.jpg?$p=9b9581e&f=16x10&w=852&q=0.8)
Representational Image | Photo: freepik.com
ന്യൂഡല്‍ഹി: നാഷനല്‍ ടെസ്റ്റിങ് ഏജന്‍സി നടത്തുന്ന ദേശീയ ബിരുദ പൊതുപരീക്ഷ (കോമണ്‍ യൂണിവേഴ്‌സിറ്റി എന്‍ട്രന്‍സ് ടെസ്റ്റ്- CUET-UG യ്ക്കായി അപേക്ഷിച്ചവര്‍ക്ക് ഏപ്രില്‍ ഒന്ന് മുതല്‍ മൂന്ന് വരെ അപേക്ഷയില്‍ തിരുത്തലുകള്‍ വരുത്താം. ചേരേണ്ട സര്‍വകലാശാല, കോളേജ്, കോഴ്സ്, ഐശ്ചിക വിഷയങ്ങള്‍ എന്നിവ മാറ്റി നല്‍കേണ്ടവര്‍ക്ക് അവസരം പ്രയോജനപ്പെടുത്താവുന്നതാണ്.
www.cuet.samarth.a-c.in-ല്‍ സര്‍വകലാശാലകളുടെ ലിസ്റ്റും അവിടെ ലഭ്യമായ കോഴ്സ് വിവരങ്ങളും ലഭ്യമാണ്. ഓരോ സര്‍വകലാശാലയുടെയും ലിങ്കില്‍ ക്ലിക്ക് ചെയ്താല്‍ അവിടെ ലഭ്യമായ പ്രോഗ്രാമുകളുടെ യോഗ്യതാ മാനദണ്ഡങ്ങളും എഴുതേണ്ട പരീക്ഷയും അറിയാം. ഉദാഹരണത്തിന് ഡല്‍ഹി സര്‍വകലാശാലാ പ്രവേശനത്തിന് പ്ലസ്ടുവിന് പഠിച്ച വിഷയങ്ങളിലെ പരീക്ഷ എഴുതേണ്ടതുണ്ട്. അലിഗഡ്, ജാമിയ മിലിയ
സര്‍വകലാശാലകളില്‍ ചില കോഴ്സുകള് മാത്രമാണ് സി.യു.ഇ.ടി. വഴി പ്രവേശനം. ഒരാള്‍ക്ക് പരമാവധി പത്ത് പരീക്ഷ എഴുതാം. ജനറല്‍ ടെസ്റ്റും സെക്ഷന്‍ 1 A യില്‍ ഇംഗ്ലീഷും എഴുതിയാല്‍ നിരവധി പ്രോഗ്രാമുകളില്‍ പ്രവേശനം നേടാം. ഇംഗ്ലീഷ്, ഹിന്ദി, മലയാളമടക്കം 13 ഭാഷകളില്‍ പരീക്ഷ എഴുതാം
രാജ്യത്തെ കേന്ദ്ര സര്‍വകലാശാലകളിലെ ബിരുദ കോഴ്സുകളിലേക്കുള്ള പൊതുപ്രവേശന പരീക്ഷയാണ് കോമണ്‍ യൂണിവേഴ്‌സിറ്റി എന്‍ട്രന്‍സ് ടെസ്റ്റ് (CUET). രാജ്യത്തെ 44 കേന്ദ്രസര്‍വകലാശാലകളിലേക്കും വിവിധ സംസ്ഥാന /കല്‍പിത /സ്വകാര്യ സ്ഥാപനങ്ങളിലേക്കും CUETUG സ്‌കോര്‍ അടിസ്ഥാനപ്പെടുത്തിയാണ് ബിരുദ പ്രവേശനം നല്‍കുന്നത്. വിവിധ ഇന്റഗ്രേറ്റഡ് പ്രോഗ്രാമുകളിലേക്കുള്ള പ്രവേശനവും ഈ പ്രവേശനപരീക്ഷ വഴി സാധ്യമാണ്. പ്ലസ്ടു / തത്തുല്യ യോഗ്യതയുള്ളവര്‍ക്ക് അപേക്ഷിക്കാം. പ്രായപരിധി ഇല്ല. മെയ് 21 നും 31-നും ഇടയിലായിരിക്കും പരീക്ഷ നടക്കുക.
Content Highlights: CUET UG 2023 Correction Window opens
വിദ്യാഭ്യാസ വാര്‍ത്തകളും വിശകലനവും അറിയാന്‍ Join WhatsApp Group https://mbi.page.link/mb-education
Also Watch
RELATED STORIES
.jpg?$p=1990e2a&f=1x1&w=100&q=0.8)
.jpg?$p=1dd8c95&f=1x1&w=100&q=0.8)
IN CASE YOU MISSED IT
.jpg?$p=24dc233&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=e40660e&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..