Image: Mathrubhumi.com
സെന്‍ട്രല്‍ പവര്‍ റിസര്‍ച്ച് ഇന്‍സ്റ്റിറ്റ്യൂട്ട് സീനിയര്‍/ജൂനിയര്‍ റിസര്‍ച്ച് ഫെലോ (എസ്.ആര്‍.എഫ്./ജെ.ആര്‍.എഫ്.) സ്ഥാനങ്ങളിലേക്ക് അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവര്‍ക്ക് വിവിധ പ്രോജക്ടുകളില്‍ മുഴുവന്‍ സമയം പ്രവര്‍ത്തിക്കാനും പിഎച്ച്.ഡി./എം.എസ്‌സി. കോഴ്‌സുകള്‍ ചെയ്യാനും അവസരം ലഭിക്കുന്നു. എസ്.ആര്‍.എഫ്. (മൂന്നുവര്‍ഷം) പ്രതിമാസം 30,000 രൂപയും ജെ.ആര്‍.എഫ്. (രണ്ടുവര്‍ഷം) പ്രതിമാസം 20,000 രൂപയും ഫെലോഷിപ്പ് ലഭിക്കും. മറ്റ് ആനുകൂല്യങ്ങളുമുണ്ട്. മികവു തെളിയിക്കുന്നവര്‍ക്ക് ഫെലോഷിപ്പ് കാലാവധി നീട്ടി ലഭിക്കാം.
• ഇലക്ട്രിക്കല്‍/കെമിക്കല്‍ മേഖലയിലെ എന്‍ജിനിയറിങ് പിഎച്ച്.ഡി.യിലേക്കു നയിക്കുന്ന എസ്.ആര്‍.എഫിന് അപേക്ഷിക്കാന്‍ ബന്ധപ്പെട്ട മേഖലയില്‍ എന്‍ജിനിയറിങ് പി.ജി. വേണം.
• കെമിസ്ട്രിയില്‍ പിഎച്ച്.ഡി.യിലേക്കു നയിക്കുന്ന എസ്.ആര്‍.എഫിന് ബന്ധപ്പെട്ട സവിശേഷമേഖലയില്‍ കെമിസ്ട്രി എം.എസ്‌സി./എം.ഫില്‍ ബിരുദം വേണം.
• കെമിക്കല്‍ വിഷയത്തിലെ റിസര്‍ച്ച് വഴിയുള്ള എം.എസ്‌സി. (എന്‍ജിനിയറിങ്) യിലേക്കു നയിക്കുന്ന ജെ.ആര്‍.എഫിന് എന്‍ജിനിയറിങ് ബിരുദം വേണം.
അപേക്ഷകര്‍ക്ക് യോഗ്യതാ പ്രോഗ്രാമില്‍ ഫസ്റ്റ് ക്ലാസും സാധുവായ ഗേറ്റ് സ്‌കോറും വേണം. കെമിസ്ട്രി പിഎച്ച്.ഡി.ക്ക്, യു.ജി.സി. നെറ്റ് സ്‌കോര്‍ ഉള്ളവര്‍ക്കും അപേക്ഷിക്കാം. വിശദമായ വിജ്ഞാപനം, അപേക്ഷാമാതൃക സഹിതം cpri.res.in/career ല്‍ ലഭിക്കും.
പൂരിപ്പിച്ച അപേക്ഷയും അനുബന്ധരേഖകളും വിജ്ഞാപനത്തില്‍ നല്‍കിയിട്ടുള്ള വിലാസത്തില്‍ ജനുവരി 31നകം ലഭിക്കണം.
Content Highlights: PhD and an MSc from Central Power Research Institute
Also Watch
RELATED STORIES
.jpg?$p=9d7e95d&f=1x1&w=100&q=0.8)
%20(1).jpg?$p=e07f915&f=1x1&w=100&q=0.8)
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=8ce7bff&q=0.8&f=16x11&w=104)
.jpg?$p=b4643a5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..