.jpg?$p=cc29bd4&f=16x10&w=852&q=0.8)
Representational Image | Photo: freepik.com
പൈലറ്റ്, എയര്‍ഹോസ്റ്റസ്... ഏവിയേഷന്‍ എന്ന് കേള്‍ക്കുമ്പോള്‍ മനസ്സിലേക്ക് വരിക ഈ രണ്ട് ജോലികളാണ്. എന്നാല്‍, ഒരു വിമാനവുമായി ബന്ധപ്പെട്ട് ഒട്ടേറെ മറ്റ് തൊഴിലവസരങ്ങളുമുണ്ട്. എയര്‍ക്രാഫ്റ്റ് മെയിന്റനന്‍സ് എന്‍ജിനീയറിങ്, ബി.എസ്സി. ഏവിയേഷന്‍, എം.ടെക്. ഇന്‍ എയ്‌റോ സ്‌പേസ് എന്‍ജിനീയറിങ്, ബി.ബി.എ. ഇന്‍ എയര്‍പോര്‍ട്ട് മാനേജ്‌മെന്റ് എന്നിവയാണ് ഏവിയേഷന്‍ രംഗത്തെ പ്രധാന കോഴ്‌സുകള്‍. ഒട്ടുമിക്ക വ്യോമയാന കോഴ്‌സുകള്‍ക്കും ആവശ്യമായ അടിസ്ഥാനയോഗ്യത പ്ലസ്ടുവാണ്.
തൊഴിലവസരങ്ങള്‍
യാത്രക്കാരുടെ ലഗേജ് സുരക്ഷിതമായി എത്തിക്കുന്നതുതൊട്ട്, വിമാനത്തിന്റെ ടേക്കോഫും ലാന്‍ഡിങ്ങും നിയന്ത്രിക്കുന്നതുവരെയുള്ള ജോലികള്‍ ഈ രംഗത്തുണ്ട്. മാനേജ്‌മെന്റും സെക്യൂരിറ്റിയും കസ്റ്റമര്‍ റിലേഷനും ടിക്കറ്റ് റിസര്‍വേഷനുമെല്ലാം ഇതില്‍ ഉള്‍പ്പെടും. എയര്‍ ട്രാഫിക് കണ്‍ട്രോളര്‍, ബാഗേജ് ഹാന്‍ഡ്ലര്‍, വിമാന- വ്യോമഗതാഗത മാനേജ്‌മെന്റ്, വ്യോമയാന സുരക്ഷ, ടിക്കറ്റ് റിസര്‍വേഷന്‍, വ്യോമഗതാഗത നിയന്ത്രണം, കാര്‍ഗോ റിസര്‍വേഷന്‍, എയര്‍പോര്‍ട്ട് മാനേജര്‍... നിര നീളും. നല്ല വ്യക്തിത്വവും ഊര്‍ജസ്വലതയും ക്ഷമയുമുണ്ടെങ്കില്‍ പൈലറ്റ് ട്രെയിനിങ്ങും എയര്‍ഹോസ്റ്റസ്
ഡിപ്ലോമയും തിരഞ്ഞെടുക്കാം.
ഏവിയേഷന്‍ അല്ലെങ്കില്‍ അതുമായി ബന്ധപ്പെട്ട മേഖലയില്‍ ബിരുദമുണ്ടെങ്കില്‍ എയര്‍പോര്‍ട്ട് മാനേജരാകാം. ഫ്‌ളൈറ്റിന്റെ ടേക്കോഫും ലാന്‍ഡിങ്ങുമൊക്കെ നിയന്ത്രിക്കുന്നതാണ് എയര്‍ ട്രാഫിക് കണ്‍ട്രോളറുടെ ജോലി. സൈക്കോളജി കഴിഞ്ഞവര്‍ക്ക് ഏവിയേഷന്‍ സൈക്കോളജിസ്റ്റായി അവസരമുണ്ട്. വിമാനജീവനക്കാരുടെ മാനസികസംഘര്‍ഷം ഒഴിവാക്കുന്നതിനുള്ള സഹായങ്ങള്‍ നല്‍കുകയാണ് ഏവിയേഷന്‍ സൈക്കോളജിസ്റ്റിന്റെ തൊഴില്‍. ബിരുദത്തിനുശേഷം ഒരുവര്‍ഷത്തെ എയര്‍പോര്‍ട്ട് മാനേജ്‌മെന്റ് ഡിപ്ലോമ പഠിച്ചാല്‍ എയര്‍ക്രാഫ്റ്റ് ഡിസ്പാച്ച് മാനേജര്‍, എയര്‍പോര്‍ട്ട് ഓപ്പറേഷനല്‍ മാനേജര്‍, എയര്‍പോര്‍ട്ട് ടെര്‍മിനല്‍ ഡ്യൂട്ടി മാനേജര്‍, എയര്‍പോര്‍ട്ട് മാനേജര്‍ എന്നിങ്ങനെ വിവിധ തസ്തികകളില്‍ ജോലിചെയ്യാം.
