണങ്ങളുടെ സഹായത്തോടെ മുറിക്കുന്നതിന്റെ ദൃശ്യം ബഹിരാകാശ കേന്ദ്രം ട്വിറ്ററിലൂടെ പുറത്തുവിട്ടിട്ടുണ്ട്.

Content Highlights: Largest meteorite in Germany discovered after sitting for decades in garden

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


Gautam adani

1 min

60,000 കോടി രൂപ ജീവകാരുണ്യ പ്രവർത്തനങ്ങൾക്ക്; ഗൗതം അദാനിയുടെ അറുപതാം പിറന്നാള്‍ സമ്മാനം

Jun 24, 2022

Most Commented