Representational image | Pic Credit: Getty Images
ചോദ്യങ്ങള്‍ക്ക് മുന്നില്‍ മായാത്ത ചിരിയുമായി നിന്ന് ഉത്തരം പറഞ്ഞ സോഫിയയെന്ന റോബോട്ടിനെ ആരും മറന്നിട്ടുണ്ടാവില്ല. റോബോട്ടിക്‌സ എന്ന ശാസ്ത്രശാഖയില്‍ നടക്കുന്ന വിപ്ലവങ്ങള്‍ ഇതിനെക്കാളെറെ എന്തു തെളിവാണ് വേണ്ടത്. വിവര സാങ്കേതിക മേഖലയില്‍ ഏറ്റവുമധികം ജോലി സാധ്യതയുള്ള ഒന്നാണ് റോബോട്ടിക്‌സ്. ഈ മേഖലയില്‍ ജോലി നേടാന്‍ മലയാളി വിദ്യാര്‍ഥികളെ പ്രാപ്തമാക്കുന്നതാണ് കൊച്ചി മോഡല്‍ ഫിനിഷിങ് സ്‌കൂളിലെ റോബോട്ടിക്‌സ് ആന്‍ഡ് ഇന്റര്‍നെറ്റ് ഓഫ് തിങ്‌സ്‌ കോഴ്‌സ്. ലോകത്ത് മാറി മാറി വരുന്ന ടെക്‌നോളജികള്‍ പരിചയപ്പെടാനും പരിശീലിക്കാനുമുള്ള അവസരമൊരുക്കുകയാണ് ഈ കോഴ്‌സ് ചെയ്യുന്നത്.
ലക്ഷ്യങ്ങള്‍
ലോകത്തിലെ ഏറ്റവും വലിയ തൊഴില്‍ മേഖലയായി വിവര സാങ്കേതിക മേഖല മാറിയ സാഹചര്യത്തില്‍ ആ മാറ്റത്തിനനുസൃതമായി ഉദ്യോഗാര്‍ഥികളെ ഒരുക്കുന്ന കോഴ്‌സാണിത്. സാങ്കേതിക തൊഴില്‍ മേഖലയിലെ വെല്ലുവിളികള്‍ നേരിടാനും, സോഫ്റ്റ് സ്‌കില്ലുകള്‍ മെച്ചപ്പെടുത്താനും വിദ്യാര്‍ഥികളെ സഹായിക്കുകയാണ് ഈ കോഴ്‌സ് ലക്ഷ്യം വെക്കുന്നത്. ബി.ടെക്ക്, ബി.ഇ, ബി.എസ്.സി (കംപ്യൂട്ടര്‍ സയന്‍സ്, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍), ബി.സി.എ, എം.സി.എ എന്നീ വിഷയങ്ങളില്‍ ബിരുദധാരികളായ ഏതൊരാള്‍ക്കും ഈ കോഴ്‌സില്‍ പ്രവേശനം നേടാം.
ഒരു ബാച്ചില്‍ 40 കുട്ടികള്‍ക്കാണ് പ്രവേശനമുള്ളത്. 10000 രൂപയോളമാണ് കോഴ്സിന്റെ ചിലവ്. വിജയകരമായി കോഴ്‌സ് പൂര്‍ത്തിയാക്കുന്നവര്‍ക്ക് ഫിനിഷിങ് സ്‌കൂള്‍ സര്‍ട്ടിഫിക്കേറ്റ് നല്‍കി വരുന്നു. കഴിവുറ്റ വിദ്യാര്‍ഥികള്‍ക്ക് ക്യാംപസ് പ്ലേസ് മെന്റിനും ഫിനിഷിങ് സ്‌കൂള്‍ അവസരമൊരുക്കുന്നുണ്ട.
Content Highlights: Robotics and IoT New Course in Modern World
Also Watch
RELATED STORIES
.jpg?$p=a8eff18&f=1x1&w=100&q=0.8)
IN CASE YOU MISSED IT
.jpg?$p=998287b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..