.jpg?$p=74dd70a&f=16x10&w=852&q=0.8)
Photo: IIT-Madras
ചെന്നൈ: നിർമിതബുദ്ധി (ആർട്ടിഫിഷ്യൽ ഇന്റലിജൻസ്) ഗവേഷണത്തിന് ഐ.ഐ.ടി. മദ്രാസിന് ഗൂഗിളിന്റെ ഒരു മില്യൺ ഡോളർ (8.2 കോടിരൂപ) ഗ്രാന്റ്. ഇന്ത്യൻ സാഹചര്യത്തിൽ നിർമിതബുദ്ധി പക്ഷപാതിത്വത്തിന്റെ വിവിധവശങ്ങളെക്കുറിച്ചുള്ള ഗവേഷണത്തിനാണ് ഗ്രാന്റ്. ഐ.ഐ.ടി.യിൽ ആരംഭിക്കുന്ന മൾട്ടി ഡിസിപ്ലിനറി സെന്ററാണ് ഗവേഷണം നടത്തുന്നത്. രാജ്യത്തെ ഇത്തരത്തിലുള്ള ആദ്യസംരംഭമായിരിക്കും ഇത്.
ഗൂഗിളിന്റെ 100 ബില്യൺ ഡോളർ ഇന്ത്യ ഡിജിറ്റൈസേഷൻ ഫണ്ടിൽ (ഐ.ഡി.എഫ്.) നിന്നാകും ഗ്രാന്റ് ലഭിക്കുക. ഇന്ത്യയിൽ നിർമിതബുദ്ധി (എ.ഐ.) പ്രയോജപ്പെടുത്തി പ്രവർത്തനം വ്യാപിപ്പിക്കാൻ ഗൂഗിൾ ഒരുങ്ങുകയാണ്. ഇതിന്റെഭാഗമായി ഗൂഗിളിൽ 100 ഇന്ത്യൻഭാഷകൾ കൈകാര്യം ചെയ്യാൻ എ.ഐ. ഉപയോഗപ്പെടുത്തുമെന്ന് സി.ഇ.ഒ. സുന്ദർ പിച്ചൈ പറഞ്ഞു.
ഐ.ഡി.എഫ്. ഉപയോഗിച്ചുള്ള പ്രവർത്തനങ്ങൾ വിലയിരുത്താൻ ഇന്ത്യയിൽ സന്ദർശനം നടത്തുന്ന സുന്ദർ പിച്ചൈ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി.
ഐ.ഐ.ടി. മദ്രാസ് കൂടാതെ വികസന രംഗത്ത് പ്രവർത്തിക്കുന്ന വദ്‌വാനി ഇൻസ്റ്റിറ്റ്യൂട്ട് ഫോർ ആർട്ടിഫിഷ്യൽ ഇന്റലിജൻസിനും ഗ്രാന്റ് അനുവദിച്ചിട്ടുണ്ട്. കാർഷികമേഖലയിലെ എ.ഐ. സാധ്യതകൾ കണ്ടെത്തുന്നതിനാണ് വദ്‌വാനി ഇൻസ്റ്റിറ്റ്യൂട്ടിന് ഗ്രാൻഡ് ലഭിക്കുന്നത്. വിളകളിലെ രോഗം, വിളയുടെ അളവ് തുടങ്ങിയവ മുൻകൂട്ടി കാണുന്നതിന് എ.ഐ. ഉപയോഗത്തെക്കുറിച്ചുള്ള ഗവേഷണം വദ്‌വാനി ഇൻസ്റ്റിറ്റ്യൂട്ടിൽ നടക്കും.
Content Highlights: Google grant, Artificial Intelligence, IIT-Madras, Indian Institute of Technology
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=a0648db&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..