മധുരം മലയാളം; എസ്.എസ്.എല്‍.സി. പരീക്ഷയുടെ ആദ്യദിനം ആത്മവിശ്വാസത്തോടെ വിദ്യാര്‍ഥികള്‍


അഞ്ജന രാമത്ത്

എസ്.എസ്.എൽ.സി. പരീക്ഷയുടെ ആദ്യ ദിനത്തിൽ തിരുവനന്തപുരം പേരൂർക്കട ഗവ. ഗേൾസ് ഹയർ സെക്കൻഡറി സ്കൂളിൽ പരീക്ഷ എഴുതുന്ന വിദ്യാർത്ഥികൾ | ഫോട്ടോ: എം.പി. ഉണ്ണികൃഷ്‌ണൻ

എസ്.എസ്.എല്‍.സി. പരീക്ഷയുടെ ആദ്യദിനം സന്തോഷത്തോടെയാണ് വിദ്യാര്‍ഥികള്‍ പരീക്ഷാഹാളിനു പുറത്തിറങ്ങിയത്. കടുപ്പമാവുമെന്ന് ഭയന്ന മലയാളം പരീക്ഷ വലപ്പിച്ചില്ലെന്നാണ് വിദ്യാര്‍ഥികളുടെ പക്ഷം. നിലവാരം പുലര്‍ത്തിയ ചോദ്യപേപ്പര്‍ ആയിരുന്നെന്ന് അധ്യാപകരും അഭിപ്രായപ്പെടുന്നു. ഫോക്കസ്, നോണ്‍ ഫോക്കസ് ഏരിയയില്‍ നിന്നും ബുദ്ധിമുട്ടിക്കാത്ത തരത്തില്‍ നല്ല ചോദ്യങ്ങള്‍ വന്നു. ആദ്യ ദിനത്തിലെ പരീക്ഷ ഇനി വരാനിരിക്കുന്ന പരീക്ഷകള്‍ എഴുതാന്‍ ആത്മവിശ്വാസം പകര്‍ന്നെന്നും വിദ്യാര്‍ഥികള്‍ പറയുന്നു.

''എളുപ്പമുള്ള പരീക്ഷ''

ബുദ്ധിമുട്ടുള്ള പരീക്ഷയായിരിക്കും എന്ന് വിചാരിച്ചാണ് പരീക്ഷാഹാളിലേക്ക് കടന്നത്. എന്നാല്‍ ചോദ്യപേപ്പര്‍ വളരെ എളുപ്പമുള്ളതായിരുന്നു. വളച്ചൊടിച്ച് ബുദ്ധിമുട്ടിക്കുന്ന ചോദ്യങ്ങള്‍ ഒട്ടും തന്നെയുണ്ടായിരുന്നില്ല. സംഭാഷണം ഭാഗം ബുദ്ധിമുട്ടിക്കുമെന്ന് പേടിച്ചിരുന്നു എങ്കിലും അത് ഉണ്ടായില്ല. ദീര്‍ഘകാലം ഓണ്‍ലൈന്‍ ക്ലാസായാതിനാല്‍ ഒരുപാട് ബുദ്ധിമുട്ടുകള്‍ നേരിട്ടിരുന്നു. ക്ലാസ് മുറികളില്‍ ഇരുന്ന് പഠിക്കുമ്പോള്‍ സംശയനിവാരണം എളുപ്പമായിരുന്നു. ഓണ്‍ലൈന്‍ ക്ലാസുകള്‍ക്ക് ചില പരിമിതികള്‍ എന്തായാലും ഉണ്ടാവുമല്ലോ.അത് കൊണ്ട് തന്നെ കണക്ക് പരീക്ഷ എങ്ങനെയാവുമെന്ന ഭയം ധാരാളമുണ്ട്. എങ്കിലും ആദ്യത്തെ പരീക്ഷ എളുപ്പമായതിനാല്‍ മുന്നോട്ടുള്ള പരീക്ഷകള്‍ എഴുതാന്‍ ആത്മവിശ്വാസം ലഭിച്ചു.-അശ്വജിത്ത് (വിദ്യാര്‍ഥി ആര്‍.കെ. മിഷന്‍ സ്‌കൂള്‍ കോഴിക്കോട്).

''എ പ്ലസ് പ്രതീക്ഷ''

വളരെ എളുപ്പമുള്ള പരീക്ഷയായിരുന്നു. എ പ്ലസ് പ്രതീക്ഷയുണ്ട്. പ്രസംഗം ഭാഗം ബുദ്ധിമുട്ടായിരിക്കുമെന്നാണ് കരുതിയത് പക്ഷേ വലയ്ക്കാത്ത പരീക്ഷ പേപ്പറായിരുന്നു. ഫോക്കസ് ഏരിയ നോക്കാതെ മുഴുവന്‍ പാഠഭാഗങ്ങളും പഠിച്ചിരുന്നു. അത് മികച്ച തീരുമാനമായെന്ന് കരുതുന്നു.ഓണ്‍ലൈന്‍ ക്ലാസുകള്‍ക്ക് ശേഷമുള്ള പൊതു പരീക്ഷയെ കുറിച്ച് നല്ല ഭയമുണ്ടായിരുന്നു എന്നാല്‍ മോഡല്‍ പരീക്ഷ ആ ഭയത്തെ പാടെ മായ്ച്ചു കളഞ്ഞു. മോഡല്‍ പരീക്ഷ ശരിക്കും ആത്മവിശ്വാസം കൂട്ടിയെന്ന് വേണം പറയാന്‍. കണക്ക്, ഹിന്ദി പരീക്ഷകള്‍ ലേശം ആശങ്കയോടെയാണ് കാണുന്നത്. എങ്കിലും പ്രതീക്ഷ കൈവിടുന്നില്ല. -ദേവിക, (വിദ്യാര്‍ഥിനി. എം.വി. ഹയര്‍സെക്കണ്ടറി സ്‌കൂള്‍ മലപ്പുറം).

