• News
  • Views
  • Videos
  • Movies
  • Sports
  • Money
  • Women
  • Environment
More
Hero Hero
  • News
  • Video
  • Feature
  • Climate
  • Biodiversity
  • Gallery
  • Green Warriors
  • Mbiseed.com
  • Clean Earth

ഗ്രീന്‍ലാന്‍ഡില്‍ മഞ്ഞുരുകല്‍ ഉച്ചസ്ഥായിയിലേക്ക്; കടലോര നഗരങ്ങള്‍ ഭീഷണിയിലെന്ന് പഠനം

Jan 22, 2019, 11:46 AM IST
A A A

ലോകത്തിലെ ഏറ്റവും വലിയ നഗരങ്ങളില്‍ 10 എണ്ണം സ്ഥിതിചെയ്യുന്നത് കടലോരങ്ങളിലാണ്. 40-50 ശതമാനം ജനങ്ങള്‍ അധിവസിക്കുന്നതും ഇത്തരം മേഖലകളിലാണ്. മഞ്ഞുരുകുന്നതു മൂലം സമുദ്രനിരപ്പ് ഉയരുന്നത് ഈ പ്രദേശങ്ങളെയെല്ലാം ഗുരുതരമായി ബാധിക്കുമെന്നും പഠനം ചൂണ്ടിക്കാട്ടുന്നു.

glacier
X

image: NASA/John Sonntag

കാലാവസ്ഥാ വ്യതിയാനത്തിന്റെ രൂക്ഷത തിരിച്ചുവരാനാകാത്തവിധം മനുഷ്യരാശിയെ അപകടകരമായ നിലയിലേയ്ക്ക് നയിച്ചുകൊണ്ടിരിക്കുകയാണെന്ന് മുന്നറിയിപ്പുമായി പഠന റിപ്പോര്‍ട്ട്. കാലാവസ്ഥാ വ്യതിയാനത്തിന്റെ ഫലമായി ഗ്രീന്‍ലാന്‍ഡിലെ ഹിമപാളികള്‍ അതിവേഗത്തില്‍ ഉരുകിക്കൊണ്ടിരിക്കുകയാണെന്നും ഭൂമിയിലെ താഴ്ന്ന പ്രദേശങ്ങളും സമുദ്രത്തോട് ചേര്‍ന്ന മേഖലകളും വലിയ ഭീഷണിയാണ് നേരിടുന്നതെന്നും പുറത്തുവന്ന പുതിയ റിപ്പോര്‍ട്ട് വ്യക്തമാക്കുന്നു.

നേരത്തെ ഗവേഷകര്‍ കരുതിയിരുന്നതിലും വേഗത്തിലാണ് ഗ്രീന്‍ലാന്‍ഡിലെ ഹിമപാളികള്‍ ഉരുകുന്നതെന്നാണ് പുതിയ പഠനം വ്യക്തമാക്കുന്നത്. ഉത്തര അറ്റ്‌ലാന്റിക് സമുദ്രത്തില്‍ സ്ഥിതിചെയ്യുന്ന ഗ്രീന്‍ലാന്‍ഡിലെ മഞ്ഞുപാളികള്‍ സാധാരണയായി ഉരുകുന്നത് സ്വാഭാവികമായ കാലാവസ്ഥാ പ്രതിഭാസങ്ങള്‍ക്ക് അനുസരിച്ചാണ്. എന്നാല്‍ ക്രമാതീതമായി വര്‍ധിച്ചുവരുന്ന അന്തരീക്ഷോഷ്മാവ് മഞ്ഞുരുകലിന്റെ വേഗം അസാധാരണമായി വര്‍ധിപ്പിച്ചിരിക്കുകയാണ്. 

ഗ്രീന്‍ലാന്‍ഡിന്റെ തെക്കുകിഴക്കന്‍ മേഖലയിലാണ് ഭീമാകാരമായ മഞ്ഞുപാളികള്‍ ഉള്ളത്. ഇവ പൊട്ടി കഷ്ണങ്ങളാവുകയും അറ്റ്‌ലാന്റിക് സമുദ്രത്തില്‍ എത്തിച്ചേരുകയും ഇവ ഉരുകി സമുദ്രനിരപ്പ് ഉയരുകയും ചെയ്യുന്നു. അന്തരീക്ഷോഷ്മാവിലെ വര്‍ധനവ് ഈ പ്രക്രിയയെ കൂടുതല്‍ വേഗത്തിലാക്കുന്നതായി പഠനം കണ്ടെത്തുന്നു. ഈ സ്ഥിതി ഇനിവരും കാലങ്ങളിലും ഇതേപോലെതന്നെ തുടരുമെന്നും ഒഹായോ യൂണിവേഴ്‌സിറ്റിയിലെ ഗവേഷകനായ മൈക്കല്‍ ബെവിസ് പറയുന്നു.

