Representational Image
നാഷണല്‍ ടെസ്റ്റിങ് ഏജന്‍സി നടത്തുന്ന കോമണ്‍ മാനേജ്‌മെന്റ് അഡ്മിഷന്‍ ടെസ്റ്റ് (സിമാറ്റ്), ഗ്രാജ്വേറ്റ് ഫാര്‍മസി ആപ്റ്റിറ്റിയൂഡ് ടെസ്റ്റ് (ജിപാറ്റ്) എന്നിവയ്ക്ക് മാര്‍ച്ച് 17 വരെ അപേക്ഷിക്കാം.
എ.ഐ.സി.ടി.ഇ. അഫിലിയേഷനുള്ള സ്ഥാപനങ്ങള്‍, ഈ സ്‌കോര്‍ പരിഗണിക്കുന്ന മറ്റു സ്ഥാപനങ്ങള്‍ എന്നിവയിലെ മാനേജ്‌മെന്റ് പ്രോഗ്രാമുകളിലെ പ്രവേശനത്തിനായി നടത്തുന്ന സിമാറ്റിന് ഏതെങ്കിലും വിഷയത്തില്‍ ബിരുദമുള്ളവര്‍ക്ക് അപേക്ഷിക്കാം.
മാസ്റ്റര്‍ ഓഫ് ഫാര്‍മസി പ്രോഗ്രാം പ്രവേശനത്തിനായി നടത്തുന്ന ജിപാറ്റ് നാലു വര്‍ഷ ബി.ഫാം./തത്തുല്യ യോഗ്യതയുള്ള ബിരുദധാരികള്‍ക്ക് അപേക്ഷിക്കാം. രണ്ടിനും അപേക്ഷിക്കാന്‍ പ്രായപരിധിയില്ല. യോഗ്യതാ പരീക്ഷ അഭിമുഖീകരിക്കുന്നവര്‍ക്കും 2022'23 പ്രവേശനത്തിനുമുമ്പ് യോഗ്യത നേടിയിരിക്കണമെന്ന വ്യവസ്ഥയ്ക്കു വിധേയമായി ബന്ധപ്പെട്ട പരീക്ഷയ്ക്ക് അപേക്ഷിക്കാം. പരീക്ഷാ തീയതികള്‍ പിന്നീട് പ്രഖ്യാപിക്കും.
സിമാറ്റ് (cmat.nta.nic.in) : ക്വാണ്ടിറ്റേറ്റീവ് ടെക്‌നിക്‌സ് ആന്‍ഡ് ഡേറ്റാ ഇന്റര്‍പ്രട്ടേഷന്‍, ലോജിക്കല്‍ റീസണിങ്, ലാംഗ്വേജ് കോംപ്രിഹെന്‍ഷന്‍, ജനറല്‍ അവേര്‍നസ്, ഇന്നൊവേഷന്‍ ആന്‍ഡ് ഓണ്‍ട്രപ്രണര്‍ഷിപ്പ് എന്നീ വിഷയങ്ങളില്‍നിന്ന് 20 വീതം ചോദ്യങ്ങളുണ്ടാകും.
ജിപാറ്റ് (gpat.nta.nic.in): ഫാര്‍മസ്യൂട്ടിക്കല്‍ കെമിസ്ട്രി ആന്‍ഡ് അലൈഡ് വിഷയങ്ങള്‍, ഫാര്‍മസ്യൂട്ടിക്‌സ് ആന്‍ഡ് അലൈഡ് വിഷയങ്ങള്‍, ഫാര്‍മക്കോഗ്‌ണോസി ആന്‍ഡ് അലൈഡ് വിഷയങ്ങള്‍, ഫാര്‍മക്കോളജി ആന്‍ഡ് അലൈഡ് വിഷയങ്ങള്‍, മറ്റു വിഷയങ്ങള്‍ എന്നിവയില്‍നിന്ന് ചോദ്യങ്ങള്‍ പ്രതീക്ഷിക്കാം. രണ്ടിലും ചോദ്യങ്ങള്‍ ഒബ്ജക്ടീവ് മള്‍ട്ടിപ്പിള്‍ ചോയ്‌സ് രീതിയിലായിരിക്കും. ശരിയുത്തരത്തിന് 4 മാര്‍ക്ക്. ഉത്തരം തെറ്റിയാല്‍ ഒരു മാര്‍ക്കുവീതം നഷ്ടമാകും.
Content Highlights: Application invited for CMAT, GPAT
വിദ്യാഭ്യാസ വാര്‍ത്തകളും വിശകലനവും അറിയാന്‍ Join WhatsApp Group https://mbi.page.link/mb-education
Also Watch
RELATED STORIES
IN CASE YOU MISSED IT
.jpg?$p=f64e085&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..