കര്‍ണാടകയിലെ ഏറ്റവും മികച്ച കടുവാ സങ്കേതമായി ബന്ദിപ്പുർ


2018 ലെ ദേശീയ കടുവ കണക്കെടുപ്പില്‍ 524 കടുവകളെ കര്‍ണാടകത്തില്‍ കണ്ടെത്തിയിരുന്നു

പ്രതീകാത്മക ചിത്രം | Photo-PTI

മൈസൂരു: സംസ്ഥാനത്തെ ഏറ്റവും മികച്ച കടുവസങ്കേതമായി ചാമരാജനഗറിലെ ബന്ദിപ്പുർ തിരഞ്ഞെടുക്കപ്പെട്ടു. ദേശീയ കടുവ സംരക്ഷണ അതോറിറ്റിയും കേന്ദ്ര വനം-പരിസ്ഥിതി മന്ത്രാലയത്തിനു കീഴിലെ വൈൽഡ്‌ലൈഫ് ഇൻസ്റ്റിറ്റ്യൂട്ട് ഓഫ് ഇന്ത്യയും ചേർന്ന് നടത്തിയ മൂല്യനിർണയത്തിലാണ് ബന്ദിപ്പുർ ഒന്നാം സ്ഥാനം കരസ്ഥമാക്കിയത്.

കടുവസങ്കേതത്തിന്റെ നടത്തിപ്പ്, സംരക്ഷണം, വിനോദസഞ്ചാരം, കടുവകളുടെ എണ്ണം, ചികിത്സാ സൗകര്യങ്ങൾ തുടങ്ങി 64 കാര്യങ്ങളാണ് നാലുവർഷത്തിലൊരിക്കൽ നടക്കുന്ന മൂല്യനിർണയത്തിൽ പരിശോധിക്കുക. 95.5 ശതമാനം മാർക്കോടെയാണ് ബന്ദിപ്പുർ ഒന്നാം സ്ഥാനം നേടിയത്. ശാസ്ത്രജ്ഞർ, മുൻ ഐ.എഫ്.എസ്. ഉദ്യോഗസ്ഥർ, വന്യജീവി വിദഗ്ധർ എന്നിവരടങ്ങിയ സമിതിയാണ് മൂല്യനിർണയം നടത്തിയത്.



ബന്ദിപ്പുരിനു ലഭിച്ച മാർക്കനുസരിച്ച് രാജ്യത്തെ ഒന്നാമത്തെയോ രണ്ടാമത്തെയോ മികച്ച കടുവസങ്കേതമായിരിക്കുമെന്നാണ് തങ്ങളുടെ പ്രതീക്ഷയെന്ന് ബന്ദിപ്പുർ കടുവസങ്കേതം ഡയറക്ടർ പി. രമേഷ്‌കുമാർ പറഞ്ഞു. ബന്ദിപ്പുരിൽ നടത്തിയ വികസനപ്രവർത്തനങ്ങൾ കാരണമാണ് മികച്ച മാർക്ക് ലഭിച്ചതെന്നും അദ്ദേഹം വ്യക്തമാക്കി.

2018-ൽ നടന്ന ദേശീയ കടുവ കണക്കെടുപ്പിൽ 524 കടുവകളെയാണ് കർണാടകത്തിൽ കണ്ടെത്തിയത്. ഇതിൽ ഏറ്റവുമധികം കടുവകൾ (173) ബന്ദിപ്പുരിലായിരുന്നു. രണ്ടാംസ്ഥാനത്തുള്ള നാഗർഹോളെ ദേശീയോദ്യാനത്തിൽ 164 കടുവകളെയാണ് റിപ്പോർട്ട് ചെയ്തത്.

Content Highlights: bandipur tiger reserve selected as states best tiger reserve


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022


Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022

Most Commented