.jpg?$p=74dd70a&f=16x10&w=852&q=0.8)
Photo: IIT-Madras
മദ്രാസ് ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐ.ഐ.ടി.) മാനേജ്മെൻറ് സ്റ്റഡീസ് വകുപ്പ് നടത്തുന്ന രണ്ടുവർഷ ഫുൾടൈം മാസ്റ്റർഓഫ് ബിസിനസ് അഡ്മിനിസ്ട്രേഷൻ (എം.ബി.എ.) പ്രോഗ്രാം പ്രവേശനത്തിന് അപേക്ഷിക്കാം.
യോഗ്യത: ഏതെങ്കിലും വിഷയത്തിൽ ഫസ്റ്റ്ക്ലാസോടെ/60 ശതമാനം മാർക്കോടെ (പട്ടിക/ ഭിന്നശേഷിക്കാർക്ക് 55 ശതമാനം) ബിരുദംവേണം. യൂണിവേഴ്സിറ്റി ബിരുദത്തിനു തത്തുല്യമെന്ന് യു.ജി.സി. അംഗീകരിച്ച പ്രൊഫഷണൽ ബിരുദമുള്ളവർക്കും അപേക്ഷിക്കാം. യോഗ്യതാ കോഴ്സിന്റെ അന്തിമവർഷ വിദ്യാർഥികൾക്കു വ്യവസ്ഥകൾക്കു വിധേയമായി അപേക്ഷിക്കാം.
ഐ.ഐ.എം. കാറ്റ് 2022-ലെ സ്കോർ വേണം. സി.ജി.പി.എ. എട്ടോ അതിലധികമോ വാങ്ങി ഐ.ഐ.ടി.യിൽനിന്ന്‌ ബിരുദമെടുത്തവരെ കാറ്റ് സ്കോറിൽനിന്ന്‌ ഒഴിവാക്കിയിട്ടുണ്ട്.
അപേക്ഷകരെ കാറ്റ് സ്കോർ (75 ശതമാനം വെയ്റ്റേജ്), മുൻ അക്കാദമിക് മികവ് (ബിരുദം - ആറുശതമാനം, എസ്.എസ്.എൽ.സി.- നാലുശതമാനം, എച്ച്.എസ്.സി.-നാലുശതമാനം), പ്രവൃത്തിപരിചയം (അഞ്ചുശതമാനം), അക്കാദമിക് ഡൈവേഴ്സിറ്റി (മൂന്നുശതമാനം), ജെൻഡർ (മൂന്നുശതമാനം) എന്നിവയുടെ അടിസ്ഥാനത്തിൽ തയ്യാറാക്കുന്ന കോമ്പസിറ്റ് സ്കോർ പരിഗണിച്ച് ഷോർട്ട്‌ലിസ്റ്റ് ചെയ്യും. ഷോർട്ട്‌ലിസ്റ്റ് ചെയ്യപ്പെടുന്നവർക്ക് മാർച്ചിൽ പേഴ്സണൽ ഇൻറർവ്യൂ നടത്തും.
അപേക്ഷ doms.iitm.ac.in/admission വഴി ജനുവരി 31 വരെ നൽകാം. സാധുവായ കാറ്റ് സ്കോറുള്ള ഏതെങ്കിലും ഒരു ഓർഗനൈസേഷനിൽ രണ്ടുവർഷത്തെയെങ്കിലും പ്രവൃത്തിപരിചയമുള്ള ബിരുദധാരികൾക്ക് സ്പോൺസേർഡ് വിഭാഗത്തിൽ അപേക്ഷിക്കാം. ഈ വിഭാഗത്തിൽ അപേക്ഷിക്കുന്ന സായുധസേനാംഗങ്ങൾക്ക്, കാറ്റ് സ്കോർ ആവശ്യമില്ല.
Content Highlights: IIT Madras Admission open for 2023 Batch MBA Program
Also Watch
RELATED STORIES
IN CASE YOU MISSED IT
.jpg?$p=260bb55&f=1x1&w=100&q=0.8)
.jpg?$p=22d1829&q=0.8&f=16x11&w=104)
.jpg?$p=eb758f7&q=0.8&f=16x11&w=104)
.jpg?$p=ef2a3d2&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..