കാലാവസ്ഥാ പ്രതിസന്ധി : ഭാവി തലമുറയ്ക്ക് ജന്മം നൽകുന്നതിന് യുവതീ യുവാക്കൾക്ക് ഭയമെന്ന് പഠനം


ഭൂമിയിലെ തങ്ങളുടെ ഭാവി ഭയപ്പെടുത്തുന്നതാണെന്ന പ്രസ്താവനയോട് മുക്കാല്‍ ഭാഗവും യോജിച്ചു. ദൈനംദിന ജീവിതത്തെയും പ്രവൃത്തികളെയും ബാധിക്കുന്ന വിധം കാലാവസ്ഥയെക്കുറിച്ച് വിഷാദമോ ഉത്കണ്ഠയോ പകുതിയോളം പേര്‍ രേഖപ്പെടുത്തി.

പ്രതീകാത്മക ചിത്രം |AFP

ലണ്ടൻ: ലോകം നേരിടുന്ന പാരിസ്ഥിതിക പ്രതിസന്ധി കുട്ടികൾക്ക് ജന്മം നൽകുന്നതിൽ നിന്ന് ദമ്പതികളെ പിന്നോട്ടടിക്കുന്നുവെന്ന് സർവെ. യുവതയില്‍ 10ല്‍ ഒരാള്‍ ഇത്തരത്തില്‍ ചിന്തിക്കുന്നുവെന്നാണ് സർവെ. അതേസമയം കാലാവസ്ഥാ വ്യതിയാനവുമായി ബന്ധപ്പെട്ട വിഷയങ്ങളില്‍ സര്‍ക്കാരുകള്‍ കാര്യമായൊന്നും ചെയ്യുന്നില്ലെന്ന ഭയവും ഇത്തരക്കാര്‍ക്കുണ്ട്. 10 രാജ്യങ്ങളിലായി നടത്തിയ സര്‍വേയിലേതാണ് കണ്ടെത്തൽ. ലാന്‍സറ്റിലാണ് സർവ്വേയുടെ പ്രിപ്രിന്റ് പ്രസിദ്ധീകരിച്ചത്.

16 നും 25നും വയസ്സിനിടയിലെ 10 ല്‍ ആറുപേര്‍ കാലാവസ്ഥാ വ്യതിയാനത്തില്‍ അതീവ ആശങ്കയുള്ളവരാണ്. സര്‍ക്കാരുകള്‍ തങ്ങളെയോ ഭൂമിയെയോ ഭാവി തലമുറയെയോ സംരക്ഷിക്കുന്നില്ലെന്നും പഴയ തലമുറയും സര്‍ക്കാരുകളും തങ്ങളെ വഞ്ചിച്ചുവെന്നും ചിന്തിക്കുന്നവരാണ് സർവേയിൽ പങ്കെടുത്ത ഭൂരിഭാഗവും.

ഭൂമിയിലെ തങ്ങളുടെ ഭാവി ഭയപ്പെടുത്തുന്നതാണെന്ന പ്രസ്താവനയോട് മുക്കാല്‍ ഭാഗവും യോജിച്ചു. ദൈനംദിന ജീവിതത്തെയും പ്രവൃത്തികളെയും ബാധിക്കുന്ന വിധം കാലാവസ്ഥയെക്കുറിച്ച് വിഷാദമോ ഉത്കണ്ഠയോ പകുതിയോളം പേര്‍ രേഖപ്പെടുത്തി.

ഓസ്ട്രേലിയ, ബ്രസീല്‍, ഫിന്‍ലന്‍ഡ്, ഫ്രാന്‍സ്, ഇന്ത്യ, നൈജീരിയ, ഫിലിപ്പീന്‍സ്, പോര്‍ച്ചുഗല്‍, യുകെ, യു.എസ് തുടങ്ങിയ രാജ്യങ്ങളിലെ 10,000ത്തോളം പേര്‍ സര്‍വേയില്‍ പങ്കെടുത്തു. പ്രചാരണ സംഘടനയായ ആവാസിന്റെ ആഭിമുഖ്യത്തിലാണ് സര്‍വേ നടത്തിയത്.

കാലാവസ്ഥയെക്കുറിച്ചുള്ള ഉത്കണ്ഠ ഇന്നത്തെ യുവാക്കള്‍ക്കിടയില്‍ വ്യാപകമാണെന്നും കാലാവസ്ഥാ വിദഗ്ധര്‍ പറയുന്നു. ഫിലിപ്പീന്‍സില്‍ നിന്നുള്ള മിറ്റ്‌സി ടാന്‍ പറയുന്നതിതാണ്-''എന്റെ സ്വന്തം കിടപ്പുമുറിയില്‍ മുങ്ങിമരിക്കുമെന്ന് ഭയന്നാണ് ഞാന്‍ വളര്‍ന്നത്. കാലാവസ്ഥയുമായി ബന്ധപ്പെട്ട ഉത്കണ്ഠ വരുന്നത് പരിസ്ഥിതി വിഷയങ്ങളിലെ സര്‍ക്കാരിന്റെ നിഷ്‌ക്രിയത്വവും വിശ്വാസവഞ്ചനയും അനുഭവിച്ചാണ്".

ലോകമെമ്പാടുമുള്ള കുട്ടികളും യുവാക്കളും കാലാവസ്ഥാ പ്രതിസന്ധിയുടെ കെടുതികള്‍ അനുഭവിക്കുന്നുണ്ടെന്ന് അടുത്തിടെ യൂനിസെഫ് കണ്ടെത്തിയിരുന്നു. 100 കോടി കുട്ടികള്‍ കാലാവസ്ഥാ പ്രത്യാഘാതങ്ങളിലെത്തുടര്‍ന്നുള്ള അപകട ഭീഷണി നേരിടുന്നുവെന്ന് യൂണിസെഫ് പറഞ്ഞത്.

content highlights: Four in 10 young people hesitant to have children due to climate crisis

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented