എന്‍ജിനിയറിങ് കോഴ്സുകളുടെ അംഗീകാരം: സര്‍വകലാശാലകള്‍ക്ക് അധിക നിബന്ധനവെക്കാമെന്ന് സുപ്രീംകോടതി


ഷൈന്‍ മോഹന്‍

എ.ഐ.സി.ടി.ഇ.യുടെ മാനദണ്ഡങ്ങള്‍ ലഘൂകരിക്കാന്‍ സര്‍വകലാശാലകള്‍ക്ക് സാധിക്കില്ലെങ്കിലും കൂടുതല്‍ കര്‍ശനമാക്കാമെന്നാണ് ചീഫ് ജസ്റ്റിസ് എസ്.എ. ബോബ്ഡെ അധ്യക്ഷനായ ബെഞ്ച് വിധിച്ചത്

Mathrubhumi archives

ന്യൂഡൽഹി: എൻജിനിയറിങ് കോഴ്സുകൾക്ക് അംഗീകാരം നൽകുമ്പോൾ എ.ഐ.സി.ടി.ഇ. നിർദേശിച്ചതിനെക്കാൾ നിലവാര മാനദണ്ഡങ്ങൾ നിശ്ചയിക്കാൻ സർവകലാശാലകൾക്ക് അധികാരമുണ്ടെന്ന് സുപ്രീംകോടതി. സർവകലാശാലകൾക്ക് അധിക നിബന്ധനകൾ വെക്കാനാവില്ലെന്ന കേരള ഹൈക്കോടതി വിധിക്കെതിരേ എ.പി.ജെ. അബ്ദുൾ കലാം സാങ്കേതിക സർവകലാശാല നൽകിയ അപ്പീലിലാണ് സുപ്രീംകോടതി ഇക്കാര്യം വ്യക്തമാക്കിയത്. എ.ഐ.സി.ടി.ഇ.യുടെ മാനദണ്ഡങ്ങൾ ലഘൂകരിക്കാൻ സർവകലാശാലകൾക്ക് സാധിക്കില്ലെങ്കിലും കൂടുതൽ കർശനമാക്കാമെന്നാണ് ചീഫ് ജസ്റ്റിസ് എസ്.എ. ബോബ്ഡെ അധ്യക്ഷനായ ബെഞ്ച് വിധിച്ചത്.

ആർട്ടിഫിഷ്യൽ ഇന്റലിജൻസ് ആൻഡ് ഡാറ്റാ സയൻസ് എന്ന പുതിയ കോഴ്സിന്റെ അംഗീകാരത്തിനായി എറണാകുളത്തെ ജയ്ഭാരത് കോളജ് ഓഫ് മാനേജ്മെന്റ് ആൻഡ് എൻജിനീയറിങ് സമർപ്പിച്ച അപേക്ഷ വീണ്ടും പരിഗണിക്കാൻ നിർദേശിച്ചുകൊണ്ടായിരുന്നു ഹൈക്കോടതിയുടെ വിധി. എ.ഐ.സി.ടി.ഇ.യുടെ നിയന്ത്രണ, അംഗീകാര നടപടിക്രമങ്ങളുടെ കൈപുസ്തകത്തിൽ ചട്ടങ്ങളെല്ലാം പറയുന്നുണ്ട്. അതിനാൽ അധിക നിബന്ധന വെക്കാൻ സിൻഡിക്കേറ്റിന് അധികാരമില്ലെന്നാണ് ഹൈക്കോടതി പറഞ്ഞത്.

എ.ഐ.സി.ടി.ഇ.ക്ക് അപേക്ഷ നൽകുന്നതിനൊപ്പം അഫിലിയേഷനുവേണ്ടി സർവകലാശാലയ്ക്കും കോളജ് അപേക്ഷ നൽകിയിരുന്നു. എ.ഐ.സി.ടി.ഇ.യുടെ അനുമതി ലഭിക്കുകയും ചെയ്തു. ഈ സമയം സംസ്ഥാനത്തെ സ്വാശ്രയ എൻജിനിയറിങ് കോളജുകളിൽ സീറ്റുകൾ ഒഴിഞ്ഞുകിടക്കുന്നത് കൂടുന്നതായി വിദഗ്ധസംഘം കണ്ടെത്തി. 2015-'16-ൽ ആകെയുള്ള 58,165 സീറ്റുകളിൽ 19,468 എണ്ണം ഒഴിഞ്ഞുകിടന്നു. തുടർവർഷങ്ങളിലും കൂടിവന്നു. ഈ പശ്ചാത്തലത്തിൽ പുതിയ സ്വാശ്രയ എൻജിനിയറിങ് കോഴ്സുകൾക്ക് അനുമതി നൽകുന്നതിന് സംസ്ഥാനസർക്കാർ കൂടുതൽ നിബന്ധനകൾ വെച്ചുകൊണ്ട് ഉത്തരവിറക്കി. ഈ ഉത്തരവ് ഹൈക്കോടതി റദ്ദാക്കിയതിനെതിരേയാണ് സർവകലാശാല സുപ്രീംകോടതിയെ സമീപിച്ചത്.

1997-ന് മുൻപ് അയൽസംസ്ഥാനങ്ങളിൽ സ്വാശ്രയ എൻജിനിയറിങ് കോളജുകൾ കൂണുപോലെ മുളച്ചുപൊങ്ങുമ്പോഴും കേരളത്തിൽ 15 എണ്ണം മാത്രമേയുണ്ടായിരുന്നുള്ളൂവെന്ന് സുപ്രീംകോടതി ചൂണ്ടിക്കാട്ടി. രണ്ടു ദശാബ്ദത്തിനിടെ കേരളത്തിലും സ്വാശ്രയ എൻജിനിയറിങ് കോളജുകളുടെ എണ്ണം വർധിച്ചു. ഇപ്പോൾ 149 എൻജിനിയറിങ് കോളജുകളിലായി 47,420 സീറ്റുണ്ട്.

Content Highlights: Affiliation to engineering colleges, universities can impose additional conditions says supreme court

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022


SDPI

1 min

പോപ്പുലര്‍ ഫ്രണ്ട്‌ മാര്‍ച്ചില്‍ കുട്ടിയുടെ പ്രകോപനപരമായ മുദ്രാവാക്യം; പോലീസ് അന്വേഷണം തുടങ്ങി

May 23, 2022

More from this section




Most Commented