ന്യൂഡല്‍ഹി: തിരഞ്ഞെടുപ്പ് ഉദ്യഗോസ്ഥര്‍ക്കെതിരെ പ്രകോപനപരമായ പ്രസ്താവന നടത്തിയതിന് സമാജ്‌വാദി പാര്‍ട്ടി നേതാവ് അസം ഖാന് തിരഞ്ഞെടുപ്പ് കമ്മീഷന്‍ വീണ്ടും വിലക്ക് ഏര്‍പ്പെടുത്തി. ഈ മാസം രണ്ടാമത്തെ തവണയാണ് അസംഖാന് കമ്മീഷന്‍ വിലക്ക് ഏര്‍പ്പെടുത്തുന്നത്.
തിരഞ്ഞെടുപ്പ് പ്രചാരണപ്രവര്‍ത്തനങ്ങളില്‍ ഏര്‍പ്പെടുന്നതിന് 48 മണിക്കൂര്‍ നേരത്തേക്കാണ് വിലക്ക്. ബുധനാഴ്ച രാവിലെ 6 മണി മുതലാണ് വിലക്ക് നിലവില്‍ വരിക.
നേരത്തെ ബി.ജെ.പി സ്ഥാനാര്‍ഥിയും സിനിമാ താരവുമായ ജയപ്രദയ്‌ക്കെതിരെ അശ്ലീല പദപ്രയോഗം നടത്തിയ വിഷയത്തിലാണ് തിരഞ്ഞെടുപ്പ് കമ്മീഷന്‍ അസംഖാന് വിലക്കേര്‍പ്പെടുത്തിയത്. അന്ന് 72 മണിക്കൂര്‍ സമയത്തേക്കായിരുന്നു വിലക്ക്.
content highlights: EC imposes fresh ban on Azam Khan from holding rallies
