സ്‌കൂള്‍ കുട്ടികള്‍ക്കുള്ള സൗജന്യ യൂണിഫോം: ഇത്തവണയും പൂര്‍ണ ലക്ഷ്യം കൈവരിക്കാനാകില്ല


കെ.ആര്‍.കെ.പ്രദീപ്

അടുത്ത അധ്യയന വര്‍ഷത്തേക്കുള്ള സൗജന്യ യൂണിഫോമുകള്‍ തിരുവനന്തപുരം ജില്ലയിലെ ചില പ്രദേശങ്ങള്‍ ഒഴിച്ച് സംസ്ഥാനത്തെ മറ്റിടങ്ങളില്‍ കൊടുത്തുകഴിഞ്ഞു

പ്രതീകാത്മക ചിത്രം | Photo: gettyimages.in 

പത്തനംതിട്ട: സംസ്ഥാനത്തെ സ്കൂൾ കുട്ടികൾക്ക് സൗജന്യ യൂണിഫോം നൽകാനുള്ള സർക്കാർ പദ്ധതി ഇത്തവണയും വിഭാവനം ചെയ്ത ലക്ഷ്യത്തിൽ എത്തില്ല. ഒന്നുമുതൽ പത്തുവരെ ക്ളാസുകളിലെ കുട്ടികൾക്ക് ഒരു ജോഡി കൈത്തറി യൂണിഫോം സൗജന്യമായി നൽകാനാണ് സർക്കാർ പദ്ധതി ആവിഷ്കരിച്ചത്.

25 ലക്ഷത്തോളം കുട്ടികൾക്ക് ഇതിന്റെ പ്രയോജനം ലഭിക്കേണ്ടതാണ്. എന്നാൽ ഈ അധ്യയന വർഷവും പത്തുലക്ഷത്തോളം കുട്ടികൾക്കെ ഇതിന്റെ പ്രയോജനം കിട്ടുകയുള്ളൂ.

കൈത്തറി തുണിയുടെ ലഭ്യതക്കുറവാണ് പ്രധാന തടസ്സം. മുൻവർഷങ്ങളിൽ വിതരണം ചെയ്തപോലെ സർക്കാർ സ്കൂളുകളിലെ ഒന്നുമുതൽ ഏഴുവരെ ക്ലാസുകളിലെ കുട്ടികൾക്കും എയ്‌ഡഡ് സ്കൂളുകളിലെ ഒന്നുമുതൽ നാലുവരെ ക്ളാസുകളിലെ കുട്ടികൾക്കും മാത്രമാണ് ഈ വർഷവും സൗജന്യ യൂണിഫോം ലഭിക്കുക.

അടുത്ത അധ്യയന വർഷത്തേക്കുള്ള സൗജന്യ യൂണിഫോമുകൾ തിരുവനന്തപുരം ജില്ലയിലെ ചില പ്രദേശങ്ങൾ ഒഴിച്ച് സംസ്ഥാനത്തെ മറ്റിടങ്ങളിൽ കൊടുത്തുകഴിഞ്ഞു. സൗജന്യ യൂണിഫോം പദ്ധതിക്കായി സംസ്ഥാന ബജറ്റിൽ പ്രത്യകം തുക വകയിരുത്തിയിരുന്നു. ഒരു കുട്ടിക്ക് 4.6 മീറ്റർ തുണി ആണ് സൗജന്യമായി ലഭിക്കുന്നത്. പുതിയ അധ്യയന വർഷം ആരംഭിക്കുന്ന ജൂൺ മാസത്തിനു മുൻപ് തന്നെ ഇക്കുറി സ്കൂളുകളിൽ കൈത്തറി യൂണിഫോം വിതരണം ചെയ്തു.

41 ലക്ഷം മീറ്റർ കൈത്തറി തുണി വിവിധ സ്കൂളുകളിലായി ലോക്ഡൗണിന് മുമ്പ് തന്നെ എത്തിച്ചു. തിരുവനന്തപുരം ജില്ലയിൽ ഒരു ലക്ഷം മീറ്റർ കൈത്തറി തുണികൾ വിതരണം ചെയ്യാനുണ്ട്. മുൻ വർഷങ്ങളിലും സ്കൂൾ കുട്ടികൾക്കെല്ലാം സൗജന്യമായി യൂണിഫോം നൽകാൻ സർക്കാർ തീരുമാനിച്ചിരുന്നെങ്കിലും അത് പൂർണതയിൽ എത്തിയിരുന്നില്ല.

കൈത്തറി തുണി ലഭിക്കാനുള്ള ബുദ്ധിമുട്ടാണ് പ്രധാന തടസ്സം സംസ്ഥാനത്തു പതിനാലായിരത്തിനടുത്തു കൈത്തറി നെയ്ത്തു തൊഴിലാളികളേയുള്ളൂ. അതിൽ കൂടുതലും തിരുവനന്തപുരം ജില്ലയിലാണ്.

Content Highlights: Free Handloom uniforms for children, goal cannot be achieved this time either

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022

Most Commented