ഡിപ്ലോമ ഇന്‍ ഗ്രൗണ്ട് സ്റ്റാഫ് ട്രെയിനിങ്, ഡിപ്ലോമ ഇന്‍ ഗ്രൗണ്ട് സ്റ്റാഫ് ഹാന്‍ഡ്ലിങ് എന്നിവയിലേതെങ്കിലും പൂര്‍ത്തിയാക്കിയാല്‍ എയര്‍ഹോസ്റ്റസ് ആയി ജോലിചെയ്യാം. ഏവിയേഷന്‍ ഇന്‍ ഹോസ്പിറ്റാലിറ്റിയില്‍ ഡിപ്ലോമ ചെയ്താലും കാബിന്‍ ക്രൂവായും ഗ്രൗണ്ട് സ്റ്റാഫായും അവസരമുണ്ട്. എയ്റോനോട്ടിക്കല് എന്‍ജിനീയറിങ്ങില്‍ ബി.ടെക്. പൂര്‍ത്തിയാക്കുന്നവര്‍ക്ക് ഡിസൈന്‍ എന്‍ജിനീയറാവാം.
കോഴ്‌സുകള്‍ തിരഞ്ഞെടുക്കുമ്പോള്‍
ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയുടെ വിവിധകേന്ദ്രങ്ങളില്‍ എയ്‌റോസ്‌പേസ് എന്‍ജിനീയറിങ്, എയ്റോനോട്ടിക്കല് എന്‍ജിനീയറിങ് എന്നിവയില്‍ ബി.ടെക്., എം.ടെക്. കോഴ്‌സുകള്‍ നടത്തുന്നുണ്ട്. ചെന്നൈ, കാന്‍പുര്‍, ഖരഗ്പുര്‍, മുംബൈ എന്നിവിടങ്ങളിലെ ഐ.ഐ.ടികളിലാണ് ഈ കോഴ്സുകളുള്ളത്. പൊതു പ്രവേശനപരീക്ഷകളിലൂടെയാണ് വിദ്യാര്‍ഥികളെ തിരഞ്ഞെടുക്കുന്നത്.
യൂണിവേഴ്‌സിറ്റി ഓഫ് മുംബൈയില്‍ മൂന്നുവര്‍ഷത്തെ ബി.എസ്സി. ഏവിയേഷന്‍ പഠിപ്പിക്കുന്നു. ഇന്ദിരാഗാന്ധി രാഷ്ട്രീയ ഉറാന്‍ അക്കാദമി (ഉത്തര്‍പ്രദേശ്), രാജീവ് ഗാന്ധി അക്കാദമി ഫോര്‍ ഏവിയേഷന്‍ ടെക്നോളജി (തിരുവനന്തപുരം), ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് എയ്റോനോട്ടിക്കല് സയന്‍സ് (കൊല്‍ക്കത്ത), യൂണിവേഴ്‌സിറ്റി ഓഫ് പെട്രോളിയം ആന്‍ഡ് എനര്‍ജി സ്റ്റഡീസ് (ദെഹ്റാദൂണ്‍) എന്നിവയാണ് മറ്റ് പ്രധാന പഠനകേന്ദ്രങ്ങള്‍.
കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് അതോറിറ്റിയുടെ കീഴിലുള്ള സിയാല്‍ അക്കാദമിയില്‍ ആറുമാസത്തെ മാനേജ്‌മെന്റ് ഡിപ്ലോമ കോഴ്‌സ് സംഘടിപ്പിക്കുന്നുണ്ട്.
Content Highlights: Aviation Courses, Fees, Duration, Eligibility, Airport Management Courses
വിദ്യാഭ്യാസ വാര്‍ത്തകളും വിശകലനവും അറിയാന്‍ Join WhatsApp Group https://mbi.page.link/mb-education
Also Watch
RELATED STORIES
.jpg?$p=48405e6&f=1x1&w=100&q=0.8)
Premium
Premium
.jpg?$p=818dc93&f=1x1&w=100&q=0.8)
.jpg?$p=afe3202&f=1x1&w=100&q=0.8)
IN CASE YOU MISSED IT
Premium
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..