വന്‍തോതിലുള്ള മഞ്ഞുരുകലിന്റെ പ്രതിഫലനങ്ങള്‍ ലോകത്തിലെ താഴ്ന്ന പ്രദേശങ്ങളിലും കടലോര മേഖലകളിലുമാണ് ആദ്യം ദൃശ്യമാകുക. ലോകത്തിലെ ഏറ്റവും വലിയ നഗരങ്ങളില്‍ 10 എണ്ണം സ്ഥിതിചെയ്യുന്നത് കടലോരങ്ങളിലാണ്. 40-50 ശതമാനം ജനങ്ങള്‍ അധിവസിക്കുന്നതും ഇത്തരം മേഖലകളിലാണ്. മഞ്ഞുരുകുന്നതു മൂലം സമുദ്രനിരപ്പ് ഉയരുന്നത് ഈ പ്രദേശങ്ങളെയെല്ലാം ഗുരുതരമായി ബാധിക്കുമെന്നും പഠനം ചൂണ്ടിക്കാട്ടുന്നു.

കാലാവസ്ഥാ വ്യതിയാനത്തിന്റെ ഇന്നത്തെ സാഹചര്യങ്ങളില്‍നിന്ന് ഒരു പിന്നോട്ടുപോക്ക് സാധ്യമല്ല. പുതിയ സാഹചര്യങ്ങളെ ഉള്‍ക്കൊള്ളുകയും ആഗോളതാപനം കുറയ്ക്കാനുള്ള ശ്രമങ്ങള്‍ ശക്തമാക്കുകയും ചെയ്യുക എന്നതാണ് ആകെ ചെയ്യാനുള്ളതെന്നും മൈക്കല്‍ ബെവിസ് പറയുന്നു. 'നേച്ചര്‍' ജേണലിലാണ് പഠനം പ്രസിദ്ധീകരിച്ചിരിക്കുന്നത്. 

Content  Highlights: Greenland, ice melt, coastal cities, Michael Bevis, Ohio State University, global warming

PRINT
EMAIL
COMMENT

 

Related Articles

കൃത്രിമമാംസം ശീലമാക്കൂ, കാലാവസ്ഥാ മാറ്റം തടയൂ; ബില്‍ഗേറ്റ്‌സിന്റെ ഉപദേശം ഇതാണ്
Food |
Environment |
പാരീസ് കാലാവസ്ഥാ ഉടമ്പടി അഞ്ച് വര്‍ഷം പിന്നിടുമ്പോള്‍
Kerala |
ആഗോളതാപനം നിയന്ത്രിക്കാൻ ഉപകരണം; അമേരിക്കയിൽ പേറ്റന്റ് നേടി മലയാളി ശാസ്ത്രജ്ഞൻ
World |
കോവിഡിനെക്കാൾ ഭീഷണി കാലാവസ്ഥാവ്യതിയാനമെന്ന് റെഡ്‌ക്രോസ്
 
  • Tags :
    • Climate Change
    • Greenland
    • ice melt
    • Ohio State University
    • Global Warming
More from this section
air pollution
ഇന്ത്യയില്‍ ഭൗമോപരിതല ഓസോണിന്റെ അളവ് വര്‍ധിച്ചുവരുന്നതായി പഠനം
Climate Change
പാരീസ് കാലാവസ്ഥാ ഉടമ്പടി അഞ്ച് വര്‍ഷം പിന്നിടുമ്പോള്‍
Koala
ഓസ്‌ട്രേലിയൻ കാട്ടുതീ 60,000 കൊവാളകളെ ബാധിച്ചതായി റിപ്പോർട്ട്
temperature
ലോകം തീച്ചൂളയാകുമോ? ഡെത്ത് വാലിയില്‍ അനുഭവപ്പെട്ടത് 90 വര്‍ഷത്തെ ഏറ്റവും ഉയര്‍ന്ന ചൂട്
Arctic Heat Wave Siberia
സൈബീരിയയില്‍ ഉഷ്ണതരംഗം; കാത്തിരിക്കുന്നത് കനത്ത മഞ്ഞുരുക്കം? ആശങ്കയില്‍ ലോകം
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Podcast Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.