കാലാവസ്ഥാ വ്യതിയാനം വേഗത്തിലറിയാം; ഓട്ടോമാറ്റിക് കാലാവസ്ഥാ നിരീക്ഷണകേന്ദ്രം ഉടന്‍, Automatic Weather Station, Implement

31 July 2022, 11:21 AM IST

2018-ൽ വെള്ളപ്പൊക്കത്തെ തുടർന്നാണ് സംസ്ഥാനത്ത് കൂടുതൽ കാലാവസ്ഥാ നിരീക്ഷണ കേന്ദ്രങ്ങൾ തുടങ്ങാൻ തീരുമാനിച്ചത്. കേന്ദ്ര കാലാവസ്ഥാ വകുപ്പും സംസ്ഥാന ദുരന്തനിവാരണ അതോറിറ്റിയും സഹകരിച്ചാണ് പ്രാദേശികമായി ഇവ സ്ഥാപിക്കുന്നത്

ഓട്ടോമാറ്റിക് വെതർ സ്റ്റേഷൻ, പ്രതീകാത്മക ചിത്രം-(Automatic Weather Station)| Photo-intermet.co/ground_met

രാജപുരം: മഴയുടെയും കാറ്റിന്റെയും കണക്ക് വേഗത്തിൽ ലഭ്യമാകാൻ കാലാവസ്ഥാ നിരീക്ഷണ കേന്ദ്രമൊരുങ്ങുന്നു. കാസർകോട് പനത്തടി പഞ്ചായത്തിലാണ് കാലാവസ്ഥാ നിരീക്ഷണ കേന്ദ്രമൊരുങ്ങുന്നത്. ആവശ്യമായ സ്ഥലം പഞ്ചായത്താകും വിട്ടുനൽകുക. പഞ്ചായത്ത് അധീനതയിലുള്ള പാണത്തൂർ വട്ടക്കയത്തെയോ മെെലാട്ടിയിലെയോ സ്ഥലങ്ങളിൽ എവിടെ വേണമെങ്കിലും സ്ഥാപിക്കാൻ അനുമതി നൽകും. കാലാവസ്ഥാ വ്യതിയാനം വേഗത്തിൽ തിരിച്ചറിയാനുള്ള ഓട്ടോമാറ്റിക്‌ കാലാവസ്ഥാ നിരീക്ഷണകേന്ദ്രമാണ് (എ.ഡബ്ല്യു.എസ്- ഓട്ടോമാറ്റിക്‌ വെതർ സ്റ്റേഷൻ) ഇവിടെ സ്ഥാപിക്കുക. നിലവിൽ ഏഴ് നിരീക്ഷണ കേന്ദ്രങ്ങൾ ജില്ലയിലുണ്ട്.

ഇതിൽ മടിക്കെെ, പടന്നക്കാട്, മുളിയാർ, ബായാർ എന്നിവിടങ്ങളിൽ അടുത്ത കാലത്ത് സ്ഥാപിച്ചിരുന്നു. ഇതോടൊപ്പം തന്നെ പനത്തടി പാണത്തൂരിലും കേന്ദ്രം സ്ഥാപിക്കാൻ നീക്കം നടത്തിയിരുന്നെങ്കിലും സ്ഥലവുമായി ബന്ധപ്പെട്ട തർക്കത്തെ തുടർന്ന് നീണ്ടിരുന്നു. കാലാവസ്ഥയുമായി ബന്ധപ്പെട്ട് പ്രാദേശികമായി കൂടുതൽ വിവരങ്ങൾ വേഗത്തിൽ ലഭ്യമാക്കുകയാണ് ലക്ഷ്യം.

2018-ൽ വെള്ളപ്പൊക്കത്തെ തുടർന്നാണ് സംസ്ഥാനത്ത് കൂടുതൽ കാലാവസ്ഥാ നിരീക്ഷണ കേന്ദ്രങ്ങൾ തുടങ്ങാൻ തീരുമാനിച്ചത്. കേന്ദ്ര കാലാവസ്ഥാ വകുപ്പും സംസ്ഥാന ദുരന്തനിവാരണ അതോറിറ്റിയും സഹകരിച്ചാണ് പ്രാദേശികമായി ഇവ സ്ഥാപിക്കുന്നത്. കേന്ദ്രത്തിന്റെ ടവറും മറ്റ് ഉപകരണങ്ങളും സ്ഥാപിക്കുന്നതിനടക്കം 10 ചതുരശ്രമീറ്റർ സ്ഥലം ആവശ്യമായി വരും. താപനില, ആർദ്രത, കാറ്റിന്റെ വേഗം, ദിശ, മഴയുടെ ശക്തി എന്നീ വിവരങ്ങളാണ് ഇവിടെ രേഖപ്പെടുത്തുക. ഔരോ 15 മിനുട്ട് ഇടവിട്ട് ഔട്ടോമാറ്റിക്കായി വിവരങ്ങൾ പുതുക്കം വിധമാണ് കേന്ദ്രത്തിന്റെ പ്രവർത്തനം.

Content Highlights: automatic weather station will be implemented in Kasaragod

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)