.png?$p=dd2b73e&f=16x10&w=852&q=0.8)
പ്രതീകാത്മക ചിത്രം
തിരുവനന്തപുരം: എ.പി.ജെ അബ്ദുള്‍ കലാം സാങ്കേതിക സര്‍വകലാശാല 2022-23 അധ്യയന വര്‍ഷത്തേക്കുള്ള പിഎച്ച്.ഡി. പ്രവേശനത്തിന് അപേക്ഷകള്‍ ക്ഷണിക്കുന്നു. 2022 ജൂലൈ, 2023 ജനുവരി എന്നീ രണ്ട് ബാച്ചുകളിലും ചേരാന്‍ ആഗ്രഹിക്കുന്ന ഉദ്യോഗാര്‍ത്ഥികള്‍ ഇപ്പോള്‍ അപേക്ഷിക്കണം.
ഓണ്‍ലൈനായി അപേക്ഷ സമര്‍പ്പിക്കേണ്ട അവസാന തീയതി: മെയ് 10
ആര്‍ക്കൊക്കെ അപേക്ഷിക്കാം
വിദ്യാര്‍ത്ഥികള്‍ക്ക് പാര്‍ട്ട് ടൈം, ഫുള്‍ ടൈം എന്നീ രണ്ട് വിഭാഗങ്ങളില്‍ അപേക്ഷകള്‍ സമര്‍പ്പിക്കാവുന്നതാണ്. അഫിലിയേറ്റഡ് കോളേജുകളിലെ അധ്യാപര്‍ക്കും സര്‍വകലാശാല അംഗീകരിച്ച സ്ഥാപനങ്ങളില്‍ ജോലി ചെയ്യുന്ന അപേക്ഷകര്‍ക്കും പിഎച്ച്.ഡി. പാര്‍ട്ട് ടൈം പ്രോഗ്രാമിലേക്കു അപേക്ഷിക്കാവുന്നതാണ്. തിരഞ്ഞെടുത്ത ഫുള്‍ ടൈം വിദ്യാര്‍ത്ഥികള്‍ക്ക് മൂന്ന് വര്‍ഷത്തേക്ക് യൂണിവേഴ്‌സിറ്റിയുടെ ഫെല്ലോഷിപ്പ് ലഭിക്കും.
ക്യൂ.ഐ.പി, എന്‍.ഡി.എഫ്, ജെ.ആര്‍.എഫ് വിദ്യാര്‍ത്ഥികള്‍ക്കും ഫുള്‍ ടൈം കോഴ്‌സിലേക്ക് അപേക്ഷിക്കാവുന്നതാണ്. പാര്‍ട്ട് ടൈം പിഎച്ച്.ഡിക്ക് അപേക്ഷിക്കുന്ന വിദ്യാര്‍ത്ഥികള്‍ അവര്‍ ജോലി ചെയ്യുന്ന സ്ഥാപനത്തില്‍നിന്ന് നോണ്‍ ഒബ്ജക്ഷന്‍ സര്‍ട്ടിഫിക്കറ്റ് സമര്‍പ്പിക്കേണ്ടതാണ്.
യോഗ്യത
6.5 സി.ജി.പി.എ യോട് കൂടി എഞ്ചിനീയറിംഗ്/ടെക്‌നോളജി, ആര്‍ക്കിടെക്ചര്‍, ബേസിക് സയന്‍സസ്, മാത്തമാറ്റിക്‌സ് എന്നിവയില്‍ ബിരുദാനന്തര ബിരുദമോ, ഗവേഷണത്തിലൂടെ എഞ്ചിനീയറിംഗ്/ടെക്‌നോളജി ബിരുദാനന്തര ബിരുദമോ ഉള്ളവര്‍ക്ക് അപേക്ഷിക്കാം. എസ്.സി, എസ്.ടി, ഒ.ബി.സി (നോണ്‍ ക്രീമിലേയേര്‍), അംഗപരിമിതര്‍ എന്നീ വിഭാഗത്തിലുള്ള വിദ്യാര്‍ത്ഥികള്‍ക്ക് വേണ്ടുന്ന മിനിമം സി.ജി.പി.എ 5.5 ആണ്.
മാനേജ്‌മെന്റില്‍ പിഎച്ച്.ഡി ചെയ്യാന്‍ ആഗ്രഹിക്കുന്നവര്‍ക്ക്, മാനേജ്‌മെന്റില്‍ ബിരുദാനന്തര ബിരുദമോ, ഏതെങ്കിലും നാഷണല്‍ ഇന്‍സ്റ്റിറ്റ്യൂട്ടില്‍ നിന്നുള്ള മാനേജ്‌മെന്റിലുള്ള പിജി ഡിപ്ലോമയോ, മാനേജ്‌മെന്റ് അനുബന്ധ സ്ട്രീമില്‍ എന്‍ജിനീയറിങ്/ടെക്‌നോളജിയില്‍ ബിരുദാനന്തര ബിരുദമോ ഉണ്ടായിരിക്കണം.
അവസാന / പ്രീ-ഫൈനല്‍ സെമസ്റ്ററിന് പഠിക്കുന്ന ബിരുദാനന്തര ബിരുദ വിദ്യാര്‍ത്ഥികള്‍ക്ക് അവരുടെ അവസാന ഫലങ്ങളുടെ ഗ്രേഡുകള്‍ക്കൊപ്പം പിഎച്ച്.ഡിക്ക് അപേക്ഷിക്കാം.
പ്രവേശനം
പ്രവേശന പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് പ്രവേശനം. പ്രവേശന പരീക്ഷയില്‍ 45 ശതമാനം മാര്‍ക്ക് നേടുന്നവര്‍ക്ക് മാത്രമേ അഭിമുഖത്തിന് അര്‍ഹതയുണ്ടാവുകയുള്ളു. പ്രവേശന പരീക്ഷയിലും ഇന്റര്‍വ്യൂവിലും കൂടി 50 ശതമാനം മാര്‍ക്ക് നേടുന്നവരെ പിഎച്ച്.ഡി. പ്രവേശനത്തിനായി പരിഗണിക്കും.അപേക്ഷ ഫീസ് 1100 രൂപയാണ്. എസ്.സി, എസ്.ടി വിഭാഗക്കാര്‍ക്ക് 500 രൂപ ആണ് ഫീസ്.
വിശദ വിവരങ്ങള്‍ക്ക് യൂണിവേഴ്‌സിറ്റി വെബ്‌സൈറ്റ് www.https://ktu.edu.in/ സന്ദര്‍ശിക്കുക.
Content Highlights: KTU invites online applications for PhD
Also Watch
RELATED STORIES
.png?$p=ce9a701&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=d83648f&q=0.8&f=16x11&w=104)
.jpg?$p=998287b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..