പത്ത് വര്‍ഷം കൊണ്ട്‌ ഒന്നാം റാങ്കിൽനിന്ന് 28-ലേക്കുവീണ് കാർഷിക സർവകലാശാല


സ്വന്തം ലേഖകൻ

-

തൃശ്ശൂർ: കാർഷിക ഗവേഷണ കൗണ്‍സിലിന്റെ (ഐ.സി.എ.ആർ.) ഒന്നാം റാങ്കിൽനിന്ന് 10 കൊല്ലംകൊണ്ട് 28-ലേക്ക് കൂപ്പുകുത്തി കേരള കാർഷിക സർവകലാശാല. കൂടാതെ 2002 മുതൽ 2020 വരെ 12 ഭൗമസൂചികാ പദവികൾ നേടിയ സർവകലാശാലയ്ക്ക് അതിനുശേഷം ഒന്നും നേടിയെടുക്കാനായില്ല. 23 കോടിയായിരുന്ന ആഭ്യന്തര വരുമാനം 13 കോടിയിലെത്തി.

2017-18-ൽ ഐ.സി.എ.ആർ വികസന സഹായധനമായി എട്ടുകോടി നൽകിയിരുന്നത് ഇപ്പോൾ 1.36 കോടിയായി. വിവിധ കോഴ്സുകളുടെ അക്രഡിറ്റേഷനും നഷ്ടപ്പെട്ടു. 50 വർഷത്തിലെത്തിയ സർവകലാശാലയ്ക്ക് നേടാനായത് എൻ.എ.ഇ.എ.ബി.യുടെ ബി ഗ്രേഡ് മാത്രം.

സർവകലാശാലയിലേക്ക് ആഭ്യന്തര വരുമാനമുണ്ടാക്കിയിരുന്ന ഫാമുകളൊന്നും പൂർണതോതിൽ പ്രവർത്തിക്കുന്നില്ല. മൊത്തമുള്ള 241 ഫാം ഓഫീസർ തസ്തികയിൽ ഇപ്പോഴുള്ളത് 56 പേർ മാത്രം. ഈ തസ്തികയിലേക്ക് നിയമനത്തിന് യോഗ്യത ഉയർത്തിയത് നിയമപരമായി മാറ്റിയെങ്കിലും തസ്തികയുടെ പേര് പുതുക്കിയത് ഔദ്യോഗികമായി മാറ്റിയില്ല. അതിനാൽ ഫാം ഓഫീസർ തസ്തികയിലേക്ക് നിയമത്തിന് അപേക്ഷ ക്ഷണിക്കാൻ സാങ്കേതിക പ്രശ്നമുണ്ട്.

ഫാം ഓഫീസർ തസ്തികയിലേക്ക് താത്‌കാലിക നിയമനം നടത്തിയാലും ആളെക്കിട്ടാനില്ല. ഇൗ തസ്തികയിലെ ദിവസവേതനം 760 രൂപയാണ്. ഫാമിലെ കാഷ്വൽ തൊഴിലാളിയുടെ ദിവസ വേതനം 980 രൂപയും.

സാങ്കേതിക വിഭാഗത്തിൽ 21 ഓവർസിയർ തസ്തികകളിൽ ഒരാൾ മാത്രമാണുള്ളത്. 19 അസിസ്റ്റന്റ് എൻജിനിയർ തസ്തിക മുഴുവൻ ഒഴിഞ്ഞു കിടക്കുന്നു.

ഇതേ സമയം, ക്ലറിക്കൽ തസ്തികകളിൽ ജീവനക്കാരുടെ ബാഹുല്യവുമാണ്. 333 ക്ലറിക്കൽ ജീവനക്കാരും 133 സെക്‌ഷൻ ഓഫീസർമാരും 18 അസിസ്റ്റന്റ് രജിസ്ട്രാറും 11 ജോയന്റ്-ഡെപ്യൂട്ടി രജിസ്ട്രാറും സർവകലാശാലയിലുണ്ട്. മറ്റ് സർവകലാശാലകളിൽനിന്ന് വിരുദ്ധമായി കാർഷിക സർവകലാശാലയുടെ കേരളത്തിലെ എല്ലാകേന്ദ്രങ്ങളിലും ഹെഡ്ക്വാർട്ടർ പാറ്റേണിലാണ് ശന്പളം. അതിനാൽ 30 ശതമാനത്തോളം അധികച്ചെലവ് വരുന്നു. പ്രതിമാസം 35 കോടിയാണ് ശമ്പളത്തിന് മാത്രം വേണ്ടത്.

ഈ പ്രശ്നങ്ങളെക്കുറിച്ച് പ്രതികരിക്കാൻ വൈസ് ചാൻസലർ ഡോ. ആർ. ചന്ദ്രബാബു തയ്യാറായില്ല.

Content Highlights: Kerala Agricultural University, Mannuthi Thrissur

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
amazon

2 min

4799 രൂപയുടെ ഹാന്‍ഡ്ബാഗ് 1047 രൂപയ്ക്ക് വാങ്ങാം; ഹാന്‍ഡ്ബാഗുകള്‍ക്ക് ഗംഭീര ഓഫറുകള്‍

Aug 9, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


16:50

ഐക്യപ്പെടാന്‍ ചൈന, പുതിയ ഓപ്പറേഷനുമായി അമേരിക്ക; തായ്‌വാനില്‍ സംഭവിക്കുന്നതെന്ത്?| In- Depth

Aug 9, 2022

Most Commented