07 June 2023, 01:49 PM IST

1 min read

Read later

Representational Image | Photo: freepik.com

സ്മാർട്ട്ഫോൺ ഉപയോഗിച്ചുള്ള ശബ്ദലേഖനത്തിലും പോഡ്‌കാസ്റ്റിങ്ങിലും വൈദഗ്ദ്ധ്യം നേടാൻ അവസരം. മാതൃഭൂമി മീഡിയ സ്കൂളാണ് ഈ വിഷയത്തിൽ ഓൺലൈൻ കോഴ്സ് നടത്തുന്നത്. അഞ്ചുദിവസത്തെ കോഴ്സാണിത്. തുടർന്ന് താത്പര്യമുള്ളവർക്കായി കൊച്ചിയിലെ മീഡിയ സ്കൂൾ കാമ്പസിൽ വെച്ച് രണ്ടു ദിവസത്തെ പ്രായോഗിക പരിശീലനവും ഒരുക്കിയിട്ടുണ്ട്.

മേഖലയിലെ വിദഗ്ദ്ധരാണ് പരിശീലകർ. വീഡിയോ ക്ലാസുകളെ ആശ്രയിക്കാതെ പരിശീലകരുമായി നേരിട്ട് സംവദിക്കാനുള്ള അവസരമാണ് കോഴ്സിന്‍റെ പ്രത്യേകത. ഒരു നിശ്ചിത എണ്ണം വിദ്യാർത്ഥികളെ മാത്രമേ ഒരു ബാച്ചിൽ അനുവദിക്കൂ.

സ്മാർട്ട്ഫോണുകൾ ഉപയോഗിച്ച് ഉന്നത ഗുണനിലവാരമുള്ള ശബ്ദലേഖനം നടത്തുന്നതിനും മികച്ച പോഡ്‌കാസ്റ്റുകൾ തയ്യാറാക്കുന്നതിലും കോഴ്സിലൂടെ പരിശീലനം ലഭിക്കും. ഈ രംഗത്ത് ലഭ്യമായ ഏറ്റവും പുതിയ ടൂളുകളെക്കുറിച്ച് അറിയാനും അവസരമുണ്ടാവും.

പ്രശസ്തമായ പോഡ്‌കാസ്റ്റ് പ്ലാറ്റ്ഫോമുകളെ പരിചയപ്പെടുക, അവ ഉപയോഗിക്കുന്നതിൽ പ്രാഥമിക വൈദഗ്ദ്ധ്യം നേടുക, തങ്ങളുടെ പോഡ്‌കാസ്റ്റുകൾ കൂടുതൽ പ്രേക്ഷകരിലേയ്ക്ക് എത്തിക്കുക തുടങ്ങിയ കാര്യങ്ങളിൽ അറിവുനേടാനും കോഴ്സ് സഹായകമാകും.

ജൂലൈ 3 മുതൽ 9 വരെയാണ് പ്രോഗ്രാം (നേരിട്ടുള്ള പ്രായോഗിക പരിശീലനം ഉൾപ്പെടെ). കൂടുതൽ വിവരങ്ങൾക്കും അപേക്ഷിക്കുന്നതിനും മീഡിയ സ്കൂൾ വെബ്സൈറ്റ് സന്ദർശിക്കുക.
www.mathrubhumimediaschool.com ഫോൺ: +919544038000 ഇ-മെയിൽ: mediaschool@mpp.co.in