ഇനി നാല് സെമസ്റ്ററില്ല, രണ്ട് മതി; ഭാഷാപഠനം പരിമിതപ്പെടുത്തി കോളേജ് പാഠ്യപദ്ധതി പരിഷ്‌കാരം


പി.കെ. മണികണ്ഠൻ

ഒന്നാംഭാഷ, രണ്ടാംഭാഷ എന്ന രീതി മാറും

പ്രതീകാത്മക ചിത്രം

തിരുവനന്തപുരം: ബിരുദ കോഴ്‌സുകളിലെ ഭാഷാപഠനം പരിമിതപ്പെടുത്തി കോളേജ് പാഠ്യപദ്ധതി പരിഷ്കാരം. നിലവിൽ നാലുസെമസ്റ്ററുകളിൽ ഉൾക്കൊള്ളിച്ചിട്ടുള്ള ഭാഷാപഠനം രണ്ടുസെമസ്റ്ററുകളിലേക്കു ചുരുക്കാനാണ് ശുപാർശ. ഭാഷ കൂടുതലായി പഠിക്കാൻ താത്പര്യമുള്ളവർക്ക് പ്രത്യേകം തിരഞ്ഞെടുക്കാവുന്ന കോഴ്‌സുകളും ക്രമീകരിക്കും. മുഖ്യവിഷയങ്ങൾ ആഴത്തിൽ പഠിക്കാനാകുന്ന വിധത്തിൽ ബിരുദപഠനം പരിഷ്കരിക്കുമെന്ന് ഉന്നതവിദ്യാഭ്യാസ വകുപ്പ് വൃത്തങ്ങൾ ‘മാതൃഭൂമി’യോടു പറഞ്ഞു.

ഒന്നാംഭാഷ, രണ്ടാംഭാഷ, മുഖ്യവിഷയം എന്നതാണ് നിലവിലെ രീതി. ഇതുപരിഷ്കരിച്ച് ഫൗണ്ടേഷൻ കോഴ്‌സുകളാക്കും. നിർബന്ധിതം, വിഷയാധിഷ്ഠിതം, ഐച്ഛികം എന്നിങ്ങനെ ഫൗണ്ടേഷൻ കോഴ്‌സുകളെ ക്രമീകരിക്കും. വിഷയാധിഷ്ഠിത കോഴ്‌സുകൾ ശാസ്ത്രം, സാമൂഹികശാസ്ത്രം, ഹ്യുമാനിറ്റീസ്, കൊമേഴ്‌സ് എന്നീ വിഭാഗങ്ങളിലായിരിക്കും. മുഖ്യവിഷയങ്ങൾക്കു (മേജർ) പ്രാധാന്യം നൽകിയാകും പുതിയ പാഠ്യപദ്ധതി.

മുഖ്യവിഷയങ്ങൾക്ക് പ്രാധാന്യം നൽകുമ്പോൾ ഭാഷാപഠന കോഴ്‌സുകൾക്കുണ്ടാവുന്ന കുറവുനികത്താൻ മൈനർ, ഓപ്ഷണൽ, ഇലക്ടീവ് കോഴ്‌സുകൾ കൊണ്ടുവരും. ഭാഷയിൽ താത്പര്യമുള്ളവർക്ക് ഇവ തിരഞ്ഞെടുക്കാം. മികച്ചരീതിയിൽ ഭാഷ കൈകാര്യംചെയ്യാനാകുന്ന കോഴ്‌സുകൾ രൂപകല്പനചെയ്തു ഭാഷാപഠനം ഗൗരവമുള്ളതാക്കും.

ഫൗണ്ടേഷൻ, സ്‌കിൽ, ജനറൽ ഇലക്ടീവ്, കോർ, ഇലക്ടീവ് എന്നീ വിഭാഗങ്ങൾ ഉൾപ്പെടുത്തിയുള്ള കോഴ്‌സ് ബാസ്കറ്റുകളാണ് പാഠ്യപദ്ധതി പരിഷ്കാരത്തിലെ മറ്റൊരു പ്രത്യേകത. വിദ്യാർഥികൾ അവരുടെ താത്പര്യമനുസരിച്ച് ആവശ്യമായ അത്രയും കോഴ്‌സുകൾ തിരഞ്ഞെടുക്കാൻ ഇതുവഴി സാധിക്കും.

എല്ലാവിഷയങ്ങളിലും ഫൗണ്ടേഷൻ കോഴ്‌സുകൾ പാഠ്യപദ്ധതിയുടെ ഭാഗമാക്കും. ഓരോവിദ്യാർഥിയും പ്ലസ്ടുവിന് എന്തുപഠിച്ചെന്നു കണക്കാക്കി ആവശ്യമായ ഫൗണ്ടേഷൻ കോഴ്‌സുകൾ നിശ്ചയിക്കും. പ്ലസ്ടുവിൽ പഠിക്കാത്ത വിഷയങ്ങൾക്ക് വലിയ ഫൗണ്ടേഷനും നൽകും. ഇതിനെല്ലാം വഴിയൊരുക്കുന്നതാകും പുതിയ പാഠ്യപദ്ധതി.

Also Read

പി.എച്ച്.ഡി പ്രവേശനപരീക്ഷ,സപ്ലിമെൻററി പ്രാക്ടിക്കൽ ...

ഡൽഹി സർവകലാശാലയിൽ മലയാളത്തിന് താഴുവീണിട്ട് ...

Content Highlights: College Curriculum Reforms Limits Language Studies


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented