എജ്യുക്കേഷണല്‍ പോളിസി, പ്ലാനിങ് ആന്‍ഡ് അഡ്മിനിസ്‌ട്രേഷനില്‍ ഇന്റഗ്രേറ്റഡ് എം.ഫില്‍-പിഎച്ച്.ഡി.


മേയ് 25-നകം അപേക്ഷ സമര്‍പ്പിക്കണം

പ്രതീകാത്മക ചിത്രം | Photo: gettyimages.in

ന്യൂഡൽഹിയിലെ നാഷണൽ ഇൻസ്റ്റിറ്റ്യൂട്ട് ഓഫ് എജ്യുക്കേഷണൽ പ്ലാനിങ് ആൻഡ് അഡ്മിനിസ്ട്രേഷൻ (എൻ.ഐ. ഇ.പി. എ.) നടത്തുന്ന ഇന്റഗ്രേറ്റഡ് എം.ഫിൽ-പിഎച്ച്.ഡി., പിഎച്ച്.ഡി (ഫുൾ ടൈം/പാർട് ടൈം) എന്നിവയിലേക്ക് ഇപ്പോൾ അപേക്ഷിക്കാം.

ഇന്റഗ്രേറ്റഡ് എം.ഫിൽ-പിഎച്ച്.ഡി. പ്രോഗ്രാം പ്രവേശനത്തിന് അപേക്ഷാർഥിക്ക് 55 ശതമാനം മാർക്കോടെ (പട്ടികജാതി/വർഗ/ഒ.ബി.സി./ഭിന്നശേഷി വിഭാഗക്കാർക്ക് 50 ശതമാനം)/തത്തുല്യ ഗ്രേഡോടെ സോഷ്യൽ സയൻസസ്/അനുബന്ധ വിഷയത്തിൽ മാസ്റ്റേഴ്സ് ബിരുദം വേണം. മറ്റു മേഖലകളിൽ മാസ്റ്റേഴ്സ് ബിരുദമുള്ള അധ്യാപനപരിചയമോ എജ്യുക്കേഷണൽ പോളിസി പ്ലാനിങ് ആൻഡ് അഡ്മിനിസ്ട്രേഷൻ മേഖലയിലെ പ്രവൃത്തിപരിചയമോ ഉള്ളവരെയും പരിഗണിക്കും. നെറ്റ് യോഗ്യതയോടെ യു.ജി.സി.-ജെ.ആർ.എഫ്. ഉള്ളവർക്ക് മുൻഗണനയുണ്ട്. യോഗ്യതാപരീക്ഷയുടെ അന്തിമഫലം കാത്തിരിക്കുന്നവർക്കും അപേക്ഷിക്കാം.

ഫുൾടൈം/പാർട് ടൈം പിഎച്ച്.ഡി. പ്രവേശനത്തിന് അപേക്ഷാർഥി ഇന്റഗ്രേറ്റഡ് എം.ഫിൽ-പിഎച്ച്.ഡി. പ്രോഗ്രാം പ്രവേശനത്തിന് വേണ്ട യോഗ്യത തൃപ്തിപ്പെടുത്തണം. കൂടാതെ എജ്യുക്കേഷണൽ പോളിസി പ്ലാനിങ് ആൻഡ് അഡ്മിനിസ്ട്രേഷനിൽ എം.ഫിൽ ബിരുദവും വേണം. ഉയർന്ന നിലവാരമുള്ള പ്രസിദ്ധീകരണങ്ങളുള്ള സോഷ്യൽ സയൻസസ്/അനുബന്ധ മേഖലയിലെ എം.ഫിൽ ഉള്ളവരെയും പരിഗണിക്കും.

പാർട് ടൈം പിഎച്ച്.ഡി. പ്രവേശനത്തിന് അപേക്ഷാർഥി എജ്യുക്കേഷണൽ പോളിസി പ്ലാനിങ് ആൻഡ് അഡ്മിനിസ്ട്രേഷൻ മേഖലയിലോ ടീച്ചിങ്/റിസർച്ച് മേഖലയിലോ കുറഞ്ഞത് അഞ്ചുവർഷത്തെ പ്രവൃത്തിപരിചയമുള്ള സീനിയർതല വിദ്യാഭ്യാസ ഉദ്യോഗസ്ഥനായിരിക്കണം. ഒരു വർഷത്തെ കോഴ്സ് വർക്കിനായി സ്ഥാപനത്തിൽനിന്ന് അവധിക്ക് അർഹതയുണ്ടായിരിക്കണം.

ഷോർട്ട് ലിസ്റ്റിൽ ഉൾപ്പെടുന്ന അപേക്ഷകർക്ക് എഴുത്തുപരീക്ഷയും അഭിമുഖവും ഉണ്ടാകും. അപേക്ഷ http://www.niepa.ac.in ലെ അഡ്മിഷൻ ലിങ്കിലെ ഗൂഗിൾ ഫോം വഴി നൽകാം. പ്രോസ്പക്ടസ്, ലിങ്കിൽ കിട്ടും. അപേക്ഷാ ഫീസ് 400 രൂപ. പട്ടികജാതി/വർഗ/ഇ.ഡബ്ല്യ.എസ്. വിഭാഗക്കാർക്ക് 200 രൂപ. ഓൺലൈനായി അടയ്ക്കാം. അപേക്ഷാ പ്രിന്റ് ഔട്ടും അനുബന്ധരേഖകളും മേയ് 25-നകം ഇൻസ്റ്റിറ്റ്യൂട്ട് രജിസ്ട്രാർക്ക് ലഭിക്കണം.

Content Highlights: Integrated Ph.D, M.phil at NIEPA


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023

Most Commented