''നിലവാരം പുലര്‍ത്തിയ പരീക്ഷ''

അധ്യാപികയെന്ന നിലയില്‍ വളരെ സംതൃപ്തി നല്‍കിയ ചോദ്യപേപ്പറായിരുന്നു. നിലവാരം ചോരാതെ എളുപ്പമുള്ള രീതിയിലാണ് ഓരോ ചോദ്യങ്ങളും. ഫോക്കസ് ഏരിയയും നോണ്‍ ഫോക്കസ് ഏരിയയും നന്നായി പഠിച്ച വിദ്യാര്‍ഥികള്‍ക്ക് എപ്ലസ് തീര്‍ച്ചയായും ലഭിക്കും. ഉപന്യാസ ചോദ്യങ്ങളും നിലവാരമുള്ളതായിരുന്നു. വിദ്യാര്‍ഥികളും വളരെ നല്ല രീതിയിലാണ് എഴുതിയിരിക്കുന്നതെന്നാണ് മനസ്സിലാക്കാന്‍ സാധിച്ചത്.- ശ്രീവിദ്യ, (മലയാളം അധ്യാപിക ആര്‍.കെ മിഷന്‍ സ്‌കൂള്‍, കോഴിക്കോട്).

"അര്‍ഹതയുള്ളവര്‍ക്ക് എപ്ലസ്"

എല്ലാ നിലവാരത്തിലുമുള്ള കുട്ടികള്‍ക്കും നന്നായി എഴുതാന്‍ പറ്റുന്ന ചോദ്യപേപ്പറായിരുന്നു വന്നത്. പുതിയ പാറ്റേണിലെ ചോദ്യപേപ്പര്‍ കുട്ടികളില്‍ യാതൊരു തരത്തിലും ആശങ്കയുണ്ടാക്കിയില്ല. പൊതുവിദ്യാഭ്യാസ വകുപ്പിന്റെ പുതിയ നയം അര്‍ഹരായവര്‍ക്ക് മാത്രം എ പ്ലസ് എന്നതാണ്. അതിന് അനുസരിച്ച് നന്നായി പഠിച്ച കുട്ടികള്‍ക്ക് എ പ്ലസ് നിശ്ചയമായും കിട്ടുന്ന തരത്തിലാണ് ചോദ്യങ്ങള്‍.കുട്ടികള്‍ എല്ലാവരും തന്നെ സന്തോഷത്തോടെയാണ് ക്ലാസ് വിട്ടത്. ഓണ്‍ലൈന്‍ ക്ലാസിന് ശേഷം പരിമിതമായ സമയത്ത് മാത്രമാണ് കുട്ടികളെ സ്‌കൂളില്‍ കിട്ടിയത്. പരമാവധി നല്ല രീതിയില്‍ റിവിഷന്‍ ചെയ്യാന്‍ ഞങ്ങള്‍ ശ്രമിച്ചിട്ടുണ്ട്. ഓണ്‍ലൈന്‍ വിദ്യാഭ്യാസ സമ്പ്രദായം പരീക്ഷയില്‍ വിപരീതമായി നിഴലിക്കുമോയെന്ന് ഭയന്നിരുന്നു. എന്നാല്‍ മലയാളത്തിന്റെ കാര്യത്തില്‍ വിജയകരമായി തന്നെ കുട്ടികള്‍ ഈ കടമ്പ കടന്നു. കുട്ടികള്‍ക്ക് മുന്നോട്ടുള്ള പരീക്ഷകള്‍ ആത്മവിശ്വാസം നല്‍കുന്നതായിരിക്കും മലയാളം ചോദ്യപ്പേപ്പര്‍- അനില, (മലയാളം അധ്യാപിക - നടക്കാവ് സ്‌കൂള്‍ കോഴിക്കോട്)

Content Highlights: Kerala SSLC Examination 2022


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023


Premium

06:55

കുത്ത് കിട്ടും, ന്നാലും എനിക്കിഷ്ടാ; തേനീച്ച വളർത്താൻ വയസ്സൊക്കെ നോക്കണോ? | The Youngest beekeeper@6

Feb 2, 2023


jenna gestetner

1 min

ആകെ കഴിയ്ക്കാവുന്നത് 9 ഭക്ഷണം; അത്യപൂര്‍വ രോഗത്തെക്കുറിച്ച് തുറന്നുപറഞ്ഞ് യുവതി

Feb 1, 2023

Most Commented