പൊതുപഠനകേന്ദ്രങ്ങള്‍ക്കായി ഒരുക്കം തുടങ്ങി; ആശങ്കയായി കോവിഡ് മൂന്നാം തരംഗം


അനില്‍ മുകുന്നേരി

ഒരു കുട്ടിയും ഓണ്‍ലൈന്‍ വിദ്യാഭ്യാസത്തില്‍നിന്ന് ഒഴിവാകാതിരിക്കാന്‍ വാര്‍ഡ്തലത്തില്‍ ഒരു പൊതുപഠനകേന്ദ്രമെങ്കിലും സ്ഥാപിക്കണമെന്നും അവിടെ അധ്യാപകരുടെയോ സന്നദ്ധവിദ്യാഭ്യാസപ്രവര്‍ത്തകരുെടയോ സേവനം ഉറപ്പാക്കണമെന്നും സമഗ്രശിക്ഷാ കേരളം സര്‍ക്കാരിന് ശുപാര്‍ശ നല്‍കിയിരുന്നു

പ്രതീകാത്മക ചിത്രം | Photo: gettyimages.in

കൊല്ലം: ഡിജിറ്റൽ ക്ലാസുകളിൽ പങ്കെടുക്കാൻ കഴിയാത്ത കുട്ടികൾക്ക് പൊതുപഠനകേന്ദ്രങ്ങൾ ഒരുക്കുന്നതിന് വിവരശേഖരണം തുടങ്ങി. കോവിഡ് നിയന്ത്രണങ്ങൾ കണക്കിലെടുത്താകും തുടർപ്രവർത്തനങ്ങളെന്ന് പറയുമ്പോഴും കോവിഡ് മൂന്നാം തരംഗത്തെപ്പറ്റി ആരോഗ്യവകുപ്പ് നൽകിയ മുന്നറിയിപ്പ് അധ്യാപകർക്കും രക്ഷിതാക്കൾക്കും ആശങ്കയുണ്ടാക്കുന്നുണ്ട്.

ഒരു കുട്ടിയും ഓൺലൈൻ വിദ്യാഭ്യാസത്തിൽനിന്ന് ഒഴിവാകാതിരിക്കാൻ വാർഡ്തലത്തിൽ ഒരു പൊതുപഠനകേന്ദ്രമെങ്കിലും സ്ഥാപിക്കണമെന്നും അവിടെ അധ്യാപകരുടെയോ സന്നദ്ധവിദ്യാഭ്യാസപ്രവർത്തകരുെടയോ സേവനം ഉറപ്പാക്കണമെന്നും സമഗ്രശിക്ഷാ കേരളം സർക്കാരിന് ശുപാർശ നൽകിയിരുന്നു. ഇതേത്തുടർന്നാണ് നോഡൽ ഓഫീസർമാരുടെ നേതൃത്വത്തിൽ നടപടികൾ ആരംഭിച്ചത്.

എല്ലാ കുട്ടികൾക്കും ഡിജിറ്റൽ പഠനോപകരണങ്ങളുണ്ടെന്ന് ഉറപ്പാക്കിയശേഷമാകും ഈവർഷത്തെ ക്ലാസുകൾ അടുത്തയാഴ്ചയോടെ വിക്ടേഴ്സ് ചാനൽവഴി സംപ്രേഷണം ചെയ്യുക. അധ്യാപക-രക്ഷാകർത്തൃ സമിതി, സ്കൂൾ മാനേജ്മെന്റ് കമ്മിറ്റികൾ എന്നിവയുടെ നേതൃത്വത്തിൽ കുട്ടികൾക്ക് ഡിജിറ്റൽ ക്ലാസുകൾ ലഭിക്കുന്നെന്ന് ഉറപ്പാക്കുന്നുണ്ട്. ക്ലാസുകൾ കാണുന്നതിന് സൗകര്യമില്ലാത്ത കുട്ടികളുടെ കണക്ക് സ്കൂൾതലത്തിൽ അധ്യാപകരുടെ സഹായത്തോടെ ശേഖരിക്കുന്നുണ്ട്. ക്ലാസുകളുടെ വിലയിരുത്തലും നടക്കുന്നു. ഇതിലൊന്നും പങ്കാളികളല്ലാത്ത കുട്ടികളെയാണ് പൊതുപഠനകേന്ദ്രങ്ങളിലേക്ക് കൊണ്ടുവരാൻ ഉദ്ദേശിക്കുന്നത്. മലയോര, തീരദേശ മേഖലകളിലെ കുട്ടികൾക്ക് ഇക്കാര്യത്തിൽ മുൻഗണന നൽകുന്നുണ്ട്.

ഓൺലൈൻ ക്ലാസിൽ നിർദേശിക്കുന്ന പ്രവർത്തനങ്ങൾ നിർവഹിക്കാൻ ഭൂരിഭാഗം വിദ്യാർഥികൾക്കും രക്ഷിതാക്കളുടെയോ അധ്യാപകരുടെയോ സഹായം ആവശ്യമുണ്ട്. ഭിന്നശേഷിക്കാരും വീട്ടിൽ സഹായിക്കാൻ മുതിർന്നവരില്ലാത്തവരുമായ കുട്ടികൾ, ഡിജിറ്റൽ ഉപകരണങ്ങളുടെ കുറവുള്ളവർ എന്നിവർക്ക് പൊതുപഠനകേന്ദ്രങ്ങൾ സഹായമാകുമായിരുന്നു. എന്നാൽ കോവിഡ് മൂന്നാം തരംഗ ഭീഷണിയുള്ളതിനാൽ കുട്ടികളെ പഠനകേന്ദ്രങ്ങളിൽ എത്തിക്കാനുള്ള ശ്രമം ഉപേക്ഷിക്കണമെന്നാണ് അധ്യാപകരുടെ ആവശ്യം.

Content Highlights: Online Class, began preparations for public study centers; Covid third wave

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


AMMA

1 min

ഷമ്മി തിലകനെതിരെ 'അമ്മ'യില്‍ പ്രതിഷേധമുണ്ട്; നടപടി എക്‌സിക്യൂട്ടീവ് തീരുമാനിക്കും - താരസംഘടന

Jun 26, 2022

Most Commented