പ്ലസ്ടു് പരീക്ഷ; ജൂലായ് 15-നും ഓഗസ്റ്റ് 26-നുമിടയില്‍ നടത്താമെന്ന് നിര്‍ദേശം


കോവിഡ് വ്യാപനം പലയിടത്തും പലതരത്തിലായതിനാല്‍ പരീക്ഷ നടത്തുന്നതിനോട് സംസ്ഥാനങ്ങള്‍ക്കിടയില്‍ പൊതുയോജിപ്പുണ്ടായിട്ടില്ല.

പ്രതീകാത്മക ചിത്രം | മാതൃഭൂമി

ന്യൂഡല്‍ഹി: പന്ത്രണ്ടാം ക്ലാസ് ബോര്‍ഡ് പരീക്ഷകളുടെ കാര്യം വിപുലമായ കൂടിയാലോചനയ്ക്കുശേഷമേ കേന്ദ്രം തീരുമാനിക്കൂ. കഴിഞ്ഞദിവസം സംസ്ഥാന വിദ്യാഭ്യാസമന്ത്രിമാരുമായും ബോര്‍ഡ് അധ്യക്ഷന്മാരുമായും നടത്തിയ ചര്‍ച്ചയില്‍ ഉയര്‍ന്ന അഭിപ്രായങ്ങളും വീണ്ടും ഉന്നതതലത്തില്‍ നടത്തുന്ന കൂടിയാലോചനയ്ക്കും ശേഷമേ അന്തിമതീരുമാനം കൈക്കൊള്ളൂ. ജൂണ്‍ ഒന്നോടെ തീരുമാനമെടുക്കണമെന്നാണ് പൊതുവിലുണ്ടായ ധാരണ.

ജൂലായ് 15-നും ഓഗസ്റ്റ് 26-നുമിടയില്‍ ഏതാനും വിഷയങ്ങളില്‍ മാത്രം പരീക്ഷ നടത്തി സെപ്റ്റംബറില്‍ ഫലം പ്രസിദ്ധീകരിക്കാമെന്ന നിര്‍ദേശം സി.ബി.എസ്.ഇ. മുന്നോട്ടുവെച്ചിട്ടുണ്ട്. ജൂലായ് 15 മുതല്‍ ഓഗസ്റ്റ് ഒന്നുവരെ ആദ്യഘട്ടത്തിലും ഓഗസ്റ്റ് എട്ടുമുതല്‍ 26 വരെ രണ്ടാംഘട്ടത്തിലും പരീക്ഷകള്‍ നടത്താം.

വിദ്യാര്‍ഥികള്‍ എന്റോള്‍ ചെയ്ത സ്‌കൂളുകളില്‍വെച്ചുതന്നെ പരീക്ഷ നടത്തുക, ഒബ്ജക്ടീവ് മാതൃകയിലും ചെറിയ ഉത്തരങ്ങള്‍ നല്‍കുന്ന വിധത്തിലും ചോദ്യപ്പേപ്പറുകള്‍ തയ്യാറാക്കി പരീക്ഷാസമയം ഒന്നരമണിക്കൂറായി ചുരുക്കുക, ഈ ഘട്ടത്തില്‍ പരീക്ഷയെഴുതാന്‍ പറ്റാത്തവര്‍ക്ക് പിന്നീട് ഒരവസരം നല്‍കുക തുടങ്ങിയ നിര്‍ദേശങ്ങളും സമര്‍പ്പിച്ചിട്ടുണ്ട്.

കോവിഡ് വ്യാപനം പലയിടത്തും പലതരത്തിലായതിനാല്‍ പരീക്ഷ നടത്തുന്നതിനോട് സംസ്ഥാനങ്ങള്‍ക്കിടയില്‍ പൊതുയോജിപ്പുണ്ടായിട്ടില്ല. ഈ പശ്ചാത്തലത്തില്‍ വീണ്ടുമൊരു കൂടിയാലോചന നടന്നേക്കും. പ്രധാനമന്ത്രിയുടെ ഇടപെടലും ഇക്കാര്യത്തില്‍ ഉണ്ടാവുമെന്നാണ് സൂചന.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


meena

1 min

'എന്റെ ജീവിതം കൂടുതല്‍ മനോഹരമാക്കിയ മഴവില്ല്';വിദ്യാസാഗറിനെ കുറിച്ച് അന്ന് മീന പറഞ്ഞു

Jun 29, 2022


devendra fadnavis

1 min

ഉദ്ധവിന്റെ രാജി ആഘോഷമാക്കി ബിജെപി; മധുരം പങ്കിട്ട് ഫട്നാവിസും നേതാക്കളും

Jun 29, 2022

Most Commented