27 May 2023, 05:42 PM IST

1 min read

Read later

Representative images/ Freepik

കേരള മീഡിയാ അക്കാദമിയുടെ ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ നടത്തുന്ന പി.ജി. ഡിപ്ലോമ കോഴ്സ് പ്രവേശനത്തിന് അപേക്ഷിക്കാം. ജേണലിസം ആൻഡ് കമ്യൂണിക്കേഷൻ, ടെലിവിഷൻ ജേണലിസം, പബ്ലിക് റിലേഷൻസ് ആൻഡ് അഡ്വർടൈസിങ് എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകളിലേക്കാണ് പ്രവേശനം.

ഏതെങ്കിലുംവിഷയത്തിൽ ബിരുദമാണ് അടിസ്ഥാനയോഗ്യത. അവസാനവർഷ ബിരുദപരീക്ഷയെഴുതി ഫലംകാത്തിരിക്കുന്നവർക്കും അപേക്ഷിക്കാം. ഓൺലൈനായി നടത്തുന്ന അഭിരുചിപരീക്ഷയുടെയും ഇന്റർവ്യൂവിന്റെയും അടിസ്ഥാനത്തിലായിരിക്കും പ്രവേശനം.

ജേണലിസം ആൻഡ് കമ്യൂണിക്കേഷൻ: പ്രിന്റ് ജേണലിസം, റേഡിയോ, ഓൺലൈൻ, സോഷ്യൽമീഡിയ, ബ്രോഡ്കാസ്റ്റ് ജേണലിസം, മൊബൈൽ ജേണലിസം തുടങ്ങിയ മേഖലകളിൽ പരിശീലനം നൽകുന്ന പ്രോഗ്രാം.

ടെലിവിഷൻ ജേണലിസം: ന്യൂസ് ആങ്കറിങ്, വീഡിയോ ക്യാമറ, വീഡിയോ എഡിറ്റിങ്, ഡോക്യുമെന്ററി പ്രൊഡക്ഷൻ, മീഡിയ കൺവെർജൻസ്, മൊബൈൽ ജേണലിസം തുടങ്ങി ദൃശ്യമാധ്യമമേഖലയിൽ സമഗ്രമായ പ്രായോഗികപരിശീലനം നൽകുന്ന പ്രോഗ്രാം.

പബ്ലിക് റിലേഷൻസ് ആൻഡ് അഡ്വർടൈസിങ്: പബ്ലിക് റിലേഷൻസ്, അഡ്വർടൈസിങ് മേഖലയിലെ നൂതനപ്രവണതകളിൽ പ്രായോഗികപരിശീലനത്തിന് ഊന്നൽ നൽകുന്നു. ഒപ്പം ജേണലിസം, ക്രീയേറ്റീവ് റൈറ്റിങ്, പോഡ്കാസ്റ്റിങ്, ഡിജിറ്റൽ മാർക്കറ്റിങ്, ആഡ് ഫിലിംമേക്കിങ് എന്നിവയിലും സവിശേഷപരിശീലനം നൽകുന്നു.

ഇന്റേൺഷിപ്പും പ്രാക്ടിക്കലും ഉൾപ്പെടെ കോഴ്സിന്റെ ദൈർഘ്യം ഒരുവർഷമാണ്. വിവരങ്ങൾക്ക്: www.keralamediaacademy.org | 0484 2422275, 9539084444 | kmaadmissions@gmail.com