.png?$p=dd2b73e&f=16x10&w=852&q=0.8)
പ്രതീകാത്മക ചിത്രം
മൊഹാലിയിലെ ഇൻസ്റ്റിറ്റ്യൂട്ട് ഓഫ് നാനോ സയൻസ് ആൻഡ് ടെക്‌നോളജി ഓഗസ്റ്റ് സെഷനിലെ ഗവേഷണ പ്രോഗ്രാം പ്രവേശനത്തിന് അപേക്ഷിക്കാം. തിരഞ്ഞെടുക്കപ്പെടുന്നവർക്ക് സ്ഥാപനത്തിന്റെ/കേന്ദ്രസർക്കാരിന്റെ വ്യവസ്ഥകൾ പ്രകാരം ഫെലോഷിപ്പ് ലഭിക്കും. സ്വതന്ത്ര ഫെലോഷിപ്പ് ഉള്ളവർക്ക് ബന്ധപ്പെട്ട ഏജൻസിയിൽനിന്ന് വാങ്ങാം. മൊഹാലി ഐസർ ആയിരിക്കും പിഎച്ച്.ഡി. നൽകുക.
കേന്ദ്രസർക്കാരിന്റെ സയൻസ് ആൻഡ് ടെക്‌നോളജി വകുപ്പിന്റെ സഹായത്തോടെ പ്രവർത്തിക്കുന്ന ഈ സ്വയംഭരണസ്ഥാപനത്തിൽ, നാനോ സയൻസ്, നാനോ ടെക്‌നോളജി എന്നിവയിലെ വിവിധ മേഖലകളിലെ ഗവേഷണങ്ങളാണ് നടന്നുവരുന്നത്. കെമിക്കൽ ബയോളജി യൂണിറ്റ്, എനർജി ആൻഡ് എൻവയൺമെന്റ് യൂണിറ്റ്, ക്വാണ്ടം മെറ്റീരിയൽസ് ആൻഡ് ഡിവൈസസ് യൂണിറ്റ് എന്നിവയിലായി നടക്കുന്ന ഗവേഷണങ്ങളുടെ വിശദാംശങ്ങൾ inst.ac.in/careers/42 -ലെ വിജ്ഞാപനത്തിൽ ലഭിക്കും.
യോഗ്യത: ബേസിക്/അപ്ലൈഡ് സയൻസസ്, എൻജിനിയറിങ്/അനുബന്ധ മേഖലയിൽ എം.എസ്‌സി., എം.ടെക്., എം.ഫാം. എന്നിവയിലൊന്നു വേണം. യോഗ്യതാകോഴ്‌സിന്റെ അന്തിമ സെമസ്റ്റർ/വർഷ പരീക്ഷ അഭിമുഖീകരിക്കുന്നവർക്കും വ്യവസ്ഥയ്ക്കു വിധേയമായി അപേക്ഷിക്കാം.
ഗേറ്റ്, സി.എസ്.ഐ.ആർ./യു.ജി.സി. നെറ്റ്, ജസ്റ്റ്, ജെ.ജി.ഇ.ഇ.ബി.ഐ.എൽ.എസ്. (ടി.ഐ.എഫ്.ആർ./എൻ.സി.ബി.എസ്.), ഐ.സി.എം.ആർ.-ജെ.ആർ.എഫ്./ഡി.ബി.ടി.-ജെ.ആർ.എഫ്., ഡി.എസ്.ടി.-ഇൻസ്പയർ, ജിപാറ്റ് എന്നിവയിലൊന്നിൽ യോഗ്യത നേടിയിരിക്കണം. പ്രായപരിധി സി.എസ്.ഐ.ആർ.-യു.ജി.സി., ഡി.എസ്.ടി. മാർഗനിർദേശപ്രകാരമാകും.
വിശദമായ വിജ്ഞാപനം, അപേക്ഷാഫോറം എന്നിവ inst.ac.in/careers/42 -ൽ ലഭ്യമാണ്. ഓൺലൈനായി സിനോപ്‌സിസ് നൽകണം. പൂരിപ്പിച്ച അപേക്ഷയുടെ ഹാർഡ് കോപ്പി, അനുബന്ധരേഖകൾ സഹിതം നേരിട്ടോ രജിസ്റ്റേർ ഡ്/സ്പീഡ് പോസ്റ്റ്/കൂറിയർവഴിയോ മാർച്ച് 15-നകം ‘ദി ഡയറക്ടർ, ഇൻ സ്റ്റിറ്റ്യൂട്ട് ഓഫ് നാനോ സയൻസ് ആൻഡ് ടെക്‌നോളജി, നോളജ് സിറ്റി, സെക്ടർ 81, മൊഹാലി, പഞ്ചാബ്-140306’ എന്ന വിലാസത്തിൽ ലഭിക്കണം.
Content Highlights: Research in Institute of Nano Science and Technology
Also Watch
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=02b67ab&q=0.8&f=16x11&w=104)
.jpg?$p=9b9581